Êphêsô 2:19 - Sơ̆p Hlabơar Nơ̆r 'Bok Kei-Dei

¹⁹ Thoi noh nhôn lăng iĕm dang ei ưh pă thoi tơmoi nai boih, nhôn lăng iĕm thoi 'nhŏng oh pôm pơlei pơla, yua kơ bơ̆n jing kon 'Bok Kei-Dei ngăl boih.

Êphêsô 2:19 Iomraidhean Croise

Mathiơ 10:25

Dôm tơdrong đe pơm kơ 'bok thây, bơngai pơhrăm athei chu đe pơm kơ sư mơ̆n; dôm tơdrong đe pơm kơ yŏng sư, đĭch sư kư̆m athei chu mơ̆n. Dah đe mah jô̆ kơ Inh yang Belsêbul khŭl yang kơnê̆, đe jô̆ kơ iĕm kang loi.

Galati 6:10

Na dang ei bơ̆n oei arih tơ ala teh, bơ̆n athei pơm 'lơ̆ng kơ đe ling-lang. Mă loi athei pơm 'lơ̆ng kơ lu bơngai lui bơ̆n.

Êphêsô 2:12

Sơ̆ iĕm ưh tam mă đei 'Bok Krist, iĕm ưh tam mă jing kon 'Bok Kei-Dei thoi lu bơngai Juđê. Dôm tơdrong 'Bok Kei-Dei pơkă wă tơgŭm lu bơngai Juđê, iĕm kư̆m ưh kơ đei. Iĕm ưh kơ đei bu wă tơgŭm. Iĕm ưh kơ băt kơ 'Bok Kei-Dei Sư thoi yơ.

Êphêsô 3:15

yua kơ Sư 'Bă kơ đĭ-đăng plĕnh teh.

Êphêsô 3:6

Tơdrong 'noh lĕch đơ̆ng tơdrong 'nao 'lơ̆ng Yêsu Krist, na lu iĕm bơngai khŭl nai dang ei kư̆m hơdai đei tơdrong hiôk jơnap noh. Tơdrong hiôk jơnap noh sơ̆ Sư khan wă ăn kơ lu bơngai Juđê nhôn mă dang ei đei truh tơ iĕm boih; bơ̆n dang 'nhŏng oh minh sĕch minh akar. Iĕm klaih đơ̆ng tơdrong yoch oei hiôk jơnap hăm 'Bok Kei-Dei kư̆m thoi 'Bok Kei-Dei ăn kơ lu nhôn mơ̆n.

Philip 3:20

Mă-lei lu bơ̆n bơngai wă oei tơ plĕnh, lu bơ̆n ưh kơ gơh pơm thoi lu sư ôh, lu bơ̆n minh tơdrong chang gô 'Bok Dŏng Pơklaih wă jur ning-mônh đĕch, wă khan Kră Yang Yêsu Krist boih 'noh.

Hêbrơ 11:13

Đĭ kơ hnam dơnŏ sư oei chang gô truh kơ lôch. Lu sư ưh tam đei tôm tơdrong 'Bok Kei-Dei pơkă, mă-lei dang lu sư 'bôh lê̆ boih, lu sư hiôk tơpă, mă khan sư oei tơ noh dang kơ bơngai tơmoi. Lu sư roi kơ đe kư̆m thoi noh, lu sư oei tơ noh dang kơ bơngai tơmoi.

Hêbrơ 13:14

Tơ ala teh âu bơ̆n ưh kơ đei pơlei mă oei dơnơ̆ng ling-lang ôh. Na bơ̆n athei chang gô 'Bok Kei-Dei wă ăn kơ bơ̆n oei tơ pơlei Sư ning-mônh.

I Pet 2:11

Ơ lu 'nhŏng oh mă inh 'mêm kơeng, bơ̆n bơngai lui oei tơ ala teh âu dang ei, lu bơ̆n thoi bơngai tơmoi đĕch; teh đak âu teh đak đe, ưh kơ trŏ kơ teh đak bơ̆n ôh. Thoi noh na inh apinh iĕm pơgơ̆t bĕ dôm tơdrong iĕm pơm ưh kơ lăp kơ măt lăng, jơhngơ̆m iĕm oei 'maih pơm, 'maih pơtuah akâu kơdih kuă ăn kiơ̆ tơdrong 'Bok Kei-Dei.

I Yo 3:1

'Bă bơ̆n 'Bok Kei-Dei 'mêm mơnat kơ bơ̆n tơpă na Sư mah krao bơ̆n kon Sư. Bơ̆n jing kon Sư tơpă. Na kon bơngai ala teh âu ưh kơ băt kơ bơ̆n bơngai thoi yơ ôh kơlih kơ sư ưh kơ băt kơ 'Bă bơ̆n 'Bok Kei-Dei.