Êphêsô 1:3 - Sơ̆p Hlabơar Nơ̆r 'Bok Kei-Dei

³ Bơnê kơ Kră Yang 'Bok Kei-Dei 'Bă Yêsu Krist Yŏng bơ̆n, yua kơ Sư ăn kơ bơ̆n tôm tơdrong hiôk 'lơ̆ng tơ plĕnh ti. Bơ̆n đei tôm tơdrong noh yua kơ bơ̆n lui kơ Yêsu Krist.

Êphêsô 1:3 Iomraidhean Croise

Bl 14:20

Trŏ kơ bơnê kơkuh tơpă kơ Kră Yang 'Bok Kei-Dei tih hloh đei jao boih lu ayăt tơ lăm ti ih. Đơ̆ng noh Abram iŏk minh lăm mơjĭt đơ̆ng dôm tơmam mă sư iŏk đơ̆ng lu ayăt na pơyơ̆r ăn kơ pơtao noh.c”

Bl 22:18

Yua kơ ih chu yom kơ nơ̆r Inh athei, na kon pơlei pơla lăm teh âu yua kơ đơ̆ng ih gô đei pŭn hiôk.”

I Ho 29:20

Đawit khan kơ đĭ-đăng tơpôl: “Iĕm athei hơri bơnê kơkuh kơ Kră Yang 'Bok Kei-Dei lu iĕm.” Na đĭ-đăng khŭl tơpôl hơri bơnê hloi kơ Kră Yang 'Bok Kei-Dei yă 'bok lu sư, lu sư kŭp kơ̆l drap kơkuh kơ Kră Yang, păng kơkuh kơ pơtao.

I Ho 4:10

Jabes krao apinh Kră Yang 'Bok Kei-Dei Isơrael khan: “Ơ Kră Yang apinh Ih tuh ăn kơ inh pŭn hiôk pơih ăn hơdral teh đak inh mă să! Apinh ti mơsêh Ih oei hơdai inh, wei-lăng inh klaih đơ̆ng tơdrong răm pơmat-tat” Kră Yang 'Bok Kei-Dei ăn hloi thoi tơdrong sư krao apinh.

II Ho 31:8

Wă Hesekia păng lu yŏng pơgơ̆r truh, 'bôh lu pôi noh na bơnê ư-ang kơ Kră Yang păng kon pơlei Isơrael.

Ne 9:5

Kơplah noh lu bơngai Lêwi, Jêsua, Katmiêh, Bani, Hasapneia, Sêrêbia, Hôđia, Sêbania păng Pêtahia khan: Iung bơnê ư-ang bĕ kơ Kră Yang 'Bok Kei-Dei lu iĕm, Kră Yang đei ling-lang dang ei dĭng truh tơ ning-mônh. Trŏ kơkuh bơnê Anăn 'lơ̆ng rŏ Sư, kơjung hloh kơ tơdrong kơkuh păng nơ̆r bơnê.

Horiso 134:3

Apinh Kră Yang, Tơ'ngla pơjing plĕnh teh Đơ̆ng Siôn gô ăn tơdrong pŭn hiôk kơ iĕm.

Horiso 72:17

Anăn sư gô oei đei ling-lang. Măt 'năr sư oei đei dang yơ, anăn sư gô oei dang noh; Kon pơlei đei pŭn hiôk đơ̆ng sư! Lu kon pơlei gô sơkat kơ sư đei pŭn hiôk.

Horiso 72:19

Trŏ hơri bơnê ư-ang anăn Sư ling-lang truh ning-mônh. Ăn tơdrong ư-ang Sư 'bĕnh-'bang jơ̆p kơ teh đak! A-men! A-men!

Êsai 61:9

Adrĕch adrung lu sư đe gô ư-hơ-nhang ang-hơ-nhăk lăm rim kơ teh đak. Anăn kon sâu lu sư đe gô ang lăm lu kon pơlei, bơngai bu 'bôh gô băt kơ lu sư jơ̆ minh adrĕch adrung đơ̆ng Kră Yang tuh ăn tơdrong pŭn hiôk.

Da 4:34

Dĭng truh tôch kơ năr đêl pơkă, inh âu, Nebukatnessar inh ngoi muh măt tơ plĕnh, tơdrong hơgei đei dơ̆ng tơ inh păng inh pơư pơang anăn Kră Yang 'Bok Kei-Dei Tih hloh. Inh gô pơư pơang anăn Kră Yang 'Bok Kei-Dei mă arih ling-lang, dêh char Sư oei đei đơ̆ng chăl âu truh tơ chăl nai.

Luka 2:28

na Simiôn iŏk pôk Yêsu, krao khan bơnê kơ 'Bok Kei-Dei thoi âu:

Yo 14:20

Lăp Inh iung arih boih, noh iĕm gô băt kơ Inh minh jơhngơ̆m minh đon hăm 'Bă Inh tơpă păng lu iĕm minh jơhngơ̆m minh đon hăm Inh yua kơ Inh oei lăm iĕm tơpă.

Yo 17:21

Inh wă kơ Ih ăn kơ lu sư pơgơ̆p băl minh jơhngơ̆m minh đon. Ơ 'Bă, ba minh jơhngơ̆m minh đon, na Inh wă kơ Ih ăn kơ lu sư oei pôm đon păng ba, wă kơ lu bơngai ala teh âu 'bôh thoi noh na lui kơ Ih wơh Inh.

Yo 20:17

Thoi noh Yêsu khan: “Ih 'nĕ kơ rôp Inh, yua kơ Inh ưh tam mă tŏk wih tơ 'Bă Inh. Ih năm khan kơ lu 'nhŏng oh Inh wă kơ sư băt kơ Inh wă tŏk wih tơ 'Bă Inh, Sư kư̆m 'Bă lu iĕm mơ̆n; tơ Kră Yang Inh, Sư kư̆m Kră Yang iĕm mơ̆n.”

Rom 12:5

Lu bơ̆n bơngai lui kơ Sư kư̆m thoi noh, lu bơ̆n jing minh jơhngơ̆m minh đon păng Yêsu Krist, tơduă bơ̆n kư̆m pơm minh jơhngơ̆m minh đon lei-lăi.

Rom 15:6

Thoi noh na đĭ-đăng kơ iĕm jing pôm 'bơ̆r pôm đon ư-ang Kră Yang 'Bok Kei-Dei mă 'Bă Yŏng Kơdră bơ̆n Yêsu Krist.

I Kor 1:30

'Bok Kei-Dei ăn kơ bơ̆n oei hơdai minh jơhngơ̆m minh đon hăm Yêsu Krist. 'Bok Kei-Dei ăn kơ Kon Sư Yêsu Krist tơbăt ăn kơ bơ̆n gơh tơchĕng hơgei gah tơdrong Sư. Yua kơ đơ̆ng Yêsu Krist na 'Bok Kei-Dei huai iŏk bơ̆n đơ̆ng tơdrong yoch, Sư jô̆ bơ̆n jing bơngai tơpăt hăm Sư păng Sư ăn kơ bơ̆n jing bơngai 'lơ̆ng.

I Kor 12:12

Akâu jăn kon bơngai bơ̆n đei lơ chăl, mă-lei hơdôm tŏ chăl 'noh pơjing kơ minh 'nu bơngai đĕch, thoi noh boih na đĭ-đăng lu bơ̆n bơngai lui kơ Yêsu Krist kư̆m lei-lăi thoi noh mơ̆n, bơ̆n jing minh jơhngơ̆m minh đon akŭm păng Yêsu Krist.

II Kor 1:3

Bơnê kơ 'Bok Kei-Dei 'Bă Yêsu Krist Yŏng bơ̆n, Sư 'Bă tơm bơ̆n 'mêm kơ bơ̆n dêh, Sư Kră Yang gơh pơlung bơ̆n tôm tơdrong kơplah bơ̆n đei tơdrong gleh truh pơmat-tat.

II Kor 11:31

'Bok Kei-Dei 'Bă Yŏng bơ̆n Yêsu Krist, Sư trŏ kơ bơ̆n ư-ang ling-lang ưh kơ layơ tôch, Sư băt kơ inh pơma ưh kơ hơlĕnh.

II Kor 5:17

Thoi noh na bu kiơ̆ Yêsu Krist, bơngai noh bơ̆n băt kơ 'Bok Kei-Dei pơjing sư jing bơngai 'nao, dôm tơdrong so ưh pă đei boih, sư đei tơdrong 'nao ngăl, yua kơ sư jing bơngai 'nao boih.

II Kor 5:21

Yêsu Krist ưh kơ đei tơdrong yoch kiơ, mă-lei 'Bok Kei-Dei athei Sư pŭ tơdrong yoch bơ̆n. Thoi noh na bơ̆n athei gơnang kơ Yêsu, na 'Bok Kei-Dei jô̆ kơ bơ̆n bơngai 'lơ̆ng hăm Sư.

Galati 3:9

Kơlih kơ Abraham lui păng gơnang kơ 'Bok Kei-Dei tơpă, na 'Bok Kei-Dei tơgŭm sư tơpă mơ̆n. Thoi noh na dôm lu bơngai lui păng gơnang kơ 'Bok Kei-Dei, 'Bok Kei-Dei kư̆m wă tơgŭm lu sư lei-lăi thoi noh mơ̆n.

Êphêsô 1:17

'Bok Kei-Dei 'Bă Yêsu Krist Yŏng bơ̆n, Sư 'Bă tơm kơ đĭ-đăng păng Sư Yang tih tơpă, na inh ưh kơ hiơt krao khan apinh Sư tơgŭm iĕm hơgei, hăm tơhlôh ăn kơ iĕm tôm tơdrong Sư.

Êphêsô 1:20

kư̆m thoi Sư gơh tơiung arih Yêsu đơ̆ng lôch atŏk tơ plĕnh oei gah 'ma kơ Sư;

Êphêsô 2:6

Păng bơ̆n kư̆m dang 'Bok Kei-Dei atŏk tơ plĕnh hơdai hăm Yêsu Krist boih. Păng dang bơ̆n oei hơdai hăm Sư tơ plĕnh, yua kơ bơ̆n pôm đon pơgơ̆p hơdai hăm Yêsu Krist.

Êphêsô 3:10

Mă dang ei Sư ăn kơ lu bơngai lui kơ Kon Sư tơbăt ăn kơ lu yŏng pơgơ̆r lu linh jang, tơbăt ăn kơ lu yŏng pơgơ̆r oei tơ kơpal plĕnh wă kơ lu sư băt kơ tơdrong tơchĕng 'Bok Kei-Dei hơgei tơpă wă tơgŭm kon bơngai.

Êphêsô 6:12

Tơdrong noh ưh kơ sĭ tơblah tơduă bơ̆n kon bơngai ôh, bơ̆n tơblah hăm lu yŏng yang kơnê̆, sư kư̆m pran mơ̆n, sư kư̆m oei tơ kơpal plĕnh ti mă tơ anih nai; sư pơgơ̆r lu bơngai oei tơ ala teh âu, lu bơngai mă oei lăm măng mu.

Philip 2:11

Đĭ-đăng bơngai gô kơnăl kơ Sư Kră Yang, na kon bơngai ư-ang kơ 'Bă Sư 'Bok Kei-Dei.

Hêbrơ 8:5

Lu sư jang awih tơ lăm hnam 'Bok Kei-Dei tơ teh âu. Hnam lu sư pơm pơtrŏ thoi hnam 'Bok Kei-Dei tơ kơpal plĕnh ti. Hnam tơ plĕnh ti 'Bok Kei-Dei oei tơpă. 'Noh thoi 'Bok Kei-Dei khan boih kơ Môis, kơplah mă Môis wă pơtơm pơm hnam 'Bok Kei-Dei păng tua-la-tăng sơ̆. 'Bok Kei-Dei khan thoi âu: “Ih athei kơchăng pơm mă trŏ kiơ̆ thoi Inh tơ'bôh kơ ih tơ kông ki.”

Hêbrơ 9:23

Dôm tơdrong rơgoh noh sơ̆, rơgoh yua kơ đe soi kơ 'Bok Kei-Dei hăm pham sem. Dôm tơdrong rơgoh noh, wă pơtih gia kơ tơdrong tơ plĕnh ti. Tơdrong tơ plĕnh ti kăl hloh. Na lu bơ̆n bơngai wă tŏk tơ plĕnh ti, wă gơnang kơ pham sem thoi lu bơngai noh sơ̆, ưh kơ gơh klaih đơ̆ng tơdrong yoch ôh. Bơ̆n athei gơnang kơ pham tơ'ngla mă soi kơ 'Bok Kei-Dei hăm pham Sư kơdih noh đĕch klaih.

I Pet 1:3

Bơnê kơ Kră Yang 'Bok Kei-Dei 'Bă Yêsu Krist Yŏng bơ̆n, Sư 'mêm mơnat kơ bơ̆n tơpă na Sư ăn kơ bơ̆n tơpŭ ming 'nao, yua kơ Yêsu Krist iung arih đơ̆ng lôch. Thoi noh bơ̆n băt tơpă ning-mônh bơ̆n gô iung arih đei tôm tơdrong hiôk 'lơ̆ng Sư wă ăn kơ bơ̆n.