Êphêsô 5:4 - Sơ̆p Hlabơar Nơ̆r 'Bok Kei-Dei

⁴ Bơ̆n ưh pă gơh pơma tơdrong kơnê̆, tơdrong kư̆ kă, tơdrong chroih tơ nai. Bơ̆n athei pơma ling-lang gah tơdrong ư-ang kơ 'Bok Kei-Dei đĕch.

Êphêsô 5:4 Iomraidhean Croise

Horiso 33:1

Ơ lu bơngai tơpăt, chơt hiôk bĕ lăm Kră Yang. Tơdrong bơnê trŏ kơ lu bơngai tơpăt.

Horiso 92:1

'Lơ̆ng dêh tơdrong kơkuh bơnê kơ Kră Yang, Păng hơri ư-ang kơ anăn Ih. Ơ Kră Yang Tih Hloh.

Tơdrông Pơđơk 12:23

Bơngai hơgei wei ôn nơ̆r bơ̆n hlôh wao, Gah bơngai kơhlôh tơ'bôh hloi bơ̆n kơwao.

Tơdrông Pơđơk 15:2

Hơpiĕt lu bơngai hơgei đei pơma hlôh wao; Mă-lei đei 'bơ̆r lu bơngai kơhlôh rai 'bôh kơtul.

Tơdrông Pơđơk 26:19

Bơngai bu hơlĕnh sơlam kơ rông 'bôt sư, păng khan: Inh hơnul đĕch măi!

Bôk Bơthô 10:13

Nơ̆r sư pơma, blŭng-a jơ̆ kơtul, tuch-luch sư kơtul răm rai dêh.

Da 6:10

Kơplah Đaniel kơtơ̆ng tơdrong pơkăm noh pơtao kĭ anăn sư boih, na sư brŏk tơ hnam sư, lu 'măng-'mŏk iĕ gah Jêrusalem sư pơih đĭ. 'Bơ̆t noh, kư̆ rim năr pêng wơ̆t, sư hơtơ̆p kŭl-tăng krao khan, kơkuh bơnê kơ Kră Yang 'Bok Kei-Dei sư. Sư kư̆m pơm thoi sư juăt kơ pơm ki hmă.

Markôs 7:22

sư kơtrŏ păng akăn đe, sư 'nhĕng đe, sư pơm tôm tơdrong kơnê̆, sư pơma plơ̆ plĕch hơlĕnh pơdăr, sư pơma bâu roi đe, sư pơang akâu kơdih, sư pơm tôm tơdrong glăi răm.

Yo 6:23

Mă-lei năr đơ̆ng rŏng đei lơ thŏng-nan nai đơ̆ng Pơlei Tiberia năm truh tơ anih Kră Yang Yêsu krao khan bơnê kơ 'Bok Kei-Dei na asong kơ lu bơngai tơpôl tơmam sa.

Rom 1:28

Yua kơ bơ̆n kuă kơ kơkuh kơ 'Bok Kei-Dei Kră Yang tih-tin na 'Bok Kei-Dei achăng lê̆ bơ̆n ăn kơ bơ̆n jing kơtul pơm yoch ling-lang.

II Kor 1:11

Iĕm krao khan tơgŭm nhôn hŏ, wă kơ 'Bok Kei-Dei mơnat kơ nhôn đơ̆ng lơ bơngai krao khan tơgŭm, wă kơ lơ bơngai bơnê kơ 'Bok Kei-Dei tơdŏng đơ̆ng bơngai tơpôl krao khan.

II Kor 9:15

Bơnê kơ 'Bok Kei-Dei ăn kơ bơ̆n tơdrong hiôk ưh kơ băt dang yơ wơh Kon Sư kơdih lôch tang bơ̆n.

Êphêsô 4:29

Iĕm 'nĕ kơ pơma kơnê̆, athei pơma mă 'lơ̆ng tơgŭm pơyua lu bơngai mă mơ̆ng iĕm.

Philip 4:6

Iĕm 'nĕ kơ hli, ưh kơ hli kơ minh tơdrong kiơ ôh. Mă-lei iĕm athei krao khan apinh 'Bok Kei-Dei wei-lăng păng tơgŭm iĕm lăm tôm tơdrong păng athei băt bơnê kơ Sư ling-lang.

Kôlôsê 3:8

Mă-lei dang ei iĕm athei tŭk bĕ. 'Nĕ kơ hil areh kơ đe, 'nĕ pơm kơnê̆ kơ đe, 'nĕ kơ pơjăm đe blei hiap đe.

I Tes 3:9

Yua kơ iĕm na nhôn bơnê kơ 'Bok Kei-Dei tơpă. Nhôn bơnê kơ Sư yua kơ Sư ăn kơ iĕm lui kơjăp. Na nhôn chhơp kơ jơhngơ̆m 'nă hal dêh.

Phil 1:8

Na dang ei inh đei tơdrong wă apinh ih. Inh gơh athei ih năm hloi tơ tơdrong 'noh dah inh wă yua kơ inh jơ̆ng 'bang Yêsu Krist. Mă-lei inh ưh kơ wă athei ih ôh.

Hêbrơ 13:15

Thoi noh na bĕ bơ̆n gơnang kơ Yêsu, pơyơ̆r kơ 'Bok Kei-Dei akâu bơ̆n hăm nơ̆r pơma ư-ang Sư ling-lang.

II Pet 2:18

Lu sư nŏng kơ chă pơlung đe, 'bơ̆r lu sư pơma pơrŏ pơlung lu bơngai 'nao lui, 'nao achăng lê̆ buăl sư pơm yoch, jing kiơ̆ thoi lu bơngai pơlung noh, pơm kư̆ kă thoi đêl dơ̆ng.

II Pet 2:7

Pơlei noh 'Bok Kei-Dei pơklaih pôm 'bok Lot, yua kơ 'bok Lot bơngai 'lơ̆ng tơpăt; 'bok Lot 'bôh kon pơlei pơla pơm kơnê̆ kư̆ kă, sư sơ'ngon dêh.

Ju 1:10

Na lu bơngai mă wă pơhlŭ iĕm noh, dôm tơdrong lu sư jơ̆l ưh kơ hlôh na lu sư pơma kơnê̆ thoi noh. Lu sư hưch hanh pơm kư̆ kă thoi sem brem ưh kơ băt mơlâu; tơdrong noh sư hlôh, tơdrong noh lu sư hăt dêh. Kơlih kơ lu sư pơm thoi noh, ning-mônh lu sư wă răm.

Ju 1:13

Lu sư kư̆m thoi đak dơsĭ poh-yă tih, tơglăk kơmuh tơmông tơmang 'bĕnh-'bang tơdrong kơnê̆ 'mê̆-'mach. Păng thoi sơnglŏng nơnăm ưh pă tơklă kơ trong sư juăt kơ nơnăm. 'Bok Kei-Dei gô ăn kơ lu sư oei tơ anih măng mu ling-lang ưh kơ layơ tôch.