Êphêsô 6:5 - Sơ̆p Hlabơar Nơ̆r 'Bok Kei-Dei

⁵ Ơ lu bơngai đĭch đe, iĕm athei chu yom kơ yŏng tơ'ngla iĕm, iĕm athei jang kiơ̆ kơ nơ̆r sư pơkă 'nĕ kơ pơjah dôm nơ̆r sư khan. Iĕm athei jang kơ sư mă tơpăt dang iĕm jang kơ Yŏng bơ̆n Yêsu Krist mơ̆n.

Êphêsô 6:5 Iomraidhean Croise

Bl 16:9

Linh jang 'lơ̆ng Kră Yang bơtho khan kơ sư thoi âu: “Ih athei brŏk tơ yŏng tơ'ngla ih păng chu yom sư.”

I Ho 29:17

Ơ Kră Yang 'Bok Kei-Dei inh, inh băt kơ Ih 'bôh nhen lăm jơhngơ̆m klơm klak kon bơngai păng Ih hiôk gah tơdrong 'lơ̆ng tơpăt. Gah inh kư̆m kiơ̆ tơdrong 'lơ̆ng tơpăt lăm jơhngơ̆m hiôk pơyơ̆r ăn kơ ih lu tơmam 'nâu. Dang ei inh hiôk dêh inh 'bôh kon pơlei Ih oei tơ âu kư̆m đei pơyơ̆r ăn kơ Ih hăm jơhngơ̆m hiôk.

Horiso 123:2

Thoi măt lu đĭch đam drŏ-nglo chang gô đơ̆ng ti yŏng tơ'ngla drŏ-nglo lu sư. Thoi măt lu đam drŏ-kăn lăng tơ ti yŏng tơ'ngla drŏ-kăn lu sư. Na măt lu bơ̆n kư̆m chang gô Kră Yang, 'Bok Kei-Dei thoi noh; Dĭng Sư mă mơnat kơ lu bơ̆n.

Horiso 86:11

Ơ Kră Yang, apinh Ih bơtho tơ'bôh kơ inh trong Ih. Na inh gô yak kiơ̆ tơdrong 'lơ̆ng tơpăt Ih; Apinh Ih ăn kơ inh đei jơhngơ̆m băt hli yom kơ Ih,

Malachi 1:6

“Kon drŏ-nglo kơkuh pơyom kơ 'bă sư, đĭch đam hli yom kơ yŏng tơ'ngla sư. Thoi noh tơdah Inh jing 'Bă iĕm, lei tơdrong lu iĕm kơkuh pơyom kơ Inh? Păng tơdah Inh jing yŏng tơ'ngla, lei lu sư hli yom kơ Inh tơ yơ?” Kră Yang Tih Hloh khan kơ lu sư thoi noh. “Ơ lu 'bok soi pơdê anăn Inh!” Lu iĕm đei khan: “Tơ yơ nhôn đei pơdê anăn Ih?”

Mathiơ 6:22

“Măt pơm ŭnh kơđeng kơ akâu bơ̆n. Dah măt bơ̆n hơdah 'lơ̆ng ưh kơ hưch hanh tơdrong ala teh, lei tôm tơdrong akâu bơ̆n jang kư̆m 'lơ̆ng mơ̆n.

Mathiơ 6:24

“Minh 'nu đĭch ưh kơ gơh jang kơ 'bar 'nu yŏng ôh, hli kơ sư 'mêm kơ yŏng âu, areh kơ yŏng to; chu yom kơ yŏng to, pơjăm pơjuă yŏng âu. Na mŭk tơmam kư̆m dang pơm yŏng mơ̆n. Dah iĕm băt 'mêm kơ 'Bok Kei-Dei Yŏng iĕm tơpă lei iĕm ưh kơ 'mêm kơ dôm mŭk tơmam tơ ala teh âu ôh.

Mathiơ 8:9

Inh kư̆m đei đe pơgơ̆r inh păng inh kư̆m đei pơgơ̆r lu linh mơ̆n. Dah inh khan kơ bơngai âu mă bơngai to: Năm bĕ, sư năm hloi chu inh. Dah inh bơtho lu đĭch đam inh jang, mă dôm tơdrong kiơ, lu sư jang hloi. Inh wă kơ thoi noh đĕch, na dang ei inh wă kơ Ih sơkat đơ̆ng âu đĕch na sư tơ hnam klaih.”

Jang 2:46

Rim năr lu sư akŭm tơ hnam akŭm 'Bok Kei-Dei tơm, hăm akŭm tơ lăm hnam sư kơdih. Lu sư sŏng sa hơdai dih băl 'blŏk hơdơ̆r kơ Yêsu. Lu sư chơt hiôk tơpă.

Rom 9:3

Inh 'mêm ră kơ lu bơngai Isơrael tă kơ 'nhŏng oh inh ngăl. Đon inh hơdơ̆r kơ lu sư lui kơ Yêsu Krist đĭ, lê̆ kơ inh ưh, pŭ dôm tơdrong phak lu sư ning-mônh.

I Kor 2:3

Kơplah inh oei bơtho tơ anăp iĕm inh hli tơtey dêh.

I Kor 7:22

Bơngai bu đĭch đe mă-lei Kră Yang krao sư lui, bơngai 'noh kư̆m dang rơngei mơ̆n, yua kơ sư lui kơ Kră Yang Yêsu Krist. Mă bơngai bu ưh kơ đĭch đe, Yêsu Krist krao sư lui, bơngai 'noh kư̆m dang đĭch Yêsu Krist mơ̆n.

II Kor 1:12

Tơdrong nhôn hiôk, nhôn hiôk yua kơ tơdrong âu: Jơhngơ̆m đon nhôn mơn kơdih nhôn pơm 'lơ̆ng kơ đĭ-đăng bơngai; mă loi pơm 'lơ̆ng pơm tơpăt hăm iĕm. Mă-lei nhôn ưh kơ bơnê kơ akâu nhôn kơdih hơgei ôh, nhôn bơnê kơ 'Bok Kei-Dei tơgŭm nhôn pơm 'lơ̆ng thoi noh.

II Kor 7:15

Mă loi sư ưh kơ hiơt kơ tơdrong iĕm sơng iŏk sư păng chu yom kơ sư, noh na sư 'mêm kơ iĕm rai dêh.

Êphêsô 5:22

Lu bơngai pơm akăn, dang ei iĕm lui boih kơ Yêsu Krist, iĕm athei chu yom kơ klo iĕm gô mơ̆ng kơ sư pơgơ̆r.

Êphêsô 6:24

Inh apinh sư wei-lăng lu bơngai mă băt 'mêm kơ Kră Yang bơ̆n Yêsu Krist ling-lang.

Philip 2:12

Ơ lu 'nhŏng oh mă inh 'mêm kơeng, iĕm băt boih Yêsu Krist iŏk đon ala thoi noh na iĕm athei adrin pơm kiơ̆ khŏm khŏm păng adrin pơm mă 'blep thoi 'Bok Kei-Dei wă, hli kơ Sư ưh kơ iŏk iĕm kơplah Yêsu Krist jur ning-mônh. Sơ̆ kơplah inh oei hăm iĕm, inh 'bôh iĕm pơm kiơ̆ 'blep tơpă, mă đơ̆ng kơdrô̆ iĕm dang ei inh ưh kơ băt, na iĕm athei kiơ̆ mă tơpă hloh kơ noh dơ̆ng.

Phil 1:16

Thoi noh dang ei ih lăng sư 'nĕ mah dang sư đĭch ih mă adrol sơ̆ hŏ. Dang ei sư đĭch ih mơ̆n, mă-lei inh wă kơ ih lăng sư thoi lĕ kơ oh ih tơnơm. Sư jing oh ih boih, sư oh inh mơ̆n mă inh 'mêm kơdih tơpă. Mă-lei ih 'mêm mơnat kơ sư hloh kơ inh mơ̆n kơlih sư bơngai jang kơ ih păng sư kư̆m oh ih mơ̆n, yua kơ sư kư̆m lui kơ Kră Yang Yêsu Krist.

Jôsuê 24:14

Thoi noh dang ei, athei chu yom bĕ kơ Kră Yang păng pơm kiơ̆ kơ Sư hăm đĭ jơhngơ̆m păng tơnăp, hŭt lê̆ bĕ lu yang mă 'bok lu iĕm kơkuh tơ gah hơlĕch kơ đak Krong Tih păng tơ lăm char Êyiptơ; athei chu yom bĕ kơ Kră Yang.

I Pet 3:2

Sư 'bôh tơdrong iĕm lui kơ 'Bok Kei-Dei hăm pơm 'lơ̆ng, sư gô pơm kiơ̆.