Êphêsô 4:29 - Sơ̆p Hlabơar Nơ̆r 'Bok Kei-Dei

²⁹ Iĕm 'nĕ kơ pơma kơnê̆, athei pơma mă 'lơ̆ng tơgŭm pơyua lu bơngai mă mơ̆ng iĕm.

Êphêsô 4:29 Iomraidhean Croise

Horiso 45:2

Ih 'lơ̆ng rŏ hloh kơ đĭ-đăng lu kon drŏ-nglo kon bơngai. Hơkŭng 'bơ̆r 'bĕnh kơ tơdrong mơnat. Thoi noh Kră Yang 'Bok Kei-Dei ăn boih pŭn kơ ih dĭng ning-mônh.

Horiso 5:9

Yua kơ lăm 'bơ̆r lu sư ưh kơ đei tơdrong tơpă; Jơhngơ̆m lu sư tă kơnê̆ ngăl. Hơlŏng lu sư thoi bơsat tơpơih Hơpiĕt lu sư 'bĕnh hăm tơdrong pơdăr.

Horiso 52:2

Đĭ năr ih chă pơm kơnê̆. Hơpiĕt thoi săng kôih han ih pơma hơlĕnh.

Horiso 71:24

Rim năr hơpiĕt inh gô roi tơdrong tơpăt Ih; Yua kơ lu bơngai chă pơrăm inh mơlâu đĭ păng hlơ̆l kơdơ̆ ngăl boih.

Tơdrông Pơđơk 12:13

Bơngai pơm kơnê̆ pơm yoch đơ̆ng 'bơ̆r pơma, thoi 'leh hơđong, Lu bơngai tơpăt gô klaih đơ̆ng tơdrong truh.

Tơdrông Pơđơk 15:23

Nơ̆r tơl trŏ pơm kơ đe hiôk chơt; Nơ̆r pơma lăp kiăp trŏ 'lơ̆ng dêh.

Tơdrông Pơđơk 15:7

Nơ̆r 'bơ̆r bơngai hơgei rei tơdrong hlôh wao; Mă-lei jơhngơ̆m lu kơwao ưh kơ thoi noh.

Tơdrông Pơđơk 16:21

Bu đei đon gơh hơgei đe jô̆ bơngai hlôh wao; Nơ̆r pơma rơngơp pơtrơp thim tơdrong hlôh băt.

Bôk Bơthô 10:12

Nơ̆r bơngai hơgei pơma pơm ăn kơ đe pơyom; mă-lei nơ̆r bơngai kơtul pơma ba tơdrong răm kơdih akâu.

Êsai 50:4

Kră Yang ăn kơ inh hơpiĕt lu bơngai gơh bơtho tơ'bôh wă kơ inh băt yua nơ̆r pơma tơiung lu bơngai rơdu tơrăn. Kră Yang râu inh rim pơgê đơ̆ng hrôih tơ'blŏk ăn kơ đon inh wă mơ̆ng nơ̆r Sư bơtho nhen thoi bơngai đei hŏk pơhrăm.

Mathiơ 5:16

Lu iĕm athei pơchrang hơdah kơ đe tơdrong hơdah lu iĕm thoi noh mơ̆n, na đe băt kơ tơdrong iĕm pơm 'lơ̆ng, na đe bơnê hăm ư-ang kơ 'Bă bơ̆n tơ plĕnh ti.

Luka 4:22

Na đĭ-đăng kơ lu sư lăp đon kơ Yêsu păng lu sư kư̆m sơleng kơ đon mơ̆n yua kơ Yêsu bơtho kơ lu sư 'bơ̆r đon hơgei tơpă. Na lu sư khan: “Bơngai âu kon Yôsep dah kiơ?”

Yo 1:37

'Bar 'nu bơngai mă pơhrăm păng Yôhan kơtơ̆ng sư khan thoi noh, bre sư năm kiơ̆ Yêsu hloi.

Rom 14:19

Yua kơ thoi noh na bơ̆n athei adrin 'biơ̆ tơdrong pơm hiôk kơ bôl buăl hăm 'nhŏng oh bơ̆n kơdih, rai băt tơgŭm băl lui kơjăp.

Rom 15:2

Đĭ-đăng kơ bơ̆n athei tơchĕng kiơ̆ kơ bôl lăp đon, tơgŭm sư gơh lui kơjăp,

I Kor 14:19

Mă-lei kơplah bơ̆n akŭm inh ưh kơ wă ôh pơma nơ̆r hlĭch. Inh pơma kiơ̆ kơ nơ̆r bôl băt lăp pơđăm tŏ plei đĕch kư̆m dang lĕ hloh loi kơ mơjĭt-rơbâu nơ̆r hlĭch mă inh gơh pơma 'noh.

Êphêsô 4:12

Sư chă asong đe thoi noh Sư wă kơ lu bơngai jang noh tơgŭm đĭ-đăng lu kon 'Bok Kei-Dei lui kơjăp gơh jang tơdrong 'Bok Kei-Dei. Thoi noh na đĭ-đăng lu kon 'Bok Kei-Dei jing pôm đon hăm Yêsu Krist rai đunh rai wơ̆.

Êphêsô 4:16

na lu bơ̆n thoi lĕ kơ akâu hăm jơ̆ng ti Sư. Yua kơ Sư na đĭ kơ lơ̆m trôm akâu bơ̆n jing pơgơ̆p băl, na mưh akâu bơ̆n sư wă jang na sư jang hrơ̆p hơdai hloi. Na lơ̆m trôm akâu bơ̆n rai đunh rai wơ̆ băt 'mêm mơnat dih băl.

Kôlôsê 4:6

Bơ̆n athei pơma pơhiôk lu sư ling-lang, wă kơ bơ̆n gơh drơ̆ng lu sư mă trŏ.

I Tes 5:11

Thoi noh tơdrong âu gô sĭt tơpă, na iĕm kư̆ adrin bơtho pơlung dih băl, kư̆m thoi iĕm adrin bơtho dih băl dang ei, wă kơ iĕm lui rai pran kơjăp.

I Pet 2:12

Bơ̆n athei oei sa pơm mă 'lơ̆ng 'bơ̆t anăp lu bơngai ưh kơ lui, na lu bơngai mă jô̆ kơ bơ̆n khan bơngai kơnê̆ sư kơnăl kơ bơ̆n bơngai 'lơ̆ng, noh na sư gô ư-ang kơ 'Bok Kei-Dei kơplah năr 'Bok Kei-Dei tơbăt kơ đon sư.

I Pet 3:1

Kư̆m lei-lăi thoi noh, lu bơngai drŏ-kăn, iĕm athei chu yom kơ klo iĕm. Dah klo iĕm ưh kơ lui kơ nơ̆r 'Bok Kei-Dei, iĕm kư̆m athei pơm 'lơ̆ng kơ sư ling-lang; khŏm khŏm sư kư̆m lui mơ̆n mă khan ưh kơ đei bu bơtho.

II Pet 2:18

Lu sư nŏng kơ chă pơlung đe, 'bơ̆r lu sư pơma pơrŏ pơlung lu bơngai 'nao lui, 'nao achăng lê̆ buăl sư pơm yoch, jing kiơ̆ thoi lu bơngai pơlung noh, pơm kư̆ kă thoi đêl dơ̆ng.