Êphêsô 3:10 - Sơ̆p Hlabơar Nơ̆r 'Bok Kei-Dei

¹⁰ Mă dang ei Sư ăn kơ lu bơngai lui kơ Kon Sư tơbăt ăn kơ lu yŏng pơgơ̆r lu linh jang, tơbăt ăn kơ lu yŏng pơgơ̆r oei tơ kơpal plĕnh wă kơ lu sư băt kơ tơdrong tơchĕng 'Bok Kei-Dei hơgei tơpă wă tơgŭm kon bơngai.

Êphêsô 3:10 Iomraidhean Croise

Horiso 103:20

Hơri bơnê kơ Kră Yang: Ơ lu linh jang Kră Yang, lu yang mă đei jơhngơ̆m pran kơtang pơm kiơ̆ nơ̆r tơtă Sư; mơ̆ng kiơ̆ nơ̆r Sư khan.

Horiso 104:24

Ơ Kră Yang, tơdrong jang Ih lơ tơpă. Hăm tơdrong gơh hơgei Ih pơjing tôm tơmam. Kơpal teh 'bĕnh-'bang kơ tơmam Ih.

Êsêkiên 3:12

Na Yang Bơhngol hơtŏk inh tơ kơpal păng inh kơtơ̆ng re jơwa tih tơ rŏng inh. Kơkuh bơnê ư-ang kơ Kră Yang lăm anih Sư oei.

Rom 11:33

'Bok Kei-Dei pơm thoi noh bơ̆n băt kơ Sư 'mêm kơ bơ̆n tơpă păng bơ̆n kư̆m băt kơ Sư hơgei dêh. Na bơ̆n kon bơngai ưh kơ băt ôh tơdrong tơchĕng Sư thoi yơ.

Rom 8:38

Na dang ei inh băt tơpă boih, mă đei tơdrong kiơ kiơ truh kơ bơ̆n, 'Bok Kei-Dei Sư oei 'mêm kơ bơ̆n hơnơ̆ng đĕch, yua kơ bơ̆n băt kơ Kră Yang bơ̆n Yêsu Krist 'mêm kơ bơ̆n tơgŭm bơ̆n lăm tôm tơdrong. Mă bơ̆n lôch, mă bơ̆n oei arih, 'Bok Kei-Dei Sư 'mêm kơ bơ̆n ling-lang tơpă. Na mă linh jang, mă yang kơnê̆, mă yang kiơ wă tơgar iŏk bơ̆n đơ̆ng 'Bok Kei-Dei 'mêm kơ bơ̆n ưh kơ kĕ ôh. Mă tơdrong truh kơ bơ̆n kơnh pơgê, dah layơ Sư ưh kơ lê̆ ôh, Sư wei-lăng lu bơ̆n tơpă.

I Kor 1:24

Mă-lei gah bơ̆n mă 'Bok Kei-Dei rơih iŏk boih, mă bơngai Juđê mă bơngai nai, tơdrong Yêsu Krist lôch tơ 'long pơglang 'noh, bơ̆n băt tơdrong Yêsu Krist tơgŭm bơ̆n tôch bơneh tơpă păng 'Bok Kei-Dei mơsêh mơyang tơpă, hơgei tôm tơdrong, na Sư mah ăn Yêsu lôch tang bơ̆n.

I Kor 2:7

Nhôn bơtho tơdrong 'Bok Kei-Dei, tơdrong mă Sư ưh tam mă tơbăt ăn kơ kon bơngai kơtơ̆ng, tơdrong 'noh đơ̆ng blŭng-a 'Bok Kei-Dei ưh tam mă pơjing plĕnh păng teh sơ̆ na Sư pơkă khan wă tơbăt ăn kơ lu bơngai lui bơ̆n băt tơdrong 'noh wă kơ bơ̆n chơt hiôk.

Êphêsô 1:21

na ăn kơ Sư pơgơ̆r tôm lu 'bok pơgơ̆r, lu linh jang, lu yang nai, tôm kơ lu Sư pơgơ̆r mă pơgơ̆r dang ei, mă pơgơ̆r ning-mônh dah layơ tă Yêsu pơgơ̆r ngăl.

Êphêsô 1:23

na lu bơngai lui kơ Sư thoi akâu Sư. Lu bơngai lui boih gô tơbăt ăn kơ lu bơngai tam mă lui tôm tơdrong Yêsu Krist, yua kơ Yêsu Krist Yŏng pơgơ̆r păng pơjing tôm tĕch tơdrong jơ̆p-jang kơ plĕnh teh.

Êphêsô 1:3

Bơnê kơ Kră Yang 'Bok Kei-Dei 'Bă Yêsu Krist Yŏng bơ̆n, yua kơ Sư ăn kơ bơ̆n tôm tơdrong hiôk 'lơ̆ng tơ plĕnh ti. Bơ̆n đei tôm tơdrong noh yua kơ bơ̆n lui kơ Yêsu Krist.

Êphêsô 1:8

Sư kư̆m ăn kơ bơ̆n hơgei gơh hlôh wao nhên

Êphêsô 6:12

Tơdrong noh ưh kơ sĭ tơblah tơduă bơ̆n kon bơngai ôh, bơ̆n tơblah hăm lu yŏng yang kơnê̆, sư kư̆m pran mơ̆n, sư kư̆m oei tơ kơpal plĕnh ti mă tơ anih nai; sư pơgơ̆r lu bơngai oei tơ ala teh âu, lu bơngai mă oei lăm măng mu.

Kôlôsê 1:16

Yua kơ đơ̆ng Kon Sư na đei pơjing tôm tơdrong tơ kơpal plĕnh, tôm tơdrong tơ ala teh, tôm tơdrong măt gơh 'bôh, tôm tơdrong măt ưh kơ gơh 'bôh, mă tôm kơ lu yŏng pơgơ̆r lu yang, mă tôm kơ yŏng pơgơ̆r lu linh jang, 'Bok Kei-Dei yua Sư pơjing tôm tơdrong noh. Tôm tơdrong Kon Sư pơjing noh, wă kơ đĭ-đăng bơngai ư-ang kơ Sư.

Kôlôsê 2:10

Na iĕm pôm đon hăm Yêsu Krist, Kră Yang 'Bok Kei-Dei kư̆m ăn kơ iĕm jing lei-lăi thoi Yêsu mơ̆n. Yêsu Krist Sư pơm Kră, Sư pơgơ̆r tôm kơ yŏng pơgơ̆r lu yang, tôm kơ yŏng pơgơ̆r lu linh jang.

Kôlôsê 2:15

Kơplah Yêsu Krist oei tơ 'long pơglang noh sơ̆ Sư blah rôp lu yŏng pơgơ̆r yang kơnê̆, iŏk đĭ lu khêl đao lu sư păng dui anhăk lu sư na tơ'bôh kơ đe tơdrong tơblah jei Sư boih.

I Tim 3:16

Tơdrong lui bơ̆n tih hloh tơpă: Kră Yang jur jing bơngai, Yang Bơhngol 'Lơ̆ng tơbăt kơ đe Sư bơngai 'lơ̆ng tơpăt. Lu linh jang 'lơ̆ng kư̆m 'bôh Sư mơ̆n. Na lu bơngai lui kơ Sư bơtho tơdrong Sư tơ teh đak đe. Đei lơ bơngai lui kơ Sư tơ ala teh âu, klaih kơ noh 'Bok Kei-Dei atŏk Sư tơ Pơlei 'Lơ̆ng Sư.

I Pet 1:12

'Bok Kei-Dei tơbăt kơ lu sư dôm tơdrong lu sư wă pơma khan lê̆ hơdrol noh, Sư ưh kơ ăn truh chăl arih lu sư ôh, Sư ăn truh chăl arih lu bơ̆n dang ei. Thoi noh na 'Bok Kei-Dei ăn Yang Bơhngol 'Lơ̆ng Sư jur oei hăm lu 'bok bơtho tơdrong 'nao 'lơ̆ng Yêsu Krist, na lu 'bok bơtho noh roi tơbăt kơ iĕm boih tơdrong Sư wă pơklaih bơ̆n noh. Lu linh jang kơpal plĕnh kư̆m wă kơ hlôh tơdrong 'noh mơ̆n.

I Pet 3:22

Yêsu Krist iung arih tŏk tơ plĕnh oei gah 'ma kơ 'Bok Kei-Dei. Sư pơgơ̆r đĭ lu linh jang, lu yŏng pơgơ̆r lu linh jang, đĭ lu yang nai.