Êphêsô 3:16 - Sơ̆p Hlabơar Nơ̆r 'Bok Kei-Dei

¹⁶ Sư đei tôm tĕch tơdrong na inh apinh Sư ăn kơ iĕm Yang Bơhngol 'Lơ̆ng Sư oei hơdai hăm iĕm wă kơ iĕm đei jơhngơ̆m pran.

Êphêsô 3:16 Iomraidhean Croise

Jop 23:6

Hăm trŏ Sư iŏk tơdrong mơsêh tih Sư pơjah pơjăng hăm inh? Ưh ôh, Sư gô mơ̆ng kơ inh.

Horiso 138:3

Lăm năr inh krao apinh, Ih tơl tơwih, Ăn kơ jơhngơ̆m inh rai nuih pran kơtang.

Horiso 28:8

Kră Yang jơ̆ tơdrong pran kơtang kơ kon pơlei pơla Sư, Kơđông kơjăp dŏng pơklaih bơngai mă sư hling boih đak rơmă 'bâu phu.

Êsai 41:10

'Nĕ hli yua kơ Inh oei hơdai iĕm, 'nĕ tơrơ dêh, yua kơ Inh bơih Kră Yang 'Bok Kei-Dei iĕm! Inh gô ăn kơ iĕm pran; tơpă inh tơgŭm iĕm, Inh gô wei-lăng iĕm hăm ti gah 'ma 'Lơ̆ng Tơpăt Inh.

Je 31:33

“'Nâu mă nơ̆r Inh gô pơgơ̆p hăm adrĕch Isơrael đơ̆ng rŏng kơ năr noh kơnh,” Kră Yang khan. “Inh gô 'măn tơdrong juăt Inh tơ lăm kơ̆l 'ngok lu sư; păng chih tơdrong juăt Inh tơ lăm jơhngơ̆m lu sư. Inh Kră Yang 'Bok Kei-Dei lu sư na lu sư jing kon pơlei pơla Inh.”

Sa 10:12

Inh gô ăn kơ lu sư pran kơtang lăm Kră Yang păng Lu sư yak năm lăm anăn Kră Yang.” Kră Yang khan thoi noh.

Mathiơ 6:13

Apinh Ih 'nĕ ăn kơ nhôn lui kơ đe pơhlŭ pơlung. Apinh Ih dŏng pơklaih nhôn đơ̆ng tơdrong kơnê̆, kơlih kơ dêh char Ih, tơdrong mơsêh mơyang Ih, tơdrong 'lơ̆ng rŏ Ih oei tơ Ih ling-lang. A-men.’

Rom 2:29

Bơngai bu wă kiơ̆ tơdrong 'Bok Kei-Dei, sư kiơ̆ hăm đĭ jơhngơ̆m đon sư, bơngai noh 'Bok Kei-Dei jô̆ sư bơngai Juđê. Dah bơ̆n adrin kiơ̆ Sư hăm đĭ jơhngơ̆m klơm klak, 'nĕ kiơ̆ pôm 'bơ̆r, bơngai noh 'Bok Kei-Dei jô̆ dang sư kăt tơdra akar mơ̆n. Dah bơ̆n pơm thoi noh, bơ̆n ưh kơ kăl kơ kon bơngai lăp đon kơ bơ̆n ôh, yua kơ bơ̆n đei 'Bok Kei-Dei lăp đon kơ bơ̆n boih.

Rom 7:22

Jơhngơ̆m klơm klak inh 'maih kiơ̆ tôm tơdrong juăt 'Bok Kei-Dei pơkă ră.

Rom 9:23

Yua kơ Sư oei gô lu bơngai mă Sư 'mêm. Sư wă hơmet jơhngơ̆m lu bơngai mă Sư 'mêm noh hơdrol 'mơ̆i, wă kơ lu bơngai noh gơh oei hơdai hăm Sư ning-mônh. Lu bơngai noh 'Bok Kei-Dei rơih iŏk đơ̆ng blŭng-a sơ̆ hloi boih, noh na Sư oei gô.

I Kor 16:13

Inh athei iĕm kơchăng ling-lang pơkrơ̆ng mă kơjăp tơdrong lui 'nĕ kơdŭn.

II Kor 12:9

Mă-lei Sư khan: “Huay ôh, ih kư̆ kơ jang tơdrong Inh mă tơpă đĕch, tơdrong ih jang ưh kơ kĕ ưh kơ pran noh lê̆ kơ Inh tơgŭm ih, ih 'nĕ hiơ̆k kơ tơdrong ih pơmat-tat noh, thoi noh na đe băt kơ tơdrong mơsêh mơyang Inh tih tơpă, ih pơmat-tat dang noh mă oei jang khŏm khŏm.” Thoi noh na dang ei inh kuă boih pơang kơ iĕm tơdrong noh, pơang pơăi tơdrong inh kơtul tơrăn đĕch na Sư ăn kơ inh hiôk gơh jang tơdrong Sư khŏm khŏm.

II Kor 4:16

Thoi noh nhôn wă jang ling-lang ưh kơ lê̆ ôh, mă khan sĕch akar nhôn rai hŏnh, mă-lei jơhngơ̆m nhôn lăm to dang lĕ kơ ming 'nao rim năr.

Êphêsô 1:18

Inh apinh Sư pơih jơhngơ̆m đon iĕm, wă kơ iĕm hlôh băt tôm tơdrong hiôk 'lơ̆ng, thoi Sư pơkă khan wă ăn kơ bơ̆n bơngai mă Sư krao ăn jing kon Sư.

