Êphêsô 5:3 - Sơ̆p Hlabơar Nơ̆r 'Bok Kei-Dei

³ Gah tơdrong pơm pơyô ngôi kư̆ kă, hưch hanh lơ tơdrong, dôm tơdrong noh bơ̆n 'nĕ kơ pơma 'bơm tŏ sĕt, yua kơ bơ̆n jing kon 'Bok Kei-Dei boih.

Êphêsô 5:3 Iomraidhean Croise

Horiso 10:3

Yua kơ lu bơngai kơnê̆ pơư kơdih kơ tơdrong lu sư 'maih wă; Lu bơngai ham kơ tơmam, achăng lê̆ păng pơjăm Kră Yang.

Horiso 119:36

Apinh ăn kơ jơhngơ̆m inh tơchĕng kơ tơdrong juăt Ih. 'Nĕ ăn kơ inh tơchĕng kơ tơdrong lơi kơdih akâu.

Le 18:21

Lei na rơih iŏk bĕ lăm kon pơlei dôm bơngai drŏ-nglo gơh hơgei hlôh wao, băt hli yom kơ Kră Yang 'Bok Kei-Dei mă tơpă, areh kơ tơdrong ưh kơ trŏ, na pôk lu sư pơm bơngai wei-lăng minh-rơbâu 'nu, minh-hrĕng 'nu, kơ pơđăm-jĭt 'nu, kơ mơjĭt 'nu bơngai.

Le 20:17

'Nĕ 'nhĕng kơ hnam đe, kư̆m lê̆ kơ 'nhĕng akăn đe, dah đĭch đam drŏ-nglo, drŏ-kăn, rơmo, aseh, dah mŭk tơmam đe.

Le 23:13

Ih athei wei răk đĭ dôm nơ̆r inh pơkă kơ ih, 'nĕ kơ chă pơư anăn lu yang nai; 'nĕ kơ tơ'blŏk tơdrong noh đơ̆ng 'bơ̆r ih.

Tơdrông Pơđơk 28:16

Yŏng pơgơ̆r kơhlôh ngăl pơjuă pơđep. Mă-lei dah đei bu areh kơ sa lơi lơ gô arih sot.

Je 22:17

Mă-lei măt păng jơhngơ̆m ih 'maih chă lơi, pơlôch lu bơngai ưh kơ đei yoch, păng 'maih chă rôp pơgŏ pơjuă pơđep pơm kơnê̆ dêh.

Je 6:13

“Iŏk đơ̆ng bơngai kơhlôh truh tơ bơngai hơgei, tă kơ chă lơi ngăl. Đơ̆ng lu bơngai khan lê̆ adrol truh tơ lu 'bok soi kư̆m sa pơgâm.

Je 8:10

Thoi noh Inh gô ăn kơ đe nai iŏk akăn lu sư, chŭn mir lu sư kư̆m ăn kơ đe nai jang. Iŏk đơ̆ng lu bơngai pơm iĕ truh tơ lu bơngai pơm tih, tă kơ chă lơi kơdih ngăl. Đơ̆ng lu 'bok khan lê̆ adrol truh tơ lu 'bok soi, rim 'nu kơ lu sư tă kơ sa pơgâm ngăl.

Êsêkiên 33:31

Lu sư năm tơ ih thoi kon pơlei Inh juăt kơ năm, lu sư năm mơ̆ng nơ̆r ih thoi kon pơlei Inh; mă-lei lu sư ưh kơ pơm kiơ̆ tơdrong noh ôh 'bơ̆r lu sư pơm khan 'mêm mơnat, jơhngơ̆m lu sư chă tơdrong đei lơi yua kơdih akâu.

Lêwi 15:18

Tơdah bơngai drŏ-nglo ngôi hăm minh 'nu drŏ-kăn na lĕch đak kơtăk, 'bar 'nu măr sư athei hum lăm đak păng gô jing kơnê̆ 'mê̆-'mach truh kơmăng.

Mi 2:2

Lu sư 'ngeng kơ mir chŭn na tơgar iŏk. 'Ngeng kơ hnam đe păng tơgar iŏk hloi mŭk tơmam sư.

Jo 25:1

Kơplah lu bơngai Isơrael oei 'bơ̆t Sitim lu kon pơlei pơtơm ngôi kư̆ kă hăm lu drŏ-kăn Môap.

Mathiơ 15:19

Yua kơ đơ̆ng jơhngơ̆m đon kon bơngai tơchĕng kơnê̆ na jing yoch: Sư pơlôch đe, kơtrŏ hăm akăn đe, sư pơm pơyô kư̆ kă, sư tơtông, sư oei pơma hơlĕnh, sư pơjăm pơjuă đe.

Luka 12:15

Yêsu pơma dơ̆ng kơ đĭ-đăng bơngai kiơ̆ ei: “Iĕm athei kơchăng kơdih 'nĕ kơ mah hăt kơ mŭk tơmam dêh. Arih chơt hiôk ưh kơ đơ̆ng mơdrŏng ôh.”

Luka 16:14

Lu bơngai Pharisi kư̆m kơtơ̆ng dôm tơdrong Yêsu bơtho noh mơ̆n, na lu sư pơm hiĕk kơ Yêsu yua kơ lu sư 'mêm kơ mŭk tơmam tơ ala teh âu.

Jang 15:20

Mă-lei bơ̆n chih kơ sư kơthơ athei sư 'nĕ kơ sa tơmam đe sơmah kơ yang kơnê̆ yua kơ bơ̆n rơgoh boih. Bơ̆n 'nĕ ngôi pơyô kư̆ kă. 'Nĕ kơ sa pham dôm sem bơ̆n rong păng sem bri. Hơdrol kơ wă pơm tơmam sa bơ̆n athei kăt dah 'bet tŭk lê̆ pham sư.

Jang 20:33

Inh ưh kơ 'nhĕng jên đe dah hơbĕn ao đe ôh.

Rom 1:29

Kon bơngai bơ̆n pơm tôm tơdrong kơnê̆, tôm tơdrong yoch tơpă. Bơ̆n 'nhĕng tơmam đe, bơ̆n areh dih băl, bơ̆n tơgar sa băl, pơlôch dih băl, tơteh dih băl, plơ̆ plĕch kơ bôl buăl; jơhngơ̆m 'maih hil kơ đe, wă bâu roi đe,

Rom 6:13

Bơ̆n 'nĕ pă ăn akâu bơ̆n pơm yoch, bơ̆n athei pơjao akâu bơ̆n kơ 'Bok Kei-Dei đĕch, wă kơ 'Bok Kei-Dei wei-lăng chăl arih bơ̆n tơpăt ling-lang dang bơ̆n iung arih đơ̆ng lôch.

I Kor 10:8

Bơ̆n 'nĕ pơm pơyô kư̆ kă thoi lu sư mơ'nah sơ̆; yua kơ lu sư pơm pơyô kư̆ kă, na 'Bok Kei-Dei pơrăm lu sư lôch lăm minh năr đei 'bar-jĭt pêng-rơbâu 'nu.

I Kor 5:1

Nhôn kơtơ̆ng ang minh 'nu bơngai lăm lu iĕm pơm kư̆ kă dêh pơm hloh kơ đe, mă lu bơngai ưh kơ lui kư̆m ưh kơ lah mah pơm thoi noh mơ̆n; na bơngai noh đe khan sư oei kơ duch sư đêl akăn 'bă sư.

I Kor 6:13

Tơpă mơ̆n 'Bok Kei-Dei pơjing tơmam sa wă 'me klak bơ̆n, 'Bok Kei-Dei pơjing klak bơ̆n wă mong tơmam sa, mă-lei ning-mônh sư wă pơrăm đĭ 'bar anăn 'noh, kơlih kơ ưh pă yua boih năr noh kơnh. Mă-lei gah akâu bơ̆n ưh kơ sĭ 'Bok Kei-Dei pơjing akâu bơ̆n wă kơ bơ̆n ngôi pơyô kư̆ kă ôh. Sư pơjing akâu bơ̆n wă kơ bơ̆n jang tơdrong Yŏng bơ̆n Yêsu Krist na Yŏng bơ̆n wei-lăng akâu bơ̆n.

I Kor 6:18

Thoi noh iĕm athei weh bĕ đơ̆ng tơdrong ngôi pơyô kư̆ kă. Tơdrong ngôi pơyô kư̆ kă jing pơrăm akâu kơdih. Dôm tơdrong yoch nai ưh kơ pơrăm akâu kơdih dang tơdrong yoch noh ôh.

II Kor 12:21

Inh hli kơ mưh inh truh tơ noh, 'Bok Kei-Dei pơm kơ inh mơlâu hmoi ơh akâu kơdih yua kơ lu iĕm mơ'nah lui đunh boih mă oei pơm yoch hơnơ̆ng ưh kơ băt tơbral kơdih dôm tơdrong kơnê̆ 'mê̆-'mach, dôm tơdrong kư̆ kă iĕm pơm.

Êphêsô 5:12

Bơ̆n băt kơ tơdrong kơnê̆ lu sư pơm noh kơnê̆ tơpă păng mơlâu ră kơ pơma 'bơm tơdrong noh.

Êphêsô 5:5

Dôm lu bơngai đi, lu bơngai pơm pơyô kư̆ kă, lu bơngai hưch hanh lơ tơdrong, bơ̆n băt boih lu bơngai oei pơm thoi noh ưh kơ gơh oei hơdai Yêsu Krist hăm 'Bok Kei-Dei kơplah Sư pơgơ̆r pơm Pơtao ning-mônh ôh. Lu bơngai thoi noh lu sư dang bơngai kơkuh kơ yang nai đĕch, lu sư tơchĕng tơdrong noh hloh loi kơ tơdrong 'Bok Kei-Dei.

Philip 1:27

Mă-lei iĕm athei lui mă kơjăp, pơm kiơ̆ mă 'blep trŏ thoi tơdrong Yêsu Krist. Thoi noh na mă inh gơh năm tơ iĕm, mă ưh, inh gô kơtơ̆ng tơdrong iĕm lui kơjăp pơgơ̆p băl minh jơhngơ̆m minh đon jang tơdrong Yêsu Krist na jơhngơ̆m inh hiôk.

Kôlôsê 3:5

Kơlih kơ thoi noh bơ̆n athei lê̆ đĭ dôm tơdrong yoch thoi kơ pơm pơyô kư̆ kă, pơm tơdrong kơnê̆ 'mê̆-'mach, hưch hanh kơ tơmam âu tơmam to, hưch hanh lơ tơdrong. Lu bơngai thoi noh mă sư khan sư lui kơ 'Bok Kei-Dei, dang sư kơkuh kơ yang nai đĕch, lu sư tơchĕng tơdrong noh hloh loi kơ tơdrong 'Bok Kei-Dei.

I Tes 4:3

Kră Yang 'Bok Kei-Dei wă kơ bơ̆n đei đon 'lơ̆ng tơpăt. Sư ưh kơ wă kơ bơ̆n pơm pơyô kư̆ kă ôh.

I Tes 4:7

'Bok Kei-Dei krao iŏk lu bơ̆n wă kơ bơ̆n jing kon Sư. Sư ưh kơ wă kơ bơ̆n pơm pơyô kư̆ kă ôh. Sư wă kơ bơ̆n pơm đon 'lơ̆ng kơ đe păng pơm 'lơ̆ng kơ Sư.

I Tim 2:10

Bơngai bu lui kơ 'Bok Kei-Dei sư ưh kơ gơh pơm thoi noh ôh. Sư athei đei đon 'mêm mơnat kơ đe păng asong đe tơmam.

I Tim 3:3

Sư ưh kơ lah suai sik păng ưh kơ tôn teh đe. Sư bơngai dim khôn tơpă ưh kơ wă pơjah pơjăng păng đe. Sư ưh kơ hăt sa jên lơ ôh.

I Tim 6:10

Bơngai bu hăt kơ chă jên, sư gô pơm tôm tơdrong kơnê̆. Đei bơngai lu mơ'nah hăt kơ chă jên ling-lang na sư jing achăng tơdrong lui sư păng sư đei lơ tơdrong ơh sơ'ngon.

II Tim 3:2

Năr ei kơnh đei lơ bơngai băt 'mêm akâu sư kơdih, mă ưh kơ 'mêm mơnat kơ bôl buăl. Sư hăt kơ jên tơpă. Sư pơang akâu kơdih păng chă pơma pơsôm kơ đe. Sư pơma kơnê̆ kơ đe. Sư ưh kơ chu yom mĕ 'bă sư păng sư ưh kơ băt bơnê kơ đe, sư kư̆ pơm kơnê̆ đĕch.

Tit 1:11

Ih athei khă lu sư 'nĕ pă pơm thoi noh dơ̆ng. Đei hnam dơnŏ mơ'nah mơ̆ng sư bơtho na đĭ kơ hnam dơnŏ sư jing hơwơ̆l kơ tơdrong 'Bok Kei-Dei na achăng lê̆ tơdrong lui sư. Lu đe ei sư bơtho tơdrong ưh kơ trŏ kơ tơdrong bơtho. Lu sư bơtho thoi noh, lu sư wă kơ gơh iŏk jên đe đĕch.

Tit 1:7

Bơngai bu mă pơm kră wei-lăng lu bơngai lui sư athei pơm mă 'lơ̆ng 'nĕ kơ pơm yoch hŏ, kơlih kơ sư pơm kră wei-lăng tơdrong 'Bok Kei-Dei. Lu bơngai pơang akâu kơdih, lu bơngai khĕnh, lu bơngai et sik suai, dah lu bơngai tôn teh đe, dah sư hưch hanh kơ sa jên lơ păng trŏ tơdrong jang sư mă-lei pơgŏ athei iŏk jên đe, lu bơngai thoi noh ưh kơ gơh pơm kră wei-lăng lu bơngai lui ôh.

Tit 2:3

Păng ih bơtho khan kơ lu yă kră athei sư iŏk đon tơpăt, khă lu sư 'nĕ pă bâu roi đe, 'nĕ kơ et sik suai. Păng athei lu sư bơtho lu drŏ-kăn oei moh mă trŏ wă kơ lu sư 'mêm mơnat kơ lu kon klo sư.

Hêbrơ 12:16

Iĕm athei kơchăng, wă kơ lơ̆m lu iĕm huay kơ đei bu ngôi pơyô kư̆ kă, dah pơhơi tơdrong 'Bok Kei-Dei thoi Êsâu sơ̆. Sư tĕch đĭ dôm mŭk tơmam mă 'bă sư wă ăn kơ sư yua kơ sư kon kơdră, mă sư tĕch pơđĭ kơ oh sư lăp minh 'măng sa đĕch.

Jôsuê 7:21

Inh đei 'bôh minh blah ao tai Sinêa 'lơ̆ng, lăm tơmam blah tơgar iŏk, 2 kĭ 30grama jên hu, minh tơpei maih, trăp 0 kĭ 600gram binh wă dêh tơmam noh, iŏk ôn lê̆ 'bŭ lăm teh, tŏk-bŏk anih bơsŭn inh, hu 'bŭ sư tơ ala.

I Pet 5:2

Iĕm athei wei-lăng kơ lu bơngai mă 'Bok Kei-Dei pơjao kơ iĕm mă 'lơ̆ng, thoi tơ'ngla triu wei-lăng triu sư. Iĕm jang 'nĕ gô đe bơtho, gô đe khan, iĕm athei jang kơdih mă tơnăp kiơ̆ thoi 'Bok Kei-Dei lăp đon; 'nĕ kơ jang pơtrŏ wă kơ gơh sa jên đĕch ôh, athei tơgŭm lu sư mă tơpă.

II Pet 2:10

Mă loi lu bơngai mă hưch hanh kơ pơm tơdrong kơnê̆ kư̆ kă, lu sư ưh kơ băt chu yom kơ yŏng tơ'ngla kơdih, lu bơngai noh Sư hil dêh. Lu 'bok bơtho mơ'nah lu sư juăt kơ pơm thoi noh. Lu sư pơma kư̆ kă ưh kơ băt hli kơ đe păng ưh kơ băt mơlâu kơ đe. Lu sư kư̆m ưh kơ hli kơ pơma kơnê̆ kơ lu linh jang mơ̆n.

II Pet 2:14

Măt lu sư nŏng kơ chă lăng 'maih pơm tơdrong kư̆ kă. Tơdrong lu sư pơm kư̆ kă ưh kơ yĕng kơ hrăp, nŏng kơ chă pơlung lu bơngai lui rơdu kiơ̆ lu sư pơm yoch păng pơhlŭ pơlung đe, wă kơ đe ăn kơ sư jên dah tơmam. Lu sư ling-lang pơhrăm tơdrong 'noh; lu sư jing bơngai 'Bok Kei-Dei wă phak.

II Pet 2:3

Yua kơ lu sư bơngai ham dêh, na lu sư kư̆m hơlĕnh pơdăr kơ iĕm, wă kơ đei sa jên tơmam iĕm. Mă đơ̆ng sơ̆ 'Bok Kei-Dei phak lu bơngai thoi noh ngăl, na lu bơngai noh kơnh 'Bok Kei-Dei kư̆m phak mơ̆n, ưh kơ lê̆ ôh.

Tơdrông Tơ'bôh 2:14

Mă-lei Inh ưh kơ lăp đon kơ iĕm 'bar pêng tơdrong âu: Yua kơ đei lăm lu iĕm mơ'nah kiơ̆ tơdrong 'bok 'Balam. 'Bok 'Balam sơ̆ sư pơchŭt 'bok 'Balăk pơhlŭ lu bơngai Isơrael sa tơmam đe soi sơmah kơ rup yang păng wă kơ lu sư pơm pơyô kư̆ kă.

Tơdrông Tơ'bôh 2:21

Inh khan kơ sư boih, athei tơbral kơdih tơdrong yoch, mă-lei sư ưh kơ chu tơbral.

Tơdrông Tơ'bôh 21:8

Gah lu bơngai lêl, lu bơngai achăng tŭk tơdrong lui, lu bơngai pơm kơnê̆, lu bơngai pơlôch đe, lu bơngai pơm pơyô kư̆ kă, lu bơngai pơm pơjâu chă sol đe, lu bơngai kơkuh kơ yang nai, lu bơngai hơlĕnh pơdăr đon đe, đĭ lu bơngai thoi noh gô huŏng tơ dơnâu ŭnh tŏ hang hơt, 'noh tơdrong lôch mă 'bar.”

Tơdrông Tơ'bôh 22:15

Lu bơngai pơm kơnê̆, lu bơngai pơm pơjâu chă sol đe, lu bơngai pơm pơyô kư̆ kă, lu bơngai pơlôch đe, lu bơngai kơkuh kơ yang nai păng dôm lu bơngai mă hơlĕnh kơ đe ưh kơ gơh mơ̆t ôh.

Tơdrông Tơ'bôh 9:21

Tơdrong lu sư pơlôch đe kư̆m ưh kơ chu tơbral, oei pơlôch đe hơnơ̆ng, oei pơm pơjâu chă sol đe, ngôi pơyô kư̆ kă, chă tơtông tơmam đe.

I Sam 8:3

Mă-lei 'bar 'nu kon drŏ-nglo sư ưh kơ rok kiơ̆ 'bă bre sư ôh, bre sư hưch ham kơ jên tơmam, pơgâm sa tơmam đe păng sek ưh kơ tơpăt.