Êphêsô 3:20 - Sơ̆p Hlabơar Nơ̆r 'Bok Kei-Dei

²⁰ Bơnê kơ 'Bok Kei-Dei Kră Yang mơsêh tăp pang mơyang tăp dăr tơgŭm bơ̆n lơ hloh kơ đêl bơ̆n apinh, lơ hloh kơ đêl đon bơ̆n tơchĕng.

Êphêsô 3:20 Iomraidhean Croise

Bl 17:1

Kơplah Abram tơsĭn-jĭt tơsĭn sơnăm, na Kră Yang tơ'bôh kơ Abram păng khan thoi âu: “Inh boih Kră Yang 'Bok Kei-Dei mơsêh mơyang, ih athei oei 'bơ̆t anăp Inh na ih jing minh 'nu bơngai 'lơ̆ng tơpăt.

Bl 18:4

Apinh lu iĕm ăn kơ inh iŏk đak ôp jơ̆ng lu iĕm păng apinh iĕm ngôi pơdơh tơ ala yơ̆p 'long âu wă kơ rơngơp.

II Sam 7:19

Kơkuh kơ Ih ơ Kră Yang inh, mă khan tơdrong noh Ih lăng tơdrong iĕ đĕch, păng Ih đei bơtho inh mă đĭch đam Ih kơ dêh char pơtao inh đơ̆ng âu tơ anăp păng ơ Kră Yang inh Ih oei wă ăn kơ inh 'bôh jơhnơr tơ anăp âu kơnh?

I Pot 3:13

Hloh kơ noh dơ̆ng Inh gô ăn hloi kơ ih dôm tơdrong mă ih ưh kơ đei apinh, tơdrong mơdrŏng, tơdrong đe pơyom ư-ang, lăm đĭ chăl arih ih ưh kơ đei pơtao bu kĕ tam ih.

II Ho 25:9

Amasia jet bơngai Kră Yang 'Bok Kei-Dei: “Bĕ gah minh-hrĕng talâng jên inh apah linh Isơrael noh thoi yơ?” Bơngai Kră Yang 'Bok Kei-Dei tơl: “Kră Yang gơh ăn kơ ih đei lơ hloh kơ noh dơ̆ng.”

II Ho 9:12

Pơtao Sôlômôn ăn kơ yă pơtao char Seba tơmam kiơ̆ thoi sư apinh hơpơi wă, lơ hloh kơ tơmam sư đei pơyơ̆r ăn kơ pơtao Sôlômôn, đơ̆ng noh yă pơtao păng lu đĭch đam sư wih brŏk tơ dêh char sư kơdih.

Le 34:6

Kră Yang năm brih 'bơ̆t anăp Môis păng khan: Inh bơih Kră Yang, Kră Yang 'Bok Kei-Dei 'bĕnh tơdrong 'mêm mơnat, iơ̆m dim 'mêm kơeng hiơ̆ kơ hil, pơm trŏ 'blep đêl Sư pơkă hăm tơdrong sĭt.

Hơri Hiôk 5:1

Ơ mŏ adruh inh, ŭnh om inh, inh mơ̆t lăm pơgar inh boih! Inh dônh 'long pơgang 'bâu phu inh, Inh sa hơkoh sut păng đak sut inh. Inh huch đak hơmu păng đak toh inh.

Êsai 35:2

Sư đei bluh pơkao lơ, păng 'nă hal hơri chơt hiôk. Tơdrong ư-ang Liban, hăm tơdrong 'lơ̆ng rŏ kông Karmel păng thŭng dơnă Sarôn, gô ăn kơ lu Sư. Lu sư gô 'bôh tơdrong ư-ang Kră Yang păng tơdrong 'lơ̆ng rŏ Kră Yang 'Bok Kei-Dei lu bơ̆n.

Êsai 55:7

Lu bơngai kơnê̆ athei hŭt lê̆ tơdrong kơnê̆ sư kơdih; bơngai pơm kơnê̆ athei hŭt lê̆ dôm đon tơchĕng kơnê̆. Wih brŏk bĕ tơ Kră Yang, na Sư 'mêm mơnat, năm bĕ tơ Kră Yang 'Bok Kei-Dei lu bơ̆n yua kơ Sư ling-lang ưh kơ đei jô̆ yo tơdrong yoch bơ̆n.

Je 32:17

“Ơ Kră Yang! Ih boih Tơ'ngla yơ̆r ti man pơjing kơ plĕnh hăm teh âu hăm tơdrong mơsêh mơyang tih Ih. Ưh kơ đei tơdrong kiơ mă tơnat 'bơ̆t anăp Ih.

Je 32:27

“'Nâu, Inh boih Kră Yang, 'Bok Kei-Dei kơ đĭ-đăng kon bơngai. Hăm đei tơdrong kiơ mă hơnat kơ Inh?”

Da 3:17

'Nâu ơ pơtao! Kră Yang 'Bok Kei-Dei mă lu nhôn oei bơ̆jang, Sư gô dŏng pơklaih lu nhôn klaih đơ̆ng ŭnh kơdơ̆r noh. Păng sĭt gô pơklaih lu nhôn đơ̆ng ti ih.

Da 6:20

Pơtao năm 'nao wă jê̆ sơlŭng dăm-brang, sư krao Đaniel hăm nơ̆r sơ'ngon pơtao pơma hăm Đaniel thoi âu: Ơ Đaniel, đĭch đam Kră Yang 'Bok Kei-Dei mă arih ling-lang! Kră Yang 'Bok Kei-Dei ih, mă ih oei bơ̆jang Sư hăm pơklaih ih đơ̆ng 'bơ̆r dăm-brang ưh?

Mathiơ 3:9

Iĕm 'nĕ kơ pơhơi khan kuă kơ tơbral kơdih tơdrong yoch, pơm khan sơđơ̆ng kơ Abraham 'bok bơ̆n tơbôl hăm 'Bok Kei-Dei. Inh khan kơ iĕm tơpăt, 'Bok Kei-Dei gơh pơm kơ tơmo âu jing kon sâu Abraham lei-lăi thoi iĕm mơ̆n. 'Bok Kei-Dei sek tơlang kon bơngai, Sư pơlong lăng thoi âu:

Yo 10:10

Bơngai chă tơtông truh, sư wă tơtông iŏk đĕch păng wă pơrăm đĕch. Mă-lei inh truh tơ âu wă ăn kơ triu arih păng hiôk chơt tơpă.

Rom 16:25

Bơnê kơ 'Bok Kei-Dei, Sư boih gơh tơgŭm iĕm lui kơjăp, inh bơtho iĕm tơdrong 'nao 'lơ̆ng Yêsu Krist wă kơ iĕm băt Sư gơh ăn kơ iĕm lui kơjăp. Tơdrong Yêsu Krist âu lu kră sơ̆ ưh tam kơtơ̆ng ôh.

Rom 4:21

Sư băt tơpă 'Bok Kei-Dei gô pơm 'blep thoi Sư pơkă wă ăn kơ sư.

I Kor 2:9

Mă sơ̆p hla bơar 'Bok Kei-Dei kư̆m đei chih khan: “Klong măt kon bơngai ưh kơ 'bôh, đon ưh kơ kơtơ̆ng, jơhngơ̆m đon kon bơngai ưh kơ đei tơchĕng iŏk, tơdrong 'noh boih 'Bok Kei-Dei hơmet ăn kơ lu bơngai mă 'mêm kơ Sư.”

II Kor 9:8

'Bok Kei-Dei gô ăn kơ iĕm tơmam rơkah rơkai, wă kơ iĕm đei tôm tơmam ling-lang păng wă kơ iĕm chă tơgŭm đe nai dơ̆ng.

Êphêsô 1:19

Păng wă kơ iĕm băt kơ Sư Kră Yang mơsêh tăp pang mơyang tăp dăr gơh tơgŭm lu bơ̆n bơngai lui kơ Sư,

Êphêsô 3:7

'Bok Kei-Dei wă kơ inh roi tơbăt kơ đe tơdrong 'nao 'lơ̆ng noh, na Sư ăn kơ inh jơhngơ̆m pran wă kơ inh kĕ păng gơh jang tơdrong 'noh ling-lang. Sư pơjao kơ inh tơdrong jang noh yua kơ Sư mơnat.

Kôlôsê 1:29

Inh gơnang kơ Yêsu Krist, na mă inh đei tơdrong anat anot dang ei, Sư ăn kơ inh jơhngơ̆m pran oei adrin jang tôch bơneh tơdrong Sư khŏm khŏm.

I Tim 1:14

Kră Yang bơ̆n Yêsu Krist 'mêm mơnat kơ inh tơpă ăn kơ inh lui kơ Sư păng ăn kơ inh 'mêm kơ Sư hăm đĭ-đăng bơngai. Sư kư̆m ăn kơ đĭ-đăng bơngai lui lei-lăi mơ̆n.

Hêbrơ 11:19

Abraham sư băt kơ 'Bok Kei-Dei gơh tơiung arih kon bơngai đơ̆ng lôch, na sư tơchĕng kon sư kư̆m gô iung arih, na sư chu wă soi kơ 'Bok Kei-Dei. Kon sư dang lĕ kơ lôch, dang lĕ kơ 'Bok Kei-Dei tơiung arih boih, yua kơ pă 'biơ̆ đĕch wă lôch boih.

Hêbrơ 7:25

Thoi noh na mă layơ Sư oei pơklaih ling-lang dôm lu bơngai mă gơnang kơ Sư, wă kơ bơ̆n gơh brŏk tơ 'Bok Kei-Dei, kơlih kơ Sư arih ling-lang ưh kơ tôch. Păng Sư oei apinh 'Bok Kei-Dei ling-lang wă tơgŭm bơ̆n.

Ya 4:12

Minh 'nu đĕch pơkă kơ bơ̆n athei bơ̆n kiơ̆ tơdrong juăt Sư păng sek tơlang lu bơ̆n kiơ̆ kơ tơdrong juăt Sư, khan bơ̆n pơm yoch dah ưh. Sư gơh pơklaih bơ̆n ăn kơ bơ̆n arih păng kư̆m gơh pơlôch bơ̆n mơ̆n. Na liơ iĕm pơ̆n jô̆ kơ 'nhŏng oh iĕm pơm yoch?

II Pet 1:11

Thoi noh na 'Bok Kei-Dei pơchoh kơ bơ̆n trong să, ăn kơ bơ̆n tŏk oei tơ dêh char Yêsu Krist pơgơ̆r ling-lang hloi, yua kơ Yŏng bơ̆n Yêsu Krist dŏng pơklaih bơ̆n.

Ju 1:24

Bơnê kơ 'Bok Kei-Dei, pôm Sư đĕch kĕ wei-lăng iĕm, huay ăn kơ iĕm lê̆ Sư, wă kơ iĕm dơ̆ng 'bơ̆t anăp Sư ning-mônh iĕm 'bôh Sư mơsêh mơyang, iĕm hiôk hơiă huay kơ hli kơ Sư, yua kơ iĕm ưh kơ đei tơdrong yoch.