Êphêsô 1:7

Kon pôm Sư lôch tuh pham wă huai iŏk bơ̆n, wă kơ bơ̆n klaih đơ̆ng tơdrong 'Bok Kei-Dei jô̆ yo. Tơdrong noh yua kơ Sư 'mêm na Sư ăn đĕch thoi noh.

Êphêsô 2:7

Thoi noh na Sư gô ăn kơ bơ̆n tôm tơdrong hiôk 'lơ̆ng khŏm khŏm truh tơ ning-mônh ưh kơ layơ tôch yua kơ Sư 'mêm mơnat kơ bơ̆n, na ăn kơ Yêsu Krist lôch tang bơ̆n.

Êphêsô 3:15

yua kơ Sư 'Bă kơ đĭ-đăng plĕnh teh.

Êphêsô 3:8

Inh âu bơngai iĕ hloh kơ đĭ-đăng lu kon 'Bok Kei-Dei nai. Mă-lei Sư pơjao kơ inh tơdrong bơtho, wă kơ inh năm bơtho lu bơngai khŭl nai mă ưh kơ trŏ kơ bơngai khŭl Juđê, wă kơ lu sư băt kơnăl kơ tơdrong hiôk jơnap Yêsu Krist ăn kơ bơ̆n thoi yơ. Tơdrong hiôk jơnap noh hiôk tơpă ưh pă băt dang yơ.

Êphêsô 6:10

Tơdrong inh chih hơpong kơ iĕm wă jê̆ tôch boih, mă-lei oei đei pă minh tơdrong âu kăl tơpă, na inh wă roi tơbăt ăn kơ iĕm: Bơ̆n athei gơnang kơ Yêsu hăm đĭ jơhngơ̆m, yua kơ Sư Kră Yang mơsêh tăp pang mơyang tăp dăr gơh pơm tôm tơdrong, na wă kơ Sư tơgŭm bơ̆n gơh đei jơhngơ̆m pran.

Philip 4:13

Inh kĕ iŏk dôm tơdrong 'noh yua kơ inh gơnang kơ Yêsu Krist na Sư ăn kơ inh kĕ iŏk dôm tơdrong 'noh. Tơ̆ng ưh, inh ưh kơ kĕ ôh.

Philip 4:19

Kră Yang bơ̆n 'Bok Kei-Dei mơdrŏng tih tơpă, Sư gô tơgŭm iĕm tôm tơdrong tơmam iĕm kăl yua, kơlih kơ iĕm lui kơ Yêsu Krist.

Kôlôsê 1:11

Na nhôn apinh tơdrong mơsêh mơyang 'Bok Kei-Dei ăn kơ iĕm jơhngơ̆m pran adrin kiơ̆ tôm tơdrong Sư, wă kơ iĕm huay kơ achăng lê̆ Sư, mă đe pơm pơmat kơ iĕm dang yơ, ăn kơ iĕm oei hiôk oei kơjăp lăm tơdrong lui khŏm khŏm.

Kôlôsê 1:27

Wă khan lu bơ̆n boih kon Sư, na Sư wă tơgŭm bơ̆n tôm tơdrong, tôm kơ khŭl kon bơngai jơ̆p kơ teh đak. Tơdrong Sư tơgŭm bơ̆n noh thoi yơ, wă khan thoi âu: Sư ăn Yêsu Krist oei lăm bơ̆n, na bơ̆n gơh băt kơ ning-mônh bơ̆n gô oei arih hiôk jơnap hăm Sư.

Kôlôsê 2:2

Inh wă kơ iĕm lui kơjăp jing pôm đon băt 'mêm mơnat dih băl na gơh hlôh tơdrong 'Bok Kei-Dei, hăm hlôh tơdrong hlơp 'Bok Kei-Dei tam mă tơbăt kơ đe đơ̆ng sơ̆ noh. Mă-lei dang ei iĕm băt boih tơdrong noh, wă khan tơdrong Yêsu Krist.

II Tim 4:17

Năr đe sek tơlang inh ei đei Kră Yang Yêsu Krist oei hăm inh. Sư tơdŏng inh, Sư ăn kơ inh jơhngơ̆m pran, na inh bơtho tơdrong 'nao 'lơ̆ng Sư kơ đĭ-đăng khŭl bơngai. Na đe wă klơ̆m inh tơ dăm-brang ră mă-lei Kră Yang Yêsu Krist tơdŏng inh.

Hêbrơ 11:34

Mă đe tah sư tơ lăm pla ŭnh tih, ŭnh huay kơ sa sư ôh. Đe wă koh pơlôch sư tơpă boih, mă-lei đei 'Bok Kei-Dei tơdŏng. Hơdrol lu sư tơrăn, đơ̆ng rŏng lu sư jing pran, blah pơpuh tŭk lu linh dêh đe mă ayăt kơ lu sư.

I Pet 3:4

Bơ̆n wă kơ đe băt kơ bơ̆n bơngai 'lơ̆ng, bơ̆n athei ming jơhngơ̆m đon bơ̆n đĕch. Tơ̆ng jơhngơ̆m đon bơ̆n dim gơh găt hăm đe, noh kư̆m dang bơ̆n pơguăng akâu bơ̆n hăm tơmam mơ̆n. Tơmam thoi noh huay kơ hach răm, pơguăng akâu thoi noh 'Bok Kei-Dei lăp đon.