Êphêsô 1:23 - Sơ̆p Hlabơar Nơ̆r 'Bok Kei-Dei

²³ na lu bơngai lui kơ Sư thoi akâu Sư. Lu bơngai lui boih gô tơbăt ăn kơ lu bơngai tam mă lui tôm tơdrong Yêsu Krist, yua kơ Yêsu Krist Yŏng pơgơ̆r păng pơjing tôm tĕch tơdrong jơ̆p-jang kơ plĕnh teh.

Êphêsô 1:23 Iomraidhean Croise

Yo 1:16

Sư 'mêm mơnat đĭ-đăng kơ bơ̆n, pơklaih bơ̆n đơ̆ng tơdrong yoch păng tơgŭm bơ̆n lăm tôm tơdrong tơpă.

Rom 13:5

Thoi noh na bơ̆n athei chu yom kơ lu bơngai mă pơgơ̆r bơ̆n, wă kơ 'Bok Kei-Dei lăp đon kơ bơ̆n păng wă kơ bơ̆n đei jơhngơ̆m hiôk, yua kơ bơ̆n pơm trŏ.

I Kor 12:6

'Bok Kei-Dei ăn kơ Yang Bơhngol 'Lơ̆ng Sư gơh tơgŭm bơ̆n phara tơdrong hơgei, mă-lei lăp minh 'nu 'Bok Kei-Dei đĕch gơh tơgŭm đĭ-đăