Êphêsô 6:21 - Sơ̆p Hlabơar Nơ̆r 'Bok Kei-Dei

²¹ 'Bok mă chĕp ăn kơ iĕm hla kơthơ âu anăn sư Tisĭk, sư 'nhŏng oh bơngai lui bơ̆n. Bơ̆n 'mêm kơ sư mơ̆n yua kơ bơ̆n 'bôh sư adrin jang tơdrong Kră Yang Yêsu Krist tơpă. Na sư gô tơbăt ăn kơ iĕm tôm tơdrong inh oei 'lơ̆ng akâu hăm inh jang tơdrong 'Bok Kei-Dei thoi yơ dang ei na iĕm gô băt.

Êphêsô 6:21 Iomraidhean Croise

Jang 20:4

Lu bơngai âu kư̆m năm kiơ̆ sư mơ̆n, lu anăn sư: Sôpatê kon Piru, sư đơ̆ng Pơlei Bêrê; bre Aritak păng Sêkônđa đơ̆ng Pơlei Têsalônik; Guơs đơ̆ng Pơlei Dibơ; Timôthê đơ̆ng Pơlei Litrơ; păng bre Tisĭk, Trôphĭm đơ̆ng dêh char Asi.

I Kor 4:17

Yua kơ tơdrong 'noh na inh wơh Timôthê năm tơ iĕm, sư kon inh mă 'mêm kơeng đơ̆ng inh bơtho sư tơdrong Kră Yang. Sư chu kơ nơ̆r inh ling-lang na sư gô tơ'blŏk ăn kơ iĕm dôm tơdrong inh kiơ̆ Yêsu Krist thoi yơ. Dôm tơdrong inh bơtho tơ rim hnam akŭm kư̆m lei-lăi thoi noh mơ̆n.

Philip 1:12

Ơ lu 'nhŏng oh, inh wă roi tơbăt kơ iĕm tơdrong âu: Mă dang ei đe oei phak inh, tơdrong 'nao 'lơ̆ng Yêsu Krist rai kơtơ̆ng lơ bơngai nai. Ưh kơ sĭ inh pă gơh bơtho boih ôh. Đe phak inh rai pơyua inh gơh bơtho lơ lu bơngai mă oei tăp dăr kơ inh.

Kôlôsê 1:7

Iĕm kơtơ̆ng tơdrong noh đơ̆ng Êpapra bơtho iĕm sơ̆, tơdrong sư bơtho trŏ tơpă. Sư bơngai jang tơdrong Yêsu Krist hăm nhôn, nhôn 'mêm kơ sư tơpă; sư jang tang inh oei hơdai hăm iĕm tơ noh.

I Tim 4:6

Dah ih bơtho lu bơngai lui tơdrong Yêsu Krist kiơ̆ thoi inh pơkă, lei đe băt kơ tơdrong jang ih âu 'lơ̆ng dêh păng đe băt kơ ih lui kơjăp tơdrong 'Bok Kei-Dei khŏm khŏm kư̆m thoi ih lui đơ̆ng blŭng sơ̆ khơ̆ dang ei.

II Tim 4:12

Tisĭk inh wơh sư năm tơ Pơlei Êphêsô boih.

Tit 3:12

Mưh inh wơh Artemus dah Tisĭk năm tơplih ih wă bơlơh ih 'biơ̆, lăp sư truh tơ ih boih, na ih adrin năm tơ inh tơ Pơlei Nikôpôlis hŏ. Na mưh truh bơyan tơngiĕt kơnh na ih oei hơdai inh tơ Pơlei Nikôpôlis.

Phil 1:16

Thoi noh dang ei ih lăng sư 'nĕ mah dang sư đĭch ih mă adrol sơ̆ hŏ. Dang ei sư đĭch ih mơ̆n, mă-lei inh wă kơ ih lăng sư thoi lĕ kơ oh ih tơnơm. Sư jing oh ih boih, sư oh inh mơ̆n mă inh 'mêm kơdih tơpă. Mă-lei ih 'mêm mơnat kơ sư hloh kơ inh mơ̆n kơlih sư bơngai jang kơ ih păng sư kư̆m oh ih mơ̆n, yua kơ sư kư̆m lui kơ Kră Yang Yêsu Krist.

I Pet 5:12

Silas 'nhŏng oh bơ̆n bơngai lui, inh lăng sư lui kơjăp tơpă, na kơthơ âu sư chih tơgŭm inh. Nhi chih minh 'bar nơ̆r wă tơbăt kơ iĕm tơdrong bơ̆n lui âu, tơdrong 'Bok Kei-Dei 'mêm mơnat kơ bơ̆n tơpă, na apinh iĕm lui kơjăp bĕ tơdrong noh.

II Pet 3:15

Iĕm 'nĕ pơma kơ tơdrong Sư ưh kơ dah jur, yua kơ Sư mơnat kơ kon tơring tơrang lu tam mă lui, wă kơ lu sư lui thoi iĕm 'mơ̆i, na 'Bok Kei-Dei pơklaih tơdrong yoch lu sư, thoi Sư pơklaih iĕm boih. Pôl, 'nhŏng oh bơ̆n mă bơ̆n 'mêm, 'Bok Kei-Dei ăn kơ sư hơgei gah tơdrong bơtho, sư chih roi kơ iĕm kư̆m lei-lăi thoi noh mơ̆n.