Êphêsô 2:11 - Sơ̆p Hlabơar Nơ̆r 'Bok Kei-Dei

¹¹ Lu iĕm adrĕch adrung bơngai nai păng ưh kơ băt kiơ̆ tơdrong 'Bok Kei-Dei; na lu bơngai Juđê nhôn pơjăm iĕm khan bơngai ưh kơ băt kăt tơdra akar, mă-lei tơdrong lu nhôn kăt tơdra akar noh kư̆m ưh kơ yua kiơ ôh, yua kơ ti pơm tơ 'ngoaih đĕch.

Êphêsô 2:11 Iomraidhean Croise

Êsêkiên 20:43

Tơ noh lu iĕm gô 'blŏk trong iĕm đêl yak bơih păng dôm tơdrong iĕm pơm pơ'mê̆ kơdih akâu; lu iĕm gô lăng krưp kơdih akâu, yua kơ dôm tơdrong kơnê̆ iĕm đei pơm.

Êsêkiên 36:31

Mă-lei lu iĕm gô 'blŏk kơ tơdrong kơnê̆ iĕm păng tơdrong iĕm pơm ưh kơ 'lơ̆ng. Tơpă lu iĕm gô lăng areh krưp kơdih akâu yua kơ tơdrong yoch păng tơdrong kơnê̆ krưp lu iĕm pơm.

Mathiơ 20:7

Lu đe ei khan: ‘Yua kơ ưh kơ đei bơngai chă nhôn jang.’ 'Bok ei khan: ‘Lei iĕm năm jang tơ mir inh bĕ.’ Lu đe noh năm jang hloi.

Rom 11:17

Lu bơngai Isơrael mă ưh kơ lui, lu sư dang kơ tơm 'long đei dơng đe wă chre hŭt. Na lu iĕm thoi tơm 'long mă chăt tơ bri brah, na đe wă chre iŏk dơng 'long tơ bri brah noh wă klop tơ dơng 'long mă đêl đe chre hŭt noh, wă kơ sư bluh 'lơ̆ng đei plei trem.

Rom 2:26

Lu bơngai nai ưh kơ kăt tơdra akar, mă-lei dah lu sư kiơ̆ tơdrong juăt 'Bok Kei-Dei tơpă, 'Bok Kei-Dei lăng lu sư kư̆m dang lu sư kăt tơdra akar mơ̆n.

Rom 2:27

Lu iĕm bơngai Juđê, 'Bok Kei-Dei chih pơkă ăn tơdrong juăt Sư đơ̆ng sơ̆ boih păng iĕm kư̆m kăt tơdra akar thoi 'Bok Kei-Dei pơkă mơ̆n. Mă-lei iĕm ưh kơ kiơ̆ tơdrong juăt Sư pơkă kơ iĕm noh ôh. Tă tơ lu bơngai nai dơ̆ng ưh kơ kăt tơdra akar, mă-lei lu sư mơ'nah kiơ̆ tơdrong juăt 'Bok Kei-Dei pơkă hloh loi kơ iĕm dơ̆ng. Thoi noh ning-mônh lu sư gô jô̆ kơ iĕm bơngai yoch tơpă.

I Kor 12:2

Iĕm kư̆m băt mơ̆n hơtai iĕm tam mă lui kơ 'Bok Kei-Dei sơ̆, iĕm ling-lang gô mơ̆ng kơ đe dui ba iĕm kơkuh kơ rup yang mă ưh kơ gơh pơma.

I Kor 6:11

Lu iĕm mơ'nah pơm thoi noh tơpă mơ̆n sơ̆, mă-lei dang ei 'Bok Kei-Dei ôp rơgoh tơdrong yoch iĕm boih, iĕm jing kon Sư 'lơ̆ng tơpăt boih, Sư jô̆ iĕm bơngai 'lơ̆ng yua kơ Kră Yang Yêsu Krist păng Yang Bơhngol 'Lơ̆ng 'Bok Kei-Dei tơgŭm bơ̆n.

Galati 2:15

Nhôn bơngai Juđê đơ̆ng mĕ bơ̆n tơpŭ. Nhôn ưh kơ sĭ bơngai nai ôh. Nhôn kiơ̆ tơdrong juăt 'Bok Kei-Dei pơkă, lu bơngai nai ưh kơ kiơ̆ ôh.

Galati 6:12

Lu bơngai wă pơang akâu kơdih, sư wă kơ đe jô̆ sư bơngai 'lơ̆ng, mă tơpă sư boih wă pơgŏ iĕm kăt tơdra akar. Sư pơgŏ iĕm thoi noh sư wă kơ đe huay kơ areh păng pơm kơnê̆ kơ sư. Dah sư khan bơ̆n ưh kơ kăl kăt tơdra akar, athei lui kơ Yêsu Krist lôch tang bơ̆n tơ 'long pơglang đĕch, lei sư hli kơ đe nai pơm kơnê̆ kơ lu sư dơ̆ng.

Êphêsô 2:2

Iĕm pơm kiơ̆ thoi lu bơngai tơ ala teh, hăm pơm kiơ̆ kơ yang Satan wă; yang Satan boih yŏng pơgơ̆r lu yang kơnê̆, sư boih pơgơ̆r lu bơngai mă ưh kơ chu 'Bok Kei-Dei.

Êphêsô 5:8

Yua kơ dang ei iĕm ưh pă oei lăm măng mu thoi lu bơngai noh boih, iĕm oei lăm hơdah Kră Yang Yêsu Krist pơchrang ăn. Thoi noh na iĕm athei oei kiơ̆ kơ tơdrong hơdah Sư noh.

Both 15:15

Athei 'blŏk kơ iĕm đêl pơm đĭch boih lăm dêh Êyiptơ, Kră Yang 'Bok Kei-Dei dŏng pơklaih; thoi noh, năr 'nâu inh bơtho khan kơ iĕm nơ̆r tơtă 'nâu.

Both 16:12

Iĕm athei 'blŏk kơ đêl pơm đĭch tơ dêh Êyiptơ, na iĕm athei kơchăng pơm kiơ̆ nơ̆r tơtă 'nâu.

Both 5:15

Iĕm athei 'blŏk thoi lu iĕm hlôi pơm đĭch boih tơ dêh Êyiptơ, na Kră Yang 'Bok Kei-Dei iĕm yua ti mơsêh mơyang pran kơtang chông ba iĕm lĕch hlôi đơ̆ng noh; yua kơ thoi noh na Kră Yang 'Bok Kei-Dei iĕm đei tơtă boih kơ iĕm, wă kơ iĕm 'blŏk kơ năr pơdơh.

Both 8:2

Athei 'blŏk kơ đĭ-đăng trong mă Kră Yang 'Bok Kei-Dei iĕm chông anhăk ba iĕm lăm puăn-jĭt sơnăm kơ 'nâu tơ lăm char glă pơmat-tat, wă pơlong iĕm, wă kơ băt iĕm hăm đei wei răk dôm nơ̆r Sư tơtă dah ưh.

Both 9:7

Iĕm athei 'blŏk, 'nĕ kơ hiơt lu iĕm hlôi tơblĕk Kră Yang 'Bok Kei-Dei tơ lăm char glă, đơ̆ng năr iĕm lĕch hlôi kơ dêh Êyiptơ truh tơ năr 'nâu, iĕm ling-lang blah pơm plơ̆ kơ Kră Yang.

Philip 3:3

Lu bơ̆n âu boih kiơ̆ kơ tơdrong 'Bok Kei-Dei pơkă tơpă. Mă-lei bơ̆n ưh kơ kăl kơ tơdrong kăt tơdra akar chă pơpơm kơdih păng ti thoi noh ôh. Bơ̆n kăl kơ Yang Bơhngol 'Lơ̆ng đĕch; bơ̆n athei gơnang kơ Sư wă kơ bơ̆n gơh kiơ̆ 'Bok Kei-Dei trŏ thoi Sư wă. Tơdrong kăt tơdra akar chă pơm kơdih păng ti đĕch na bơ̆n 'nĕ kơ kiơ̆ ôh hli kơ bơ̆n gơnang kơ tơdrong bơ̆n pơm kơdih, bơ̆n athei gơnang kơ Yêsu Krist đĕch.

Kôlôsê 1:21

Sơ̆ iĕm oei ataih kơ 'Bok Kei-Dei, na jơhngơ̆m đon iĕm tơchĕng ayăt kơ 'Bok Kei-Dei ngăl; na iĕm pơm lơ tơdrong kơnê̆.

Kôlôsê 2:11

Yua kơ iĕm pôm đon hăm Sư na iĕm kư̆m dang bơngai kăt tơdra akar mơ̆n. Mă-lei lu iĕm ưh kơ trŏ kăt păng ti tơpă ôh, Yêsu Krist Sư dang kăt ăn kơ iĕm. Sư tŭk lê̆ akâu so bơ̆n mă juăt kơ pơm yoch.

Kôlôsê 2:13

Iĕm bơngai khŭl nai, sơ̆ iĕm oei gơh pơm lơ tơdrong yoch, tơdrong kơnê̆, bơngai oei arih ră dang lĕ kơ bơngai lôch boih. Păng iĕm ưh kơ trŏ kơ bơngai 'Bok Kei-Dei wă tơgŭm thoi lu bơngai Juđê ôh. Mă-lei 'Bok Kei-Dei tơiung arih Yêsu Krist đơ̆ng lôch boih, dang Sư tơiung arih iĕm mơ̆n, Sư huay pă jô̆ yo boih dôm tơdrong yoch bơ̆n juăt kơ pơm sơ̆.

Kôlôsê 3:11

Đĭ-đăng kơ bơ̆n dang minh khŭl bơngai đĕch; mă bơngai Grĕk, mă bơngai Juđê, mă bơngai kăt tơdra akar, mă bơngai ưh, mă bơngai tơmoi, mă bơngai pơlei kơtă, mă bơngai đĭch đe, mă bơngai rơngei, Yêsu Krist pơgơ̆r đĭ-đăng, hăm oei hơdai đĭ rim khŭl bơngai 'noh.

I Sam 17:26

Đawit jet lu bơngai ngôi jê̆ sư: Đe gô apah kiơ kơ bơngai gơh pơlôch bơngai Philistin 'nâu păng wă kơ huay pă pơjăm lu bơngai Isơrael dơ̆ng? Lu bơngai Philistin 'nâu, lu bơngai ưh kơ chu kăt tơdra akar, sư bu, na mă pơ̆n pơjăm lu linh Kră Yang 'Bok Kei-Dei arih ling-lang?

I Sam 17:36

Inh pơlôch boih dăm-brang păng chơgơu, thoi noh na bơngai Philistin to ưh kơ chu kăt tơdra akar tăm dơ̆ng inh kư̆m gô teh pơlôch sư thoi sem brem noh mơ̆n; yua kơ sư pơjăm lu linh Kră Yang 'Bok Kei-Dei mă arih ling-lang.