Êphêsô 4:9 - Sơ̆p Hlabơar Nơ̆r 'Bok Kei-Dei

⁹ Bơ̆n băt kơ Sư tŏk tơ plĕnh boih, bơ̆n kư̆m băt mơ̆n Sư jur sơ̆ truh tơ dêh atâu sŭng, wă khan adrol kơ Sư tŏk tơ plĕnh.

Êphêsô 4:9 Iomraidhean Croise

Bl 11:5

Kră Yang jur lăng pơlei hnam thôt mă kon bơngaib đei pơm.

Horiso 139:15

Kơting inh ưh kơ gơh ôn hlơp kơ Ih. Kơplah đei pơjing inh lăm anih hlơp, tanh pơjing inh lăm anih jrŭ teh đak.

Horiso 63:9

Lu đe bu chă wă pơrăm tơdrong arih inh. Gô jur tơ jrŭ ala teha sŭng.

Horiso 8:5

Kră Yang pơjing kon bơngai hơtuch 'biơ̆ kơ Ih,a pơyơ̆l ăn kơ lu sư tơdrong ư-ang păng đei pơyom.

Le 19:20

Kră Yang jur kơpal kơ̆l kông Sinai, Krao Môis tŏk tơ kông Môis tŏk hloi.

Tơdrông Pơđơk 30:4

Bu tŏk tơ plĕnh boih, na jur dơ̆ng? Bu pơpôi boih kial lăm tơpang ti sư? Bu 'nŭng boih đak lăm ao sư? Bu man pơjing bơih tôm kơ teh đak âu kơjăp. Anăn sư bu, păng anăn kon tơdăm sư bu? Tơdah ih băt roi bĕ kơ inh.

Êsai 44:23

Ơ lu plĕnh, hơri chơt hiôk bĕ! Yua kơ Kră Yang pơm bơih tơdrong âu, Ơ teh đak ôr jreo bĕ, Ơ lu kông, ơ lu bri hăm lu 'long lăm noh hơri ôr bĕ! Yua kơ Kră Yang huai iŏk bơih Jakôp păng gô đei ư-ang lăm Isơrael.

Êsêkiên 31:14

Thoi ei na ưh kơ đei 'long ayơ jê̆ đak mă đei chăt kơjung, dah kơnhŏng sư kơjung truh tơ hơmơ̆l păng kư̆m ưh pă đei 'long ayơ mă đei đak ruh hơiuh lơ̆m chăt tih kơjung tih hloh thoi noh yua kơ lu sư đĭ-đăng pơjao kơ tơdrong lôch, jrŭ tơ hơla teh, hơdai hăm lu bơngai yoch mă lôch jur tơ lăm sơlŭng jrŭ.

Mathiơ 12:40

Jôna sơ̆ sư oei lăm klak ka tih pêng măng pêng năr, na Inh Kon Bơngai gô oei lăm trôm teh pêng măng pêng năr kư̆m thoi noh mơ̆n.

Yo 20:17

Thoi noh Yêsu khan: “Ih 'nĕ kơ rôp Inh, yua kơ Inh ưh tam mă tŏk wih tơ 'Bă Inh. Ih năm khan kơ lu 'nhŏng oh Inh wă kơ sư băt kơ Inh wă tŏk wih tơ 'Bă Inh, Sư kư̆m 'Bă lu iĕm mơ̆n; tơ Kră Yang Inh, Sư kư̆m Kră Yang iĕm mơ̆n.”

Yo 3:13

Đĭ-đăng bơngai ala teh âu, ưh tam đei bu tŏk tơ plĕnh ti boih ôh. Inh Kon Bơngai, pôm Inh đĕch đơ̆ng plĕnh ti jur tơ ala teh âu.

Yo 6:33

kơlih kơ tơmam sa đơ̆ng 'Bok Kei-Dei ei na gơh jur đơ̆ng plĕnh wă ăn kon bơngai jơ̆p kơ teh arih.”

Yo 6:38

Inh jur đơ̆ng plĕnh ưh kơ sĭ wă pơm kiơ̆ thoi Inh wă ôh. Inh jur đơ̆ng plĕnh wă pơm kiơ̆ thoi 'Bă Inh wă, kơlih Sư wơh Inh.

Yo 6:41

Lu bơngai Juđê pơma tơduă lu sư bơbrơ̆k bơbrăk hil kơ Yêsu kơlih kơ Yêsu khan: “Inh boih tơmam sa mă jur đơ̆ng plĕnh.”

Yo 6:51

Inh boih tơmam sa arih kơ kon bơngai mă jur đơ̆ng plĕnh; bơngai bu sa tơmam sa âu sư gô arih ling-lang. Tơmam sa mă Inh ăn noh wă khan sĕch akar Inh ăn kơ kon bơngai arih.”

Yo 6:58

Tơmam sa âu boih jur đơ̆ng plĕnh, ưh kơ thoi tơmam sa mana mă yă 'bok iĕm sa mă lôch sơ̆ ôh. Tơmam sa âu bơngai bu sa sư gô arih ling-lang.”

Yo 6:62

Tơdah iĕm ơh kơ tơdrong Inh bơtho 'noh hei, lei iĕm gô 'bôh Inh Kon Bơngai, na Inh wih tŏk tơ anih Inh mă oei kơpal plĕnh ti sơ̆, na iĕm tơchĕng liơ dơ̆ng đơ̆ng noh?

Yo 8:14

Yêsu khan kơ lu sư: “Mă Inh pơma tơdrong Inh kơdih, Inh pơma trŏ tơpă, yua kơ Inh băt kơdih Inh bơngai đơ̆ng yơ, wă wih tơ yơ. Mă-lei lu iĕm ưh kơ hlôh Inh bơngai đơ̆ng yơ, gô wih tơ yơ noh ôh.

Hêbrơ 2:7

Ih ăn kơ nhôn kơđeh 'biơ̆ kơ lu linh jang, mă-lei ưh kơ mah kơđeh dêh. Ih kư̆m ăn kơ nhôn dang lĕ kơ pơm 'bok pơtao;

Hêbrơ 2:9

Bơ̆n 'bôh pôm Yêsu đĕch kơplah Sư oei tơ teh âu sơ̆ Sư dang lĕ kơ iĕ 'biơ̆ kơ lu linh jang, mă-lei lăp minh yuh đĕch. Pôm Sư đĕch bơ̆n 'bôh thoi lĕ kơ kon bơngai mă 'Bok Kei-Dei pôk Sư pơgơ̆r pơm Pơtao, yua kơ Sư chu iŏk tơdrong lôch pơmat tang đĭ rim 'nu bơngai, yua kơ 'Bok Kei-Dei 'mêm kơ bơ̆n.