Êphêsô 4:12 - Sơ̆p Hlabơar Nơ̆r 'Bok Kei-Dei

¹² Sư chă asong đe thoi noh Sư wă kơ lu bơngai jang noh tơgŭm đĭ-đăng lu kon 'Bok Kei-Dei lui kơjăp gơh jang tơdrong 'Bok Kei-Dei. Thoi noh na đĭ-đăng lu kon 'Bok Kei-Dei jing pôm đon hăm Yêsu Krist rai đunh rai wơ̆.

Êphêsô 4:12 Iomraidhean Croise

Luka 22:32

Mă-lei Inh krao khan kơ 'Bok Kei-Dei wă kơ Sư tơgŭm ih huay kơ tŭk lê̆ tơdrong lui ih. Na lăp ih kơnăl tơdrong ih wă sơngah kơ Inh noh kơnh, na ih athei pơlung lu 'nhŏng oh ih âu wă kơ lu sư kư̆m lui kơjăp dơ̆ng.”

Jang 1:17

Juđa sơ̆ oei păng bơ̆n, jang hơdai păng bơ̆n.

Jang 11:23

Lăp 'Barna'ba truh boih tơ Pơlei Antiôs, sư 'bôh 'Bok Kei-Dei tơgŭm lu sư tơpă. Na jơhngơ̆m 'Barna'ba chơt hiôk. Na 'Barna'ba pơlung lu sư khŏm khŏm wă kơ lu sư lui kơ Kră Yang Yêsu hăm đĭ jơhngơ̆m klơm klak lu sư kơdih.

Jang 20:24

Mă đe pơlôch inh kư̆m bưh, kư̆ mă inh gơh jang mă keh tơdrong Kră Yang Yêsu pơjao ăn kơ inh sơ̆. Tơdrong jang noh wă khan bơtho tơdrong 'lơ̆ng 'Bok Kei-Dei mơnat kơ bơ̆n, ăn kơ lu bơ̆n klaih đơ̆ng tơdrong yoch, đơ̆ng ti yang kơnê̆.

Jang 20:28

Na iĕm athei kơchăng akâu kơdih hăm wei-lăng đĭ-đăng lu bơngai lui. Yang Bơhngol 'Lơ̆ng ăn kơ iĕm wei-lăng bơngai lui kư̆m thoi lĕ bơngai wei-lăng triu sư. Lu bơngai lui, sư kon 'Bok Kei-Dei, yua Kon pôm Sư Yêsu lôch tuh pham tang kon bơngai yoch.

Jang 9:31

Yua kơ Sôl lui boih na lu bơngai lui kơ Yêsu oei jơ̆p-jang dêh Juđê păng dêh Galilê, dêh Samri hiôk-hian huay pă đei tơdrong truh tơ lu sư. Lu sư kư̆m rai đunh rai pran. Lu sư lui tơpă kơ Kră Yang păng Yang Bơhngol 'Lơ̆ng tơgŭm lu sư ling-lang, na lu sư rai đunh rai lơ.

Rom 12:5

Lu bơ̆n bơngai lui kơ Sư kư̆m thoi noh, lu bơ̆n jing minh jơhngơ̆m minh đon păng Yêsu Krist, tơduă bơ̆n kư̆m pơm minh jơhngơ̆m minh đon lei-lăi.

Rom 12:7

Dah Sư ăn kơ bơ̆n hơgei gah tơdrong tơgŭm đe, bơ̆n kư̆ kơ jang tơdrong noh. Dah Sư ăn kơ bơ̆n hơgei gah tơdrong bơtho, bơ̆n kư̆ adrin bơtho đe.

Rom 14:19

Yua kơ thoi noh na bơ̆n athei adrin 'biơ̆ tơdrong pơm hiôk kơ bôl buăl hăm 'nhŏng oh bơ̆n kơdih, rai băt tơgŭm băl lui kơjăp.

Rom 15:14

Ơ 'nhŏng oh bơngai Rôm, inh băt mơ̆n iĕm đei đon lui tơpăt na iĕm băt tơgŭm dih băl păng inh băt kơ iĕm hlôh tôm tơdrong 'Bok Kei-Dei na gơh bơtho dih băl tơduă iĕm.

Rom 15:2

Đĭ-đăng kơ bơ̆n athei tơchĕng kiơ̆ kơ bôl lăp đon, tơgŭm sư gơh lui kơjăp,

Rom 15:29

Inh băt mơ̆n mưh truh tơ iĕm kơnh, Yêsu Krist gô tơgŭm inh, wă kơ inh tơgŭm iĕm dơ̆ng.

I Kor 12:27

Akâu bơ̆n noh wă pơtih gia kơ dôm lu bơngai mă pơgơ̆p minh jơhngơ̆m minh đon hăm Yêsu Krist, na rim kơ chăl noh pơgơ̆p jing minh pôm akâu bơngai đĕch.

I Kor 12:7

Yang Bơhngol 'Lơ̆ng tơgŭm rim 'nu bơngai wă jang tơdrong Sư, wă kơ bơ̆n gơh tơgŭm dih băl dơ̆ng.

I Kor 14:12

Yua kơ thoi noh na inh wă khan kơ iĕm thoi âu: Iĕm wă tơpă mơ̆n kơ Yang Bơhngol 'Lơ̆ng tơgŭm iĕm hơgei tôm tơdrong, mă-lei iĕm athei apinh tơdrong hơgei gơh tơgŭm kơ bơ̆n bơngai lui.

I Kor 14:14

Phŏ bơ̆n gơh pơma krao khan nơ̆r hlĭch pơhiôk lăm jơhngơ̆m kơdih, mă-lei bơ̆n ưh kơ hlôh tơdrong bơ̆n pơma noh wă khan kiơ, bơ̆n kư̆m bơnê kơ 'Bok Kei-Dei lăm jơhngơ̆m bơ̆n mơ̆n, mă-lei đon bơ̆n ưh kơ hlôh wao.

I Kor 14:26

Ơ 'nhŏng oh, iĕm băt tơdrong inh pơma hei thoi noh boih, na iĕm wă pơđâu băl thoi yơ dơ̆ng gah tơdrong iĕm wă akŭm? Kơplah iĕm akŭm, bơngai âu sư wă hơri bơnê kơ 'Bok Kei-Dei, bơngai noh sư wă bơtho, bơngai to sư wă pơtruh nơ̆r đơ̆ng 'Bok Kei-Dei, bơngai nai wă pơma nơ̆r hlĭch ư-ang kơ 'Bok Kei-Dei, bơngai nai dơ̆ng wă tơblơ̆ tơdrong pơma nơ̆r hlĭch. Mă-lei dôm tơdrong iĕm pơm noh inh athei iĕm pơm mă trŏ wă atŏk jơhngơ̆m bôl buăl bơngai lui.

II Kor 12:19

Iĕm tơchĕng nhôn chih đơ̆ng tơm hmơm hei, truh tơ dang ei âu, iĕm tơchĕng nhôn chih athei iĕm pơma sek tơlang tơdrong nhôn hă? Ưh ôh. Tơdrong sek tơlang, bơ̆n gô mơ̆ng kơ 'Bok Kei-Dei sek tơlang đĕch păng gô mơ̆ng kơ Yêsu Krist đĕch tơgŭm nhôn pơma. Ơ 'nhŏng oh mă nhôn 'mêm kơeng, dôm tơdrong nhôn chih bơtho iĕm noh hei ưh kơ sĭ nhôn hil kơ iĕm ôh, nhôn wă kơ iĕm lui kơjăp.

II Kor 13:11

Ơ lu 'nhŏng oh, dôm tơdrong inh chă chih kơ iĕm dôm noh boih. Oei kơ iĕm mă 'lơ̆ng. Adrin pơm 'lơ̆ng, mơ̆ng dôm tơdrong inh pơma, băt chu dih băl, oei sa hiôk chơt; thoi noh na 'Bok Kei-Dei mă 'mêm mơnat kơ kon bơngai hăm ăn kon bơngai hiôk-hian, Sư gô oei hơdai iĕm.

II Kor 13:9

Tơ̆ng iĕm lui kơjăp, nhôn kư̆m rơdu mơ̆n ưh kơ pơm kơtang ôh, nhôn rai 'nă hal kơ iĕm lui kơjăp. Thoi noh na dang ei nhôn krao khan apinh 'Bok Kei-Dei tơgŭm iĕm, wă kơ iĕm jing bơngai 'lơ̆ng tơpăt lăm tôm tơdrong.

II Kor 3:8

Na bĭ tơdrong Yang Bơhngol 'Lơ̆ng tơgŭm bơ̆n dang ei ưh kơ 'lơ̆ng rŏ tih krưp hloh kơ noh ôh hă?

II Kor 4:1

Nhôn jang tơdrong tih rŏ âu yua kơ 'Bok Kei-Dei mơnat đĕch. Thoi noh na nhôn wă jang ling-lang ưh kơ lê̆ ôh.

II Kor 5:18

Tơdrong noh 'Bok Kei-Dei pơm kơ bơ̆n, Sư athei Yêsu Krist pơgơ̆p bơ̆n jing bơngai 'lơ̆ng hăm Sư dơ̆ng. Na dang ei Sư wă kơ nhôn krao tơwih iĕm đe jing bơngai 'lơ̆ng hăm Sư.

II Kor 6:3

Nhôn ưh kơ đei pơm kơnê̆ kơ đe minh tơdrong kiơ, wă kơ đe huay kơ pơjăm tơdrong jang nhôn.

II Kor 7:1

Ơ lu 'nhŏng oh mă inh 'mêm kơeng, yua kơ 'Bok Kei-Dei wă ăn kơ bơ̆n jing kon Sư thoi noh boih, na bơ̆n athei tŭk lê̆ đĭ dôm tơdrong kơnê̆ 'mê̆-'mach đơ̆ng akâu bơ̆n juăt kơ pơm, hăm đơ̆ng jơhngơ̆m đon bơ̆n tơchĕng kơnê̆; bơ̆n athei adrin pơm mă tơpăt lăm tôm tơdrong, yua kơ bơ̆n băt hli kơ 'Bok Kei-Dei.

Êphêsô 1:23

na lu bơngai lui kơ Sư thoi akâu Sư. Lu bơngai lui boih gô tơbăt ăn kơ lu bơngai tam mă lui tôm tơdrong Yêsu Krist, yua kơ Yêsu Krist Yŏng pơgơ̆r păng pơjing tôm tĕch tơdrong jơ̆p-jang kơ plĕnh teh.

Êphêsô 4:16

na lu bơ̆n thoi lĕ kơ akâu hăm jơ̆ng ti Sư. Yua kơ Sư na đĭ kơ lơ̆m trôm akâu bơ̆n jing pơgơ̆p băl, na mưh akâu bơ̆n sư wă jang na sư jang hrơ̆p hơdai hloi. Na lơ̆m trôm akâu bơ̆n rai đunh rai wơ̆ băt 'mêm mơnat dih băl.

Êphêsô 4:29

Iĕm 'nĕ kơ pơma kơnê̆, athei pơma mă 'lơ̆ng tơgŭm pơyua lu bơngai mă mơ̆ng iĕm.

Êphêsô 4:4

Đĭ-đăng kơ bơ̆n jing minh jơhngơ̆m minh đon yua kơ bơ̆n đei minh 'nu Yang Bơhngol 'Lơ̆ng oei lăm jơhngơ̆m lu bơ̆n. Na 'Bok Kei-Dei ăn kơ bơ̆n minh tơdrong chang gô kư̆m lei-lăi mơ̆n.

Kôlôsê 1:24

Inh mă đei tơdrong gleh truh dang ei yua kơ jang tơdrong noh boih lah; inh jang tơgŭm lu iĕm bơngai khŭl nai, mă ưh kơ trŏ kơ khŭl Juđê nhôn. Mă-lei inh hiôk ưh kơ sơ'ngon ôh. Yêsu Krist sơ̆ Sư kư̆m pơmat-tat yua kơ lu bơ̆n tam mă lui mă gô lui kơ Sư. Na inh dang ei kư̆m lei-lăi chu iŏk dôm tơdrong pơmat-tat yua kơ iĕm.

Kôlôsê 1:28

Tơdrong 'Bok noh boih nhôn bơtho dang ei, 'Bok noh boih mă nhôn gơnang kơ 'Bok Kei-Dei, wă kơ 'Bok Kei-Dei ăn kơ nhôn hơgei tôm tơdrong Sư na gơh năm bơtho khan kơ jơ̆p-jang bơngai. Yua kơ tơdrong 'Bok noh boih na nhôn pơjao kon bơngai kơ 'Bok Kei-Dei wă kơ kon bơngai wih đĭ tơ 'Bok Kei-Dei jing bơngai 'lơ̆ng tơpăt hăm Sư boih, pôm đon hăm Yêsu Krist.

Kôlôsê 4:17

Păng iĕm khan kơ Achĭp athei sư jang mă keh tôm tơdrong jang sư, yua kơ Kră Yang Yêsu Krist pơjao kơ sư jang tơdrong 'noh boih.

I Tim 1:12

Inh bơnê kơ Kră Yang bơ̆n Yêsu Krist yua kơ Sư ăn kơ jơhngơ̆m inh pran kơtang jang tơdrong Sư. Păng inh bơnê kơ Sư tơchĕng đon Sư khan inh trŏ bơngai gơh jang tơdrong Sư, na Sư rơih iŏk inh jang kơ Sư hloi.

II Tim 4:11

Dang ei đei minh 'nu Luka đĕch oei păng inh. Ih pơtơm ba Markôs mơ̆n hŏ na biĕm năm tơ inh tơ âu yua kơ sư gơh tơgŭm inh tơpă gah jang tơdrong 'Bok Kei-Dei.

II Tim 4:5

Mă-lei ih athei đei jơhngơ̆m chơ̆n lăm tôm tơdrong. Mă pơmat ih kư̆ adrin 'nĕ hŭt tơdrong pơm đon 'lơ̆ng tơpăt, bơtho tơdrong 'nao 'lơ̆ng Kră Yang Yêsu Krist ling-lang, adrin jang tôm tơdrong 'Bok Kei-Dei.

Hêbrơ 13:17

Iĕm athei yom kơ bơngai mă pơgơ̆r iĕm, yua kơ sư adrin wei-lăng tơdrong lui iĕm, dang lĕ kơ wei-lăng bơhngol iĕm. Tơ̆ng sư wei-lăng ưh kơ 'blep, 'Bok Kei-Dei kư̆m chrih kơ sư mơ̆n. Iĕm athei yom kơ sư na sư jang hiôk kơ jơhngơ̆m huay kơ sơ'ngon. Tơ̆ng sư sơ'ngon, noh ưh kơ pơyua iĕm boih.

Hêbrơ 6:1

Thoi noh dang ei bơ̆n ưh kơ kăl boih pơhrăm dơ̆ng dôm tơdrong mă bơ̆n 'nao pơtơm lui kơ Yêsu, tơdrong mă tơbral kơdih tơdrong yoch, tơdrong lui kơ 'Bok Kei-Dei,