Êphêsô 6:4 - Sơ̆p Hlabơar Nơ̆r 'Bok Kei-Dei

⁴ Ơ lu bơngai đei kon hơ'lơ̆p, iĕm 'nĕ hil kơ kon iĕm dêh, hli kơ lu sư hil plơ̆ kơ iĕm dơ̆ng, iĕm athei bơtho akhan kơ lu sư kiơ̆ tơdrong Kră Yang pơkă.

Êphêsô 6:4 Iomraidhean Croise

Bl 18:19

Inh đei rơih iŏk boih Abraham wă kơ bơtho tơ'bôh kơ kon sâu lăm hnam dơnŏ sư wei tơdrong lui yom kơ Kră Yang, wă pơsĭt nơ̆r mă Kră Yang đei pơkă boih hăm Abraham.”

I Ho 28:20

Đawit khan kơ Sôlômôn kon drŏ-nglo sư: “Mă pran kơjăp jơhngơ̆m đon na bơ̆jang; 'nĕ kơ hli, 'nĕ kơ bơ̆l hăl, yua kơ Kră Yang 'Bok Kei-Dei 'bă oei hơdai hăm kon; Sư ưh kơ đei layơ achăng hŭt kon, dĭng truh tơ tơiung hnam Kră Yang keh đang.

I Ho 29:19

Apinh Ih ăn kơ Sôlômôn, kon drŏ-nglo inh, đĭ jơhngơ̆m wei răk lu nơ̆r tơtă khôi juăt păng nơ̆r Ih pơkă pơkăm kư̆m pơm tôm tơdrong jang wă, man tơiung hnam mă inh đei chă hơmet lê̆ tơmam bơih.”

Tơdrông Pơđơk 19:18

Bơtho hơmet bĕ kon iĕm kơplah oei đei hơmĕng; Mă-lei 'nĕ kơ đei đon wă pơlôch sư.

Tơdrông Pơđơk 22:15

Tơdrong kơtul kơhlôh 'bôh oei chô̆ jơhngơ̆m lu hơ'lơ̆p. Mă-lei đei yua 'long teh bơtho tơdrong kơtul lĕch tơ ataih kơ sư.

Tơdrông Pơđơk 22:6

Bơtho tơ'bôh bĕ kơ lu bơngai oei hơ'lơ̆p trong sư wă yak kiơ̆. Wă truh tơ kră lu sư huay kơ weh dơ̆ng trong noh.

Tơdrông Pơđơk 29:15

'Long băl teh chrih bơtho ăn tơdrong gơh hơgei: Mă-lei đei kon hơ'lơ̆p pơm kiơ̆ kơ sư wă pơm kơ mĕ sư mơlâu.

Tơdrông Pơđơk 29:17

Phak bơtho kon hơ'lơ̆p, na ih gô đei oei hiôk-hian; Pơm ăn kơ bơhngol ih gơh arih hiôk.

Êsai 38:19

Lu bơngai arih, lu bơngai arih đĕch ư-ang kơ Ih. Thoi inh đei pơm năr âu. Lu bơngai pơm 'bă gô bơtho ăn kơ kon hơ'lơ̆p sư băt tơdrong tơpăt Ih.

Êphêsô 6:3

Sư pơkă khan dah bơ̆n chu kiơ̆ tơdrong juăt chu yom mĕ 'bă, Sư gô ăn kơ bơ̆n arih hiôk păng arih sot tơ ala teh âu.

Both 4:9

Athei wei răk, pơ'lơ̆ng kơdih akâu iĕm, kơnh hli kơ iĕm hiơt dôm tơdrong mă măt lu iĕm 'bôh boih păng 'nĕ ăn lu tơdrong noh lĕch đơ̆ng lăm jơhngơ̆m iĕm păng athei bơtho bĕ kơ lu kon sâu se iĕm dơ̆ng.

Both 6:7

Athei adrin bơtho ăn dôm tơdrong noh kơ lu kon iĕm păng bơtho tơdrong âu kơplah sư oei lăm hnam, dah oei năm rok trong, dah wă tep, dah iung đơ̆ng tep.

Kôlôsê 3:21

Ơ lu bơngai đei kon hơ'lơ̆p, iĕm 'nĕ kơ hil hơwĕng kơ lu kon iĕm, hli kơ lu sư rai ơh sơ'ngon rai dêh.

II Tim 1:5

Inh băt kơ ih lui kơjăp tơpă, kư̆m lei-lăi thoi yă ih Lôih păng mĕ ih Eunik lui sơ̆ mơ̆n. Na dang ei inh băt kơ ih lui kơjăp thoi sư sơ̆ tơpă.

II Tim 3:15

Đơ̆ng ih oei iĕ sơ̆ ih pơhrăm sơ̆p hla bơar tơdrong 'Bok Kei-Dei. Sơ̆p hla bơar Sư boih ăn kơ bơ̆n băt tơdrong Sư pơklaih bơ̆n đơ̆ng tơdrong yoch yua kơ bơ̆n lui kơ Kră Yang Yêsu Krist.

Jôsuê 24:15

Tơdah lu iĕm ưh kơ wă chu yom ôh kơ Kră Yang, lei dang ei athei rơih iŏk bĕ kơdih lu iĕm wă kơkuh kơ bu, kơ lu yang mă lu 'bok yă lu iĕm kơkuh tơ gah hơlĕch kơ đak Krong Tih dah lu yang kon pơlei Amôrit lăm char lu sư; mă lu iĕm oei âu Mă-lei gah inh păng hnam inh gô chu yom păng pơm kiơ̆ kơ Kră Yang.”

Lu 13:12

Manôa khan dơ̆ng: “Mưh nơ̆r Ih pơma trŏ 'blep thoi noh, lei tơdrong juăt kơ bơngai hơ'lơ̆p âu chă arih sa, jang sa liơ?”