Êphêsô 2:4 - Sơ̆p Hlabơar Nơ̆r 'Bok Kei-Dei

⁴ Mă-lei 'Bok Kei-Dei Sư oei 'mêm mơnat kơ bơ̆n tơpă;

Êphêsô 2:4 Iomraidhean Croise

Ne 9:17

Lu sư ưh kơ chu kiơ̆ păng ưh kơ 'blŏk dôm tơdrong mơsêh mơyang Ih đei pơm boih tŏk-bŏk lu sư; mă-lei lu sư arăng kơ̆l, lăm tơdrong lu sư pơm kơchu rơih chă minh 'nu bơngai pơm yŏng wă chông hơlơ̆k brŏk tơ dêh char Êyiptơ dơ̆ng mă đêl lu sư pơm đĭch. Mă-lei Ih boih Kră Yang 'Bok Kei-Dei huay kơ jô̆ yo băt kơ 'mêm mơnat, hiơ̆ kơ hil păng 'bĕnh hăm tơdrong 'mêm mơnat, Ih ưh kơ achăng lê̆ lu sư ôh.

Horiso 145:8

Kră Yang băt mơnat păng đei jơhngơ̆m 'mêm. Hiơ̆ kơ blĕk păng 'bĕnh kơ tơdrong 'mêm mơnat.

Horiso 51:1

Ơ Kră Yang 'Bok Kei-Dei! Apinh mơnat ăn kơ inh kiơ̆ thoi tơdrong 'mêm Ih. Apinh Ih sut lê̆ dôm tơdrong inh pơm yoch, kiơ̆ kơ Ih mơnat.

Horiso 86:15

Mă-lei, ơ Kră Yang! Ih boih Kră Yang 'Bok Kei-Dei mă 'mêm băt mơnat. Hiơ̆ kơ hil, 'bĕnh kơ tơdrong 'mêm păng tơdrong tơpăt sĭt.

Horiso 86:5

Ơ Kră Yang! Ih 'lơ̆ng tơpăt băt mơnat ăn. Ih 'bĕnh kơ 'mêm mơnat rơkah rơkai kơ đĭ-đăng lu bơngai mă krao chă Ih.

Le 33:19

Kră Yang khan: Inh gô pơdah tơdrong 'lơ̆ng Inh 'bơ̆t anăp ih, klaih kơ noh Inh gô roi anăn Inh Kră Yang 'bơ̆t anăp ih, Inh gô mơnat kơ bơngai bu mă Inh 'maih mơnat, hăm Inh gô pơm 'lơ̆ng kơ bơngai bu mă inh 'maih pơm 'lơ̆ng.

Êsai 63:7

Inh gô roi tơ'blŏk tơdrong Kră Yang 'mêm mơnat, păng hơri bơnê ư-ang kơ Kră Yang kơ dôm lu tơdrong mă Kră Yang pơm bơih kơ lu bơ̆n păng tơdrong 'lơ̆ng tih Sư ăn kơ adrĕch Isơrael, dôm lu tơdrong mă Sư đei ăn kơ bơ̆n, kiơ̆ kơ tơdrong Sư 'mêm Kră Yang dŏng pơklaih lu sư bơih.

Je 31:3

Sơ̆ Kră Yang tơ'bôh boih kơ bơ̆n khan: “Inh 'mêm mơnat kơ iĕm hăm tơdrong 'mêm ling-lang hlŏng hloi, Thoi noh na Inh oei wei kơjăp 'mêm kơ iĕm.

Da 9:9

Kră Yang 'Bok Kei-Dei Ih đei tơdrong mơnat ăn păng huay kơ jô̆ yo, Ih Kră Yang 'Bok Kei-Dei lu nhôn; mă khan lu nhôn ưh kơ chu Ih.

Jôna 4:2

Sư krao khan kơ Kră Yang thoi âu: Ơ Kră Yang, noh hăm trŏ inh đei băt boih kơplah inh oei lăm dêh char nhôn sơ̆? Yua kơ noh na inh hăt hot kơdâu klĕnh tơ pơlei Tarisi. Yua kơ inh băt boih Ih jơ̆ Kră Yang 'Bok Kei-Dei iơ̆m dim, băt mơnat, hiơ̆ kơ hil, 'bĕnh hăm tơdrong 'mêm mơnat, ưh kơ wă pơrăm.

Luka 1:78

Yua kơ Kră Yang mơnat kơ bơ̆n tơpă, na Sư ăn 'Bok Dŏng Pơklaih ei jur tơ bơ̆n. Sư thoi măt 'năr pơchrang tơ'bôh tơdrong hơdah kơ bơ̆n mă bơngai oei lăm măng mu, wă lôch hiong ră, mă-lei Sư gô tơ'bôh ăn kơ bơ̆n tôm tơdrong hiôk-hian.”

Rom 10:12

Kră Yang Yêsu Krist Sư lăng rim khŭl bơngai lei-lăi đĕch, ưh kơ phara ôh. Sư lăng bơngai Isơrael kư̆m dang bơngai nai. Sư wei-lăng tơgŭm tơpă rim khŭl bơngai mă băt kơ krao khan apinh Sư.

Rom 2:4

'Bok Kei-Dei ưh kơ ăn kơ iĕm tơdrong gleh yua kơ iĕm ưh kơ đei tơdrong yoch hă? Ưh ôh. Sư ưh kơ ăn kơ iĕm tơdrong gleh yua kơ Sư wă kơ iĕm jah tơbral kơdih tơdrong yoch ră. Sư mơnat kơ iĕm tơpă na Sư ăn kơ iĕm oei hiôk khŏm khŏm. Mă-lei iĕm oei pơm yoch hơnơ̆ng đĕch ưh kơ đei tơbral ôh.

Rom 5:8

Na kơplah bơ̆n oei pơm yoch, lăp minh 'nu Yêsu Krist đĕch lôch tang bơ̆n. 'Noh boih bơ̆n băt kơ 'Bok Kei-Dei 'mêm kơ kon bơngai bơ̆n tơpă.

Rom 9:23

Yua kơ Sư oei gô lu bơngai mă Sư 'mêm. Sư wă hơmet jơhngơ̆m lu bơngai mă Sư 'mêm noh hơdrol 'mơ̆i, wă kơ lu bơngai noh gơh oei hơdai hăm Sư ning-mônh. Lu bơngai noh 'Bok Kei-Dei rơih iŏk đơ̆ng blŭng-a sơ̆ hloi boih, noh na Sư oei gô.

Êphêsô 1:7

Kon pôm Sư lôch tuh pham wă huai iŏk bơ̆n, wă kơ bơ̆n klaih đơ̆ng tơdrong 'Bok Kei-Dei jô̆ yo. Tơdrong noh yua kơ Sư 'mêm na Sư ăn đĕch thoi noh.

Êphêsô 2:7

Thoi noh na Sư gô ăn kơ bơ̆n tôm tơdrong hiôk 'lơ̆ng khŏm khŏm truh tơ ning-mônh ưh kơ layơ tôch yua kơ Sư 'mêm mơnat kơ bơ̆n, na ăn kơ Yêsu Krist lôch tang bơ̆n.

Êphêsô 3:8

Inh âu bơngai iĕ hloh kơ đĭ-đăng lu kon 'Bok Kei-Dei nai. Mă-lei Sư pơjao kơ inh tơdrong bơtho, wă kơ inh năm bơtho lu bơngai khŭl nai mă ưh kơ trŏ kơ bơngai khŭl Juđê, wă kơ lu sư băt kơnăl kơ tơdrong hiôk jơnap Yêsu Krist ăn kơ bơ̆n thoi yơ. Tơdrong hiôk jơnap noh hiôk tơpă ưh pă băt dang yơ.

II Tes 2:13

Ơ lu 'nhŏng oh, gah iĕm Kră Yang Yêsu Krist 'mêm mơnat kơ iĕm tơpă. 'Bok Kei-Dei wă kơ nhôn ling-lang krao khan bơnê kơ Sư kơlih kơ Sư rơih iŏk iĕm đơ̆ng blŭng-a sơ̆ wă kơ iĕm klaih đơ̆ng tơdrong yoch păng wă kơ Yang Bơhngol 'Lơ̆ng ăn kơ iĕm jing bơngai 'lơ̆ng tơpăt wă jang tơdrong Sư; păng Sư ăn kơ iĕm lui kơ tơdrong Kră Yang Yêsu Krist.

I Tim 1:14

Kră Yang bơ̆n Yêsu Krist 'mêm mơnat kơ inh tơpă ăn kơ inh lui kơ Sư păng ăn kơ inh 'mêm kơ Sư hăm đĭ-đăng bơngai. Sư kư̆m ăn kơ đĭ-đăng bơngai lui lei-lăi mơ̆n.

II Tim 1:9

'Bok Kei-Dei pơklaih bơ̆n đơ̆ng tơdrong yoch. Sư krao iŏk bơ̆n wă kơ bơ̆n jing kon 'lơ̆ng tơpăt Sư. Sư krao bơ̆n ưh kơ sĭ bơ̆n pơm tơdrong 'lơ̆ng na Sư krao ôh, Sư krao bơ̆n yua kơ Sư 'mêm mơnat kơ bơ̆n. Đơ̆ng blŭng-a sơ̆ Sư tam mă pơjing plĕnh păng teh, đơ̆ng noh boih Sư 'mêm mơnat kơ bơ̆n wă ăn Yêsu Krist pơklaih bơ̆n.

I Pet 1:3

Bơnê kơ Kră Yang 'Bok Kei-Dei 'Bă Yêsu Krist Yŏng bơ̆n, Sư 'mêm mơnat kơ bơ̆n tơpă na Sư ăn kơ bơ̆n tơpŭ ming 'nao, yua kơ Yêsu Krist iung arih đơ̆ng lôch. Thoi noh bơ̆n băt tơpă ning-mônh bơ̆n gô iung arih đei tôm tơdrong hiôk 'lơ̆ng Sư wă ăn kơ bơ̆n.