Êphêsô 5:8 - Sơ̆p Hlabơar Nơ̆r 'Bok Kei-Dei

⁸ Yua kơ dang ei iĕm ưh pă oei lăm măng mu thoi lu bơngai noh boih, iĕm oei lăm hơdah Kră Yang Yêsu Krist pơchrang ăn. Thoi noh na iĕm athei oei kiơ̆ kơ tơdrong hơdah Sư noh.

Êphêsô 5:8 Iomraidhean Croise

Horiso 74:20

Apinh Ih 'blŏk kơ đêl nơ̆r pơgơ̆p; Yua kơ anih măng mu lăm teh đak 'bĕnh kơ tơdrong kơnê̆.

Êsai 2:5

Ơ adrĕch Jakôp, bĕ lu bơ̆n yak kiơ̆ lăm tơdrong hơdah Kră Yang.

Êsai 42:16

Inh gô chông lu bơngai măt tol rok trong lu sư ưh kơ biơh năm, dui lu sư rok trong iĕ mă lu sư ưh tam juăt; inh gô tơplih măng mu jing hơdah 'bơ̆t anăp lu sư, Inh gô pơm kơ teh jrŭ đơng jing dơnă. Tơpă inh gô pơm lu tơdrong noh păng ưh kơ achăng tŭk lu sư ôh.

Êsai 49:6

Kră Yang kư̆m đei khan: “Ih đĭch đam Inh. Wă krao dơ̆ng lu adrĕch Jakôp păng wă ba lu bơngai Isơrael mă oei arih brŏk dơ̆ng, mă tơdrong jang âu iĕ đĕch inh gô ăn kơ ih tơdrong jang tih ba tơdrong hơdah pơchrang ăn kơ lu dêh char tơmoi. Ba tơdrong dŏng pơklaih Inh truh tơ tôch jơ̆p-jang teh đak.

Êsai 49:9

Wă khan kơ lu bơngai bơnă: ‘Lĕch bĕ,’ păng khan kơ bơngai oei lăm măng mu: ‘Pơdah bĕ akâu iĕm!’ Lu sư gô sŏng sa rok trong păng lu sư gô đei tơmăn 'nhĕt tơ kơpal kông groi mơ-mlưch.

Êsai 50:10

Bơngai bu lăm lu iĕm băt hli yom kơ Kră Yang, păng chu kiơ̆ kơ nơ̆r đĭch đam Sư Mă năm lăm măng mu păng ưh kơ đei hơdah. Gơnang bĕ kơ Anăn Kră Yang păng gơnang kơ Kră Yang 'Bok Kei-Dei sư kơdih.

Êsai 9:2

Kră Yang ăn kơ kon pơlei âu chek lar rai lơ păng pơthim ăn kơ lu sư chơt hiôk. Rim 'nu chơt hiôk 'bơ̆t anăp Kră Yang, thoi đe chơt hiôk kơ bơyan yuă 'ba, thoi lu bơngai jreo hiôk klah song băl tơmam đơ̆ng blah tơgar iŏk.

Je 13:16

Ư-ang bĕ kơ Kră Yang 'Bok Kei-Dei iĕm, adrol kơ Sư wă ăn măng mu truh, adrol kơ jơ̆ng lu iĕm kơtơih 'bơm kông măng mu gueo. Kơplah lu iĕm chă hơdah ră, Sư tơplih tă tơ măng mu, Sư gô ăn kơ măng mu jing măng klăm hơ'bơ̆l gueo.

Mathiơ 3:8

Iĕm athei tŭk lê̆ đĭ dôm tơdrong kơnê̆, na pơm mă 'lơ̆ng tơpăt wă kơ đe băt kơ iĕm tơbral kơdih tơdrong yoch tơpă boih.

Mathiơ 4:16

Lu bơngai mă oei lăm măng mu 'noh, Kơnh lu sư gô 'bôh tơdrong hơdah tih tơpă. Tơdrong hơdah 'noh wă pơchrang hơdah kơ lu bơngai mă oei lăm măng mu dang lĕ kơ lôch.”

Luka 16:8

Bơngai đam kơiĕng ei pơm ưh kơ tơpăt ră, mă-lei yŏng sư kư̆m ngơnh kơ sư chă gơh găi pơm tơdrong arih akâu, yua kơ lu bơngai ala teh âu, lu sư hơgei hloh kơ bơngai lui gah tơdrong tơgŭm dih băl chă 'me akâu jăn wă kơ arih akâu.

Yo 1:9

Bơngai mă hơdah dang măt 'năr ei, Sư pơchrang hơdah kơ đĭ-đăng bơngai wă kơ đĭ-đăng bơngai băt tơdrong 'Bok Kei-Dei. Bơngai mă hơdah ei, hơtai ei sơ̆ Sư jur tơ ala teh âu tơ'bôh kơ đe tơdrong hơdah Sư.

Yo 12:35

Na Yêsu khan kơ lu sư gah akâu Sư kơdih: “Măt 'năr oei pơchrang tơ'bôh ăn kơ iĕm ưh pă đunh boih. Na iĕm athei dah lui kơ Inh dang ei kơplah Inh oei tơ âu, hli kơ măng mu klơ̆p măt iĕm; yua kơ bơngai bu nơnăm lăm măng mu, bơngai 'noh sư ưh kơ 'bôh trong.

Yo 12:36

Na Inh âu boih tơdrong hơdah pơchrang ăn kơ iĕm, na iĕm jah lui kơ Inh bĕ, na iĕm oei lăm tơdrong hơdah ling-lang.” Đang Sư bơtho thoi noh boih na Sư weh ôn tơ anih nai.

Yo 12:46

Inh jur tơ ala teh âu wă pơchrang hơdah kơ kon bơngai, na đĭ-đăng bơngai mă lui kơ Inh huay kơ oei lăm măng mu ôh.

Yo 8:12

Yêsu bơtho dơ̆ng thoi âu: “Inh pơchrang hơdah kơ kon bơngai jơ̆p-jang kơ teh đak wă kơ sư băt tơdrong 'Bok Kei-Dei. Bơngai bu kiơ̆ Inh sư huay năm lăm măng mu kiơ̆ tơdrong yoch, sư gô đei Inh pơchrang hơdah kơ sư păng ăn sư arih ling-lang.”

Jang 17:30

Sơ̆ Kră Yang 'Bok Kei-Dei huay kơ jô̆ kơ kon bơngai yua kơ kon bơngai ưh kơ băt kơ Sư. Mă-lei dang ei Sư athei đĭ-đăng bơngai jơ̆p kơ teh đak tơbral dôm tơdrong yoch sư kơdih,

Jang 26:18

Inh gô wơh ih wă kơ pơlar măt lu bơngai tơmoi wă kơ lu sư gơh 'bôh Tơdrong 'Nao 'Lơ̆ng, wă kơ lu sư gơh jăk đơ̆ng măng mu, na oei lăm hơdah, wă kơ sư jăk đơ̆ng yang Satan, na năm tơ 'Bok Kei-Dei. 'Bok Kei-Dei gô pơklaih lu sư đơ̆ng dôm tơdrong yoch hăm jô̆ lu sư jing bơngai 'lơ̆ng tơpăt thoi đĭ-đăng lu bơngai lui kơ Inh.’

Rom 1:21

Kon bơngai bơ̆n băt kơ đei 'Bok Kei-Dei, mă-lei kuă bơnê ư-ang kơ Sư, thoi noh kon bơngai bơ̆n tơchĕng rai ưh kơ tơpăt rai kơtul jing măng mu.

Rom 13:12

Dang ei oei măng mu, ưh pă đunh 'năr gô lĕch. Yua kơ thoi noh na bơ̆n 'nĕ pă oei tơ lăm măng mu, bơ̆n athei oei tơ hơdah ling-lang wă kơ gơh tơblah păng yang kơnê̆.

Rom 2:19

Iĕm khan iĕm pơm 'bok bơtho lu bơngai ưh kơ hlôh kiơ̆ tơdrong 'Bok Kei-Dei wă tơ'bôh trong kơ bơngai măt tol păng pơm ŭnh pơchrang hơdah kơ lu bơngai măng mu.

I Kor 1:30

'Bok Kei-Dei ăn kơ bơ̆n oei hơdai minh jơhngơ̆m minh đon hăm Yêsu Krist. 'Bok Kei-Dei ăn kơ Kon Sư Yêsu Krist tơbăt ăn kơ bơ̆n gơh tơchĕng hơgei gah tơdrong Sư. Yua kơ đơ̆ng Yêsu Krist na 'Bok Kei-Dei huai iŏk bơ̆n đơ̆ng tơdrong yoch, Sư jô̆ bơ̆n jing bơngai tơpăt hăm Sư păng Sư ăn kơ bơ̆n jing bơngai 'lơ̆ng.

II Kor 3:18

Đĭ rim lu bơ̆n bơngai lui pơih lê̆ boih khăn noh, na lu bơ̆n gơh 'bôh muh măt Kră Yang Yêsu rang hơdah, khŏm khŏm lu bơ̆n rai đunh rai hơdah thoi Sư. Tơdrong hơdah noh Sư boih pơchrang ăn kơ lu bơ̆n. Sư kư̆m thoi Yang Bơhngol 'Lơ̆ng mă ăn kơ bơ̆n arih.

II Kor 4:6

Kơplah 'Bok Kei-Dei pơjing plĕnh teh sơ̆ Sư khan kơ măng mu athei đei hơdah na đei hloi. Na Sư kư̆m pơchrang tơdrong hơdah Sư tơ jơhngơ̆m đon nhôn, tơ muh măt Yêsu Krist, wă tơbăt kơ nhôn Sư Kră Yang 'Bok Kei-Dei mơsêh tơpă.

II Kor 6:14

Iĕm 'nĕ kơ tôi 'long ăt hơdai hăm lu bơngai ưh kơ lui, yua kơ tơdrong 'lơ̆ng hăm tơdrong kơnê̆ ưh kơ gơh pơgơ̆p băl ôh; tơdrong hơdah hăm măng mu kư̆m lei-lăi ưh kơ gơh tơ jê̆ băl.

Galati 5:25

Yang Bơhngol 'Lơ̆ng ăn kơ bơ̆n jing kon 'Bok Kei-Dei, na bơ̆n kư̆m athei ăn kơ Sư pơgơ̆r bơ̆n khŏm khŏm mơ̆n.

Êphêsô 2:2

Iĕm pơm kiơ̆ thoi lu bơngai tơ ala teh, hăm pơm kiơ̆ kơ yang Satan wă; yang Satan boih yŏng pơgơ̆r lu yang kơnê̆, sư boih pơgơ̆r lu bơngai mă ưh kơ chu 'Bok Kei-Dei.

Êphêsô 4:18

đon lu sư ưh kơ hlôh. Lu sư ataih đơ̆ng tơdrong arih 'Bok Kei-Dei ăn kơ lu iĕm, yua kơ lu sư kơtul jing arăng kơ̆l.

Êphêsô 5:2

Păng bơ̆n athei băt 'mêm mơnat kơ bôl buăl, thoi Yêsu Krist 'mêm mơnat kơ bơ̆n mah ăn akâu Sư kơdih lôch tang bơ̆n. Sư pơyơ̆r akâu Sư kơ 'Bok Kei-Dei jur lôch tang bơ̆n tơ 'long pơglang kiơ̆ thoi 'Bok Kei-Dei lăp đon, thoi lu bơngai soi sơmah kơ 'Bok Kei-Dei lu sư pơyơ̆r dôm tơmam 'bâu phu.

Êphêsô 6:12

Tơdrong noh ưh kơ sĭ tơblah tơduă bơ̆n kon bơngai ôh, bơ̆n tơblah hăm lu yŏng yang kơnê̆, sư kư̆m pran mơ̆n, sư kư̆m oei tơ kơpal plĕnh ti mă tơ anih nai; sư pơgơ̆r lu bơngai oei tơ ala teh âu, lu bơngai mă oei lăm măng mu.

Kôlôsê 1:12

Na iĕm gô bơnê kơ 'Bă tơm bơ̆n 'Bok Kei-Dei ăn kơ bơ̆n dôm tơdrong hiôk 'lơ̆ng hăm ăn kơ bơ̆n oei tơ anih hơdah, thoi Sư ăn kơ đĭ-đăng lu kon Sư nai.

Kôlôsê 1:13

'Bok Kei-Dei dŏng pơklaih bơ̆n đơ̆ng yang kơnê̆ pơgơ̆r mă oei lăm măng mu, na anhăk ba bơ̆n oei tơ anih Kon Sư pơgơ̆r mă Sư 'mêm kơdih.

Tit 3:3

Sơ̆ bơ̆n ưh kơ băt tơpă tơdrong 'Bok Kei-Dei, na bơ̆n ưh kơ chu Sư. Bơ̆n tơchĕng akâu kơdih khan pơm trŏ, mă bơ̆n pơm ưh kơ trŏ ôh. Bơ̆n hưch hanh lơ tơdrong kư̆ kă ưh kơ băt pơm tơdrong 'lơ̆ng thoi yơ. Bơ̆n 'maih chă tơdrong tơhil păng đe. Bơ̆n 'nhĕng đe, areh kơ đe păng đe areh kơ bơ̆n mơ̆n.

I Yo 1:7

Dah bơ̆n oei lăm hơdah Sư, kư̆m thoi Sư oei lăm hơdah, lei 'bơ̆r đon bơ̆n hiôk hơiă dih băl tơpă. Na pham Kon Sư Yêsu Krist 'nhao rơgoh bơ̆n tôm tơdrong yoch.