Êphêsô 2:18 - Sơ̆p Hlabơar Nơ̆r 'Bok Kei-Dei

¹⁸ Yua kơ Sư boih na đĭ-đăng kơ bơ̆n mă bơngai Juđê, mă bơngai nai băt gơnang kơ Yang Bơhngol 'Lơ̆ng anhăk ba bơ̆n truh tơ 'Bă bơ̆n 'Bok Kei-Dei.

Êphêsô 2:18 Iomraidhean Croise

Sa 12:10

“Inh gô tuh Yang Bơhngol tơdrong pŭn hiôk păng tơdrong krao apinh kơ hnam Đawit păng kơ lu kon pơlei Jêrusalem; lu sư gô lăng tơ Inh jơ̆ Kră Yang mă đêl lu sư 'bet boih; păng lu sư gô nhơ̆m hmoi, nhơ̆m hmoi thoi 'mêm kơ kon dăm lôch, lu sư gô oei lăm tơdrong chhŭr nuih, thoi lu bơngai mă đei tơdrong chhŭr nuih ơh sơ'ngon yua kơ kon kơdră lu sư hiong.

Mathiơ 28:19

Thoi noh năm bĕ lu iĕm, bơtho kơ đĭ-đăng lu khŭl bơngai jơ̆p kơ teh đak, athei lu sư lui kiơ̆ kơ Inh, pơm 'batem kơ lu sư krao anăn Yang 'Bă, Yang Kon, hăm Yang Bơhngol 'Lơ̆ng wă kơ đe nai băt kơ lu sư lui boih.

Yo 10:7

Thoi noh Yêsu bơtho kơ lu sư thoi âu dơ̆ng: “Inh khan kơ iĕm tơpăt, triu wă mơ̆t lăm hơdrong, sư athei mơ̆t trong 'măng. Na Inh thoi 'măng hơdrong, lu bơngai wă oei păng 'Bok Kei-Dei, lu sư athei mơ̆t trong Inh, noh wă khan athei lui kơ Inh.

Yo 10:9

Inh thoi 'măng hơdrong, bơngai bu mơ̆t trong Inh, lui kơ Inh, sư gô klaih đơ̆ng tơdrong yoch. Sư gơh mơ̆t păng gơh lĕch chă sa ưh kơ hli tơdrong kiơ.

Yo 14:6

Yêsu khan: “Inh boih trong iĕm năm tŏk tơ 'Bă Inh, hăm Inh boih tơhlôh ăn kơ iĕm tôm tơdrong Sư păng Inh gơh ăn kơ kon bơngai arih. Bơngai bu ưh kơ năm trong Inh, bơngai 'noh ưh kơ truh tơ 'Bă Inh ôh.

Rom 5:2

Bơ̆n lui kơ Yêsu Krist na 'Bok Kei-Dei 'mêm mơnat kơ bơ̆n. Sư ăn kơ bơ̆n hiôk chơt yua kơ bơ̆n băt chang gô măng năr Sư wă ăn kơ bơ̆n oei hơdai hăm Sư hiôk-hian ning-mônh.

Rom 8:15

Ưh kơ sĭ 'Bok Kei-Dei ăn Yang Bơhngol 'Lơ̆ng wă kơ bơ̆n jing bơngai đĭch, dah wă kơ bơ̆n oei hli ôh. Sư ăn kơ bơ̆n Yang Bơhngol 'Lơ̆ng wă kơ bơ̆n jing kon Sư. Thoi noh na bơ̆n gơh krao kơ 'Bok Kei-Dei Aba, 'Bă bơ̆n.

I Kor 12:13

Na đĭ rim khŭl bơngai, bơngai Juđê, bơngai khŭl nai, mă bơngai đĭch đe, mă bơngai rơngei, dah bơ̆n lui kơ Yêsu Krist, Yang Bơhngol 'Lơ̆ng pơm 'batem kơ bơ̆n pơgơ̆p bơ̆n jing minh jơhngơ̆m minh đon dih băl. Sư minh 'nu đĕch, mă-lei đĭ-đăng kơ bơ̆n iŏk Sư.

I Kor 8:6

Gah lu bơ̆n, bơ̆n đei minh 'nu Kră Yang 'Bok Kei-Dei đĕch Tơ'ngla 'Bă tơm lu bơ̆n. Sư boih pơjing tôm tĕch tơdrong, Sư ăn lu bơ̆n arih wă jang tơdrong Sư. Păng bơ̆n đei minh 'nu Yŏng mơ̆n anăn Sư Yêsu Krist. Sơ̆ 'Bok Kei-Dei yua Sư pơjing tôm tơdrong na dang ei bơ̆n arih yua kơ đơ̆ng Sư.

Galati 4:6

Bơ̆n băt boih bơ̆n jing kon Sư tơpă, yua kơ Sư wơh Yang Bơhngol 'Lơ̆ng đơ̆ng Kon Sư jur oei păng bơ̆n, Sư bơtho bơ̆n krao kơ 'Bok Kei-Dei Aba, 'Bă.

Êphêsô 3:12

Yua kơ bơ̆n lui kơ Yêsu boih, na bơ̆n băt kơ pôm đon hăm Sư, bơ̆n gơh tŏk truh tơ 'Bok Kei-Dei huay pă hli kơ Sư boih.

Êphêsô 3:14

Yua kơ thoi noh na inh sơtơ̆p kŭl-tăng krao khan kơ 'Bă tơm bơ̆n 'Bok Kei-Dei,

Êphêsô 4:4

Đĭ-đăng kơ bơ̆n jing minh jơhngơ̆m minh đon yua kơ bơ̆n đei minh 'nu Yang Bơhngol 'Lơ̆ng oei lăm jơhngơ̆m lu bơ̆n. Na 'Bok Kei-Dei ăn kơ bơ̆n minh tơdrong chang gô kư̆m lei-lăi mơ̆n.

Êphêsô 6:18

Păng bơ̆n 'nĕ hiơt krao khan kơ 'Bok Kei-Dei, wă kơ bơ̆n hưch hanh kơ tơdrong krao khan ling-lang, gô mơ̆ng kơ Yang Bơhngol 'Lơ̆ng wă kơ bơ̆n krao khan tơdrong kiơ, krao khan tơgŭm băl tơduă lu kon 'Bok Kei-Dei dah krao khan kơ tơdrong kiơ nai.

Kôlôsê 1:12

Na iĕm gô bơnê kơ 'Bă tơm bơ̆n 'Bok Kei-Dei ăn kơ bơ̆n dôm tơdrong hiôk 'lơ̆ng hăm ăn kơ bơ̆n oei tơ anih hơdah, thoi Sư ăn kơ đĭ-đăng lu kon Sư nai.

Hêbrơ 7:19

Tơ̆ng kon bơngai kiơ̆ tơdrong juăt noh sơ̆, kon bơngai ưh kơ gơh pơm 'lơ̆ng tơpăt hăm 'Bok Kei-Dei ôh. Mă-lei dang ei bơ̆n jing bơngai 'lơ̆ng tơpăt boih, yua kơ 'bok soi 'nao noh, Sư soi akâu Sư kơ 'Bok Kei-Dei. Na dang ei bơ̆n pơ̆n năm jê̆ 'Bok Kei-Dei boih.

Ya 3:9

'Bă tơm bơ̆n 'Bok Kei-Dei pơjing kon bơngai bơ̆n hơbŏ thoi Sư. Bơ̆n băt kơ ư-ang Sư, mă kư̆m băt kơ blei hiap bôl buăl tơduă kon bơngai. 'Noh kư̆m dang bơ̆n blei hiap 'Bok Kei-Dei yua kơ bơ̆n đơ̆ng 'Bok Kei-Dei pơjing.

I Pet 1:17

Bơ̆n krao khan kơ Sư yua kơ Sư 'Bă bơ̆n, bơ̆n athei chu kơ Sư yua kơ Sư wă sek tơlang mă tơpăt đĭ-đăng kon bơngai kiơ̆ tơdrong lu sư đêl pơm. Thoi noh na bơ̆n athei kơchăng hli kơ pơm yoch kơplah bơ̆n oei arih tơ ala teh âu. Bơ̆n oei arih tơ ala teh âu thoi bơngai tơmoi đĕch, ưh kơ sĭ teh đak bơ̆n kơdih ôh.

I Pet 1:21

'Bok Kei-Dei boih tơiung arih Sư đơ̆ng lôch păng ăn kơ Sư tŏk pơgơ̆r tơ plĕnh. Yua kơ Yêsu Krist jur huai iŏk bơ̆n boih, na bơ̆n băt lui kơ 'Bok Kei-Dei hăm băt kơ Sư gô atŏk lu bơ̆n tơ kơpal plĕnh.

I Pet 3:18

Yua kơ Yêsu Krist sơ̆ Sư kư̆m lôch pơmat yua kơ tơdrong yoch bơ̆n thoi noh mơ̆n wă kơ bơ̆n klaih đơ̆ng tơdrong yoch gơh oei hăm 'Bok Kei-Dei. Sư 'lơ̆ng dêh ưh kơ đei yoch kiơ, mă Sư lôch tang bơ̆n bơngai kơnê̆. Mă Sư lôch minh 'măng noh boih ưh pă layơ wă lôch dơ̆ng. Đe pơlôch akâu Sư, mă bơhngol Sư ưh kơ lôch ôh.

Ju 1:20

Ơ lu 'nhŏng oh mă inh 'mêm kơeng, inh wă kơ iĕm rai đunh rai lui kơjăp dôm tơdrong 'Bok Kei-Dei, tơdrong mă 'lơ̆ng tơpăt. Iĕm athei gơnang kơ Yang Bơhngol 'Lơ̆ng tơgŭm iĕm krao khan.