Êphêsô 2:12 - Sơ̆p Hlabơar Nơ̆r 'Bok Kei-Dei

¹² Sơ̆ iĕm ưh tam mă đei 'Bok Krist, iĕm ưh tam mă jing kon 'Bok Kei-Dei thoi lu bơngai Juđê. Dôm tơdrong 'Bok Kei-Dei pơkă wă tơgŭm lu bơngai Juđê, iĕm kư̆m ưh kơ đei. Iĕm ưh kơ đei bu wă tơgŭm. Iĕm ưh kơ băt kơ 'Bok Kei-Dei Sư thoi yơ.

Êphêsô 2:12 Iomraidhean Croise

Bl 15:18

Lăm năr noh Kră Yang đei nơ̆r pơkă pơgơ̆p pơkăm hăm Abram, na khan thoi âu: “Inh gô ăn kơ adrĕch adrung ih dêh char âu, đơ̆ng glung Êyiptơb dĭng truh tơ glung tih noh, wă khan glung Ơphrat.

II Ho 15:3

Đunh boih lu bơngai Isơrael ưh kơ đei Kră Yang 'Bok Kei-Dei sĭt tơpă. Ưh pă đei 'bok soi bơtho tơ'bôh, kư̆m ưh pă đei khôi juăt;

Esơra 4:3

Mă-lei Serubabel, Jêsua păng lu yŏng kơdră adrĕch adrung đe Isơrael, tơl khan: Iĕm ưh kơ gơh wang pơm hnam akŭm Kră Yang 'Bok Kei-Dei hăm lu nhôn ôh; mă-lei lăp hơdrô̆ lu nhôn đĕch, pơjing hnam akŭm Kră Yang Kră Yang 'Bok Kei-Dei lu bơngai Isơrael, nhen thoi Sirus, pơtao Phersi đei khan lê̆ boih kơ nhôn.

Le 12:45

Lu bơngai tơmoi păng bơngai bơ̆jang apah kư̆m ưh kơ gơh sa giĕng 'noh ôh.

Êsai 14:1

Kră Yang gô mơnat kơ Jakôp, păng oei wă rơih iŏk đe Isơrael minh wơ̆t dơ̆ng, Kră Yang gô krao tơbrŏk lu sư dơ̆ng, oei lăm teh đak lu sư kơdih, lu bơngai tơmoi teh đak nai gô oei hơdai lu sư păng pơgơ̆p hơdai hăm adrĕch Jakôp.

Êsai 44:6

Kră Yang pơgơ̆r plĕnh teh, Pơtao păng 'Bok huai iŏk Isơrael, Kră Yang Tih Hloh khan thoi âu: “Inh blŭng-a păng tuch-luch, 'nguaih kơ Inh ưh kơ đei Yang nai dơ̆ng ôh.

Êsai 45:20

Ơ lu kon pơlei klaih đơ̆ng anat anot đơ̆ng jơ̆p kơ dêh char. Năm tơ âu akŭm băl bĕ, đĭ-đăng wang năm jê̆. Lu bơngai tung rup yang pơm păng 'long. Lu sư ưh kơ hlôh krao khan kơ yang mă ưh kơ gơh dŏng pơklaih lu sư.

Êsai 61:5

Lu bơngai tơmoi oei tơ noh wă wei rong khŭl triu lu iĕm, lu bơngai tơmoi gô choh mir chŭn păng pơtăm hơmu ăn kơ lu iĕm.

Je 14:8

Ơ Kră Yang Ih boih tơ'ngla mă lu bơngai Isơrael chang hơmĕng. Tơ'ngla mă dŏng pơklaih kơplah năr đei tơdrong truh, liơ Ih nhen thoi bơngai tơmoi lăm char âu, Thoi bơngai chă yak găn weh 'bĭch kơmăng đĕch.

Je 17:13

Ơ Kră Yang, Ih boih anih hơmĕng tơm kơ bơngai Isơrael, lu bơngai bu achăng lê̆ Ih gô mơlâu! Bơngai bu weh đơ̆ng Inh, chih jô̆ anăn lu sư gah anih lôch, yua kơ lu sư achăng lê̆ Kră Yang mă tu đak glung arih ling-lang.

Êsêkiên 13:9

Ti Inh gô tơblah plơ̆ kơ lu bơngai khan lê̆ adrol 'bôh tơdrong tơ'bôh hơlĕnh, pơm pơjâu ưh kơ trŏ. Lu sư ưh pă oei lăm kon pơlei Inh dơ̆ng, lu sư ưh pă đei anăn lăm sơ̆p hla bơar adrĕch Isơrael; păng ưh kơ gơh mơ̆t tơ lăm teh đak Isơrael; lu sư gô băt Inh boih Kră Yang tih hloh.

Êsêkiên 37:26

Inh gô pơm tơdrong pơgơ̆p hiôk-hian hăm lu sư, noh pơgơ̆p ling-lang lu sư hăm Inh, Inh gô ăn kơ lu sư jing rai lơ. Inh gô 'măn anih rơgoh Inh tơ lăm lu sư ling-lang hlŏng hloi.

Êsêkiên 47:22

Lu iĕm athei hlang lăng klah asong teh âu wă jang sa, ăn kơ lu iĕm păng ăn kơ lu bơngai tơmoi mă oei hơdai lu iĕm păng pơjing lu kon sâu tơ lăm lu iĕm. Lu iĕm kư̆m lăng lu sư thoi adrĕch kon sâu Isơrael. Lu sư kư̆m dai gơh đei asong teh jang sa thoi lu iĕm mă oei hơdai lăm adrĕch bơngai Isơrael.

Hôsia 3:4

Bơngai Isơrael kư̆m oei lơ năr thoi noh, ưh kơ đei pơtao, ưh kơ đei yŏng pơgơ̆r, ưh kơ đei soi pơyơ̆r, ưh pă đei chơnang soi, ưh pă đei Ephot dah Thêraphin.

Jo 18:19

Inh pơkă 'nâu ling-lang ăn kơ ih, lu kon drŏ-nglo lu kon drŏ-kăn ih, đĭ-đăng tơmam pơyơ̆r 'lơ̆ng rơgoh mă bơngai Isơrael đei pơyơ̆r kơ Kră Yang; noh tơdrong pơgơ̆p pơkă 'bohb pơm ling-lang, ưh kơ gơh hiơt ôh, 'bơ̆t anăp Kră Yang ăn kơ ih păng adrĕch adrung ih.

Luka 1:72

Sư pơm tơdrong noh wă kiơ̆ kơ tơdrong Sư pơkă kơ 'bok kơdră bơ̆n sơ̆, khan gô wă tơgŭm bơ̆n tơpă.

Yo 10:16

Inh đei mơ̆n triu khŭl nai, mă-lei ưh kơ trŏ khŭl Juđê âu ôh. Na Inh athei iŏk triu khŭl nai ei. Lu triu ei gô lui kơ Inh păng băt kơ 'bơ̆r Inh pơma mơ̆n. Na triu ei păng triu tơpôl âu lu sư gô jing minh tơpôl lơ kiơ̆ minh 'nu Inh wei-lăng.

Yo 15:5

“Thoi noh na Inh wă roi kơ iĕm mă nhên dơ̆ng: Inh thoi lĕ kơ tơm 'long, iĕm thoi lĕ kơ dơng, tơ'bla, sơdrai. Bơngai bu oei kơjăp lăm Inh, Inh oei lăm sư mơ̆n, bơngai 'noh sư gô đei plei trem. Dah ưh kơ đei Inh, iĕm ưh kơ gơh pơm kiơ ôh.

Yo 4:22

Lu iĕm bơngai Samari, iĕm khan kơkuh kơ 'Bok Kei-Dei mơ̆n mă-lei lu iĕm ưh kơ hlôh tơdrong 'Bok Kei-Dei thoi yơ. Pôm lu nhôn bơngai Juđê đĕch hlôh tơpă gah tơdrong 'Bok Kei-Dei. Thoi noh yơh na lu bơngai Juđê tơpă đei bơngai wă pơklaih kon bơngai.

Jang 2:39

'Nâu nơ̆r 'Bok Kei-Dei Sư pơkă ăn kơ iĕm, kơ lu kon sâu iĕm păng lu bơngai mă oei tơ ataih đơ̆ng bơ̆n, dôm lu bơngai 'Bok Kei-Dei Kră Yang bơ̆n krao iŏk wă lui kơ Sư.”

Jang 28:20

Kơlih yua kơ thoi noh inh apinh iĕm năm tơ âu wă kơ inh gơh tơ'bơ̆p iĕm păng pơma dơnuh păng iĕm. Âu iĕm lăng deh ti inh đe oei chô̆ păng tơlei glang mam yua kơ inh lui kơ 'Bok Dŏng Pơklaih bơ̆n. Đĭ lu bơngai Juđê kư̆m chang gô Sư mơ̆n.”

Jang 3:25

“Bơ̆n boih kon sâu lu bơngai khan lê̆ hơdrol noh. 'Bok Kei-Dei pơkă ăn kơ lu 'bok kơdră bơ̆n sơ̆, Sư kư̆m pơkă ăn kơ bơ̆n lei-lăi mơ̆n. Sư khan kơ Abraham: ‘Yua kơ đei minh 'nu Kon Sâu ih na đĭ-đăng khŭl bơngai ala teh gô hiôk.’

Rom 9:8

Yua kơ thoi noh na bơ̆n băt đĭ-đăng bơngai Isơrael ưh kơ jing kon 'Bok Kei-Dei ngăl ôh, pôm lu bơngai mă lĕch đơ̆ng adrĕch 'Bok Kei-Dei anăn đĕch jing kon 'Bok Kei-Dei.

Galati 4:8

Sơ̆ iĕm ưh kơ băt chă Kră Yang 'Bok Kei-Dei ôh, na mă iĕm jing đĭch yang nai, mă-lei yang noh ưh kơ yang tơpă ôh.

Êphêsô 2:19

Thoi noh nhôn lăng iĕm dang ei ưh pă thoi tơmoi nai boih, nhôn lăng iĕm thoi 'nhŏng oh pôm pơlei pơla, yua kơ bơ̆n jing kon 'Bok Kei-Dei ngăl boih.

Êphêsô 4:18

đon lu sư ưh kơ hlôh. Lu sư ataih đơ̆ng tơdrong arih 'Bok Kei-Dei ăn kơ lu iĕm, yua kơ lu sư kơtul jing arăng kơ̆l.

Kôlôsê 1:21

Sơ̆ iĕm oei ataih kơ 'Bok Kei-Dei, na jơhngơ̆m đon iĕm tơchĕng ayăt kơ 'Bok Kei-Dei ngăl; na iĕm pơm lơ tơdrong kơnê̆.

Kôlôsê 1:27

Wă khan lu bơ̆n boih kon Sư, na Sư wă tơgŭm bơ̆n tôm tơdrong, tôm kơ khŭl kon bơngai jơ̆p kơ teh đak. Tơdrong Sư tơgŭm bơ̆n noh thoi yơ, wă khan thoi âu: Sư ăn Yêsu Krist oei lăm bơ̆n, na bơ̆n gơh băt kơ ning-mônh bơ̆n gô oei arih hiôk jơnap hăm Sư.

Kôlôsê 1:5

Tơdrong lui iĕm rai wơ̆ băt 'mêm mơnat kơ đe thoi noh, yua kơ iĕm băt nhên tơpă bơ̆n gô đei tơdrong hiôk tơ kơpal plĕnh thoi Sư khan kơ bơ̆n boih, kơplah mă đe bơtho kơ bơ̆n tơdrong 'nao 'lơ̆ng sơ̆; tơdrong noh tơdrong tơpă, ưh kơ tơdrong kư̆ kă ôh.

I Tes 4:13

Ơ 'nhŏng oh, nhôn roi tơpăt kơ iĕm wă kơ iĕm băt gah lu bơngai lui lôch boih sư gô iung arih dơ̆ng. Apinh iĕm 'nĕ kơ sơ'ngon thoi lu bơngai ưh kơ lui sư khan lôch ưh kơ gơh iung arih dơ̆ng.

I Tes 4:5

Sư ưh kơ wă kơ bơ̆n hưch hanh pơm pơyô kư̆ kă thoi lu bơngai ưh kơ lui kơ 'Bok Kei-Dei ôh.

II Tes 2:16

Yŏng bơ̆n Yêsu Krist hăm 'Bă bơ̆n 'Bok Kei-Dei 'mêm mơnat kơ bơ̆n tơpă na ăn kơ bơ̆n hiôk-hian ling-lang ưh kơ đei layơ tôch. Sư ăn kơ bơ̆n hiôk chơt kơlih kơ bơ̆n băt bơ̆n gô oei hơdai hăm Sư ning-mônh.

I Tim 1:1

Inh Pôl jơ̆ng 'bang Yêsu Krist chih hơpong kơ Timôthê. Hmach kơ ih, dăm. Ih kon inh tơpă kơlih kơ ih lui kơ Kră Yang Yêsu Krist đơ̆ng inh bơtho ih sơ̆. Kră Yang 'Bok Kei-Dei hăm Kon Sư Yêsu Krist athei inh pơm jơ̆ng 'bang Sư. 'Bok Kei-Dei dŏng pơklaih bơ̆n đơ̆ng tơdrong yoch. Bơ̆n lui kơ Yêsu Krist bơ̆n băt kơ Sư gô ăn kơ bơ̆n oei hơdai hăm Sư ning-mônh. Inh krao khan apinh 'Bă tơm bơ̆n 'Bok Kei-Dei hăm Kră Yang bơ̆n Yêsu Krist wei-lăng ih tôm tơdrong. Apinh Sư mơnat kơ ih, hăm ăn kơ ih hiôk-hian ling-lang.

Hêbrơ 11:34

Mă đe tah sư tơ lăm pla ŭnh tih, ŭnh huay kơ sa sư ôh. Đe wă koh pơlôch sư tơpă boih, mă-lei đei 'Bok Kei-Dei tơdŏng. Hơdrol lu sư tơrăn, đơ̆ng rŏng lu sư jing pran, blah pơpuh tŭk lu linh dêh đe mă ayăt kơ lu sư.

Hêbrơ 6:18

'Bok Kei-Dei pơkă wă tơgŭm bơ̆n tơdrong noh, Sư pao anăn Sư kơdih hloi, na bơ̆n băt kơ tơdrong Sư pơkă noh Sư ưh kơ gơh lê̆ ôh, yua kơ Sư ưh kơ lah hơlĕnh. Thoi noh na lu bơ̆n mă kơdâu kơ'nơp tơ akâu Sư, bơ̆n băt kơ Sư wă tơgŭm bơ̆n tơpă.

Hêbrơ 8:6

Mă-lei 'Bok Kei-Dei ăn kơ Yêsu đei tơdrong jang tih hloh kơ tơdrong jang lu 'bok soi noh. Rai pơthim dơ̆ng kơ Sư pơm 'long sơlam pơgơ̆p kon bơngai kơ 'Bok Kei-Dei. Tơdrong pơgơ̆p noh 'lơ̆ng hloh kơ tơdrong pơgơ̆p so, yua kơ Sư pơkă wă tơgŭm bơ̆n dang ei 'lơ̆ng hloh.

I Pet 1:21

'Bok Kei-Dei boih tơiung arih Sư đơ̆ng lôch păng ăn kơ Sư tŏk pơgơ̆r tơ plĕnh. Yua kơ Yêsu Krist jur huai iŏk bơ̆n boih, na bơ̆n băt lui kơ 'Bok Kei-Dei hăm băt kơ Sư gô atŏk lu bơ̆n tơ kơpal plĕnh.

I Pet 1:3

Bơnê kơ Kră Yang 'Bok Kei-Dei 'Bă Yêsu Krist Yŏng bơ̆n, Sư 'mêm mơnat kơ bơ̆n tơpă na Sư ăn kơ bơ̆n tơpŭ ming 'nao, yua kơ Yêsu Krist iung arih đơ̆ng lôch. Thoi noh bơ̆n băt tơpă ning-mônh bơ̆n gô iung arih đei tôm tơdrong hiôk 'lơ̆ng Sư wă ăn kơ bơ̆n.

I Pet 3:15

Mă-lei gah Yêsu Krist bơ̆n athei chu yom kơ Sư yua kơ Sư Kră Yang bơ̆n. Păng bơ̆n athei kơchăng ling-lang wă kơ gơh tơl tơwih kơ đe dôm tơdrong đe wă jet bơ̆n yua kơ kiơ bơ̆n lui. Mă-lei bơ̆n athei tơl tơwih kơ sư mă 'lơ̆ng mă hiôk.

I Yo 3:3

Bơngai bu chang gô Yêsu Krist jur tơ ala teh âu, bơngai 'noh pơm dôm tơdrong 'lơ̆ng tơpăt ngăl, kư̆m thoi Yêsu pơm 'lơ̆ng tơpăt mơ̆n.