Êphêsô 5:11 - Sơ̆p Hlabơar Nơ̆r 'Bok Kei-Dei

¹¹ Iĕm 'nĕ pă kiơ̆ tơdrong măng mu, tơdrong noh tơdrong ưh kơ yua kơ bơ̆n. Bơ̆n athei tơbăt kơ đe tơdrong yoch noh mơ̆n.

Êphêsô 5:11 Iomraidhean Croise

Bl 20:16

Na pơtao kư̆m khan kơ Sara: “Inh ăn kơ ih minh-rơbâu hlak jên hu âu; kơsô̆ jên âu yua thoi minh hlak che pĕng 'bơ̆t anăp ih wă kơ đe huay kơ khan dôm tơdrong mă đei truh boih kơ ih; păng đe gô lăng ih thoi minh 'nu bơngai 'lơ̆ng tơpăt.”

Horiso 141:5

Ăn kơ bơngai tơpăt teh inh, chrih kơ inh hăm tơdrong 'lơ̆ng. Noh thoi tuh đak rơmă tơ kơ̆l inh; 'Nĕ ăn kơ inh sơngah kơ tơdrong noh. Yua kơ inh ngăl krao khan blah tơdrong kơnê̆ đe pơm.

Tơdrông Pơđơk 1:10

Ơ dăm, tơdah lu bơngai yoch wă pơhlŭ ih, ih 'nĕ kơ chu hŏ.

Tơdrông Pơđơk 1:31

Na lu sư gô luăn sa pŭ iŏk thoi trong lu sư kiơ̆, Păng phĭ hrăp lăm tơdrong lu sư hơlĕnh.

Tơdrông Pơđơk 13:18

Bơngai bu sơngah kơ tơdrong bơtho pơhrăm gô dơnuh hin păng mơlâu; Mă-lei bơngai bu đei đon iŏk đe chrih bơtho đe gô pơyom.

Tơdrông Pơđơk 15:12

Bơngai kư̆ kă kuă kơ đe chrih. Sư ưh kơ wă kuă kơ năm tơ bơngai hơgei.

Tơdrông Pơđơk 19:25

Teh bĕ bơngai pơm kơnê̆, lê̆ kơ bơngai kơwao hŏk iŏk băt hlôh. Bơtho hơmet bĕ bơngai băt hlôh, sư 'bôh thim tơdrong gơh hơgei.

Tơdrông Pơđơk 25:12

Bơngai hơgei chrih kơ đon bơngai oei mơ̆ng. Thoi gŏp maih, tơmam đe pơguăng păng maih ling.

Tơdrông Pơđơk 28:4

Bơngai achăng lê̆ khôi juăt hăt bơnê kơ bơngai pơm kơnê̆; Mă-lei đei bơngai kiơ̆ khôi juăt tơblah hăm lu sư.

Tơdrông Pơđơk 29:1

Bơngai bu đei chrih ling-lang, Mă-lei oei arăng kơ̆l, Gô đei tơdrong truh blư bla na ưh pă kơ đei gơh dŏng pơklaih.

Êsai 29:21

Lu bơngai chă yua 'bơ̆r pơma sơlam hơlĕnh pơm kơ đe yoch, chă pơma sơlam hơlĕnh kơ lu kră sek tơlang. Chă roi pơma sơlam hơlĕnh kơ lu bơngai 'lơ̆ng tơpăt mă ưh kơ đei yoch gô lôch đĭ.

Je 15:17

Inh ưh kơ lah ngôi chơt hiôk hơdai hăm lu bơngai et sa kơnê̆ ôh, Inh kư̆m ưh kơ lah hiôk hơdai lu sư; Inh ngôi minh drô̆ inh yua kơ ti Ih dan kơpal inh, Ih kư̆m tuh kơ jơhngơ̆m inh 'bĕnh kơ tơdrong Ih hil mĭl.

Lêwi 19:17

'Nĕ kơ đei jơhngơ̆m areh arĕnh kơ 'nhŏng oh bơ̆n, athei bơtho pơlung rông 'bôt ih, 'nĕ kơ ăn kơdih akâu puh yoch yua kơ lu sư pơm glăi.

Mathiơ 18:15

“Dah bôl buăl bơngai lui pơm kơnê̆ kơ iĕm, iĕm athei khan kơ sư kơdrô̆ biĕm. Dah sư chu kơ iĕm khan, lei iĕm oei hiôk hăm sư.

Luka 3:19

Yôhan khă pơtao Hêrôt yua kơ sư tơgar iŏk Hêrôđia, akăn oh sư păng Hêrôt kư̆m pơm lơ tơdrong kơnê̆ nai dơ̆ng.

Jang 26:18

Inh gô wơh ih wă kơ pơlar măt lu bơngai tơmoi wă kơ lu sư gơh 'bôh Tơdrong 'Nao 'Lơ̆ng, wă kơ lu sư gơh jăk đơ̆ng măng mu, na oei lăm hơdah, wă kơ sư jăk đơ̆ng yang Satan, na năm tơ 'Bok Kei-Dei. 'Bok Kei-Dei gô pơklaih lu sư đơ̆ng dôm tơdrong yoch hăm jô̆ lu sư jing bơngai 'lơ̆ng tơpăt thoi đĭ-đăng lu bơngai lui kơ Inh.’

Rom 13:12

Dang ei oei măng mu, ưh pă đunh 'năr gô lĕch. Yua kơ thoi noh na bơ̆n 'nĕ pă oei tơ lăm măng mu, bơ̆n athei oei tơ hơdah ling-lang wă kơ gơh tơblah păng yang kơnê̆.

Rom 16:17

Ơ 'nhŏng oh, iĕm athei kơchăng hli kơ iĕm lui jrok kiơ̆ lu bơngai lui ưh kơ tat, hli kơ iĕm achăng lê̆ tơdrong lui tơpăt mă đe juăt kơ bơtho; na iĕm athei weh 'biơ̆ đơ̆ng lu sư. Lu sư wă pơrăm lu bơngai lui bơ̆n, chă pơjah pơjăng păng bơ̆n.

Rom 6:21

Tơdrong iĕm pơm yoch sơ̆ ưh kơ đei tơgŭm iĕm minh tơdrong kiơ ôh. Dang ei iĕm băt mơlâu kơ tơdrong yoch iĕm sơ̆ boih; tơdrong bơ̆n pơm yoch bơ̆n gô lôch hiong đĕch.

Galati 6:8

Thoi noh boih, dah bơ̆n chu kiơ̆ kơ jơhngơ̆m đon bơ̆n kơdih wă pơm tơdrong kơnê̆, lei bơ̆n gô răm. Dah bơ̆n wă chu kơ Yang Bơhngol 'Lơ̆ng đĕch lei Yang Bơhngol 'Lơ̆ng gô ăn kơ bơ̆n arih ling-lang hăm 'Bok Kei-Dei.

Êphêsô 4:22

Iĕm athei lê̆ tơdrong so, tơdrong mă iĕm juăt kơ pơm sơ̆. Pơm thoi noh sơ̆ rai đunh rai răm yua kơ 'maih pơm lơ tơdrong kơnê̆.

Êphêsô 5:12

Bơ̆n băt kơ tơdrong kơnê̆ lu sư pơm noh kơnê̆ tơpă păng mơlâu ră kơ pơma 'bơm tơdrong noh.

Êphêsô 5:7

Thoi noh na iĕm 'nĕ kơ pơm buăl hăm lu bơngai thoi noh.

Kôlôsê 1:12

Na iĕm gô bơnê kơ 'Bă tơm bơ̆n 'Bok Kei-Dei ăn kơ bơ̆n dôm tơdrong hiôk 'lơ̆ng hăm ăn kơ bơ̆n oei tơ anih hơdah, thoi Sư ăn kơ đĭ-đăng lu kon Sư nai.

I Tes 5:7

Pơtih gia thoi lĕ bơngai bơ̆n tep kơ suai sik kơmăng ưh kơ băt tơchĕng tơdrong kiơ, dah bơ̆n kiơ̆ thoi noh răm tơpă.

II Tes 3:14

Dah bơngai bu ưh kơ chu dôm nơ̆r nhôn chih bơtho lăm kơthơ âu, iĕm tơ'bôh akâu sư kơ lu bơngai lui păng 'nĕ pă pơm buăl hăm sư wă kơ sư mơlâu.

II Tes 3:6

Ơ lu 'nhŏng oh, Kră Yang bơ̆n Yêsu Krist wă kơ nhôn bơtho iĕm thoi âu: Iĕm athei weh ataih đơ̆ng lu 'nhŏng oh lui mơ̆n mă sư alah kơ jang. Nhôn kư̆m bơtho sư mơ̆n ki, athei sư jang pơnam 'nĕ kơ alah. Mă-lei dang ei sư oei alah 'mơ̆i.

I Tim 5:20

Bơngai bu pơm yoch tơpă ih athei pơma khă sư 'bơ̆t anăp đe tơpôl lu bơngai lui wă kơ lu bơngai lui kơchăng đon ưh kơ wă pơm yoch thoi bơngai 'noh dơ̆ng.

I Tim 5:22

Ih 'nĕ kơ hăt hot pel kơ̆l krao khan kơ đe wă ăn kơ đe wei-lăng bơngai lui. Ih athei gô pơlong lăng sư đunh 'mơ̆i. Dah ih hơloh pel kơ̆l krao khan kơ sư, na sư ưh tam tơchĕng đon hơdrol noh, hli kơ sư pơm yoch ning-mônh, dang lĕ ih athei sư pơm yoch. Ih athei pơm 'lơ̆ng tơpăt ling-lang.

I Tim 6:5

Đon lu sư jing ưh pă 'lơ̆ng boih, na lu sư pơjah pơjăng ling-lang. Lu sư ưh kơ hlôh tơdrong 'Bok Kei-Dei. Lu sư ưh kơ lui mă-lei lu sư pơma dih băl khan: “Bơ̆n pơm thoi bơngai lui, đơ̆ng noh na bơ̆n chă bơtho pơgŏ đe na gơh mơdrŏng.”

II Tim 3:5

Lu sư mơ'nah pơm thoi bơngai lui mơ̆n mă-lei sư ưh kơ lui tơpă ôh. Sư ưh kơ băt kơ 'Bok Kei-Dei pơklaih bơ̆n ăn kơ bơ̆n jing bơngai 'lơ̆ng tơpăt păng jang tơdrong Sư pran kơtang. Ih athei weh ataih đơ̆ng lu bơngai 'noh.

Tit 2:15

Dôm tơdrong inh bơtho ih âu ih bơtho ăn kơ đe dơ̆ng hŏ. Păng ih pơlung lu sư lui mă kơjăp. Ih khă lu sư 'nĕ pă pơm yoch. Ih tơbăt ăn kơ lu sư dôm tơdrong ih bơtho đơ̆ng nơ̆r 'Bok Kei-Dei, na ih athei đĭ-đăng kơ lu sư pơm kiơ̆ tơdrong ih bơtho noh.

Tơdrông Tơ'bôh 18:4

Đơ̆ng noh inh kơtơ̆ng 'bơ̆r nai sư kư̆m pơma đơ̆ng plĕnh thoi âu: “Ơ lu kon Inh, iĕm jah lĕch jăk tơ nai hli kơ iĕm hơdai yoch thoi sư, kơnh pŭ tơdrong gleh pơmat thoi sư noh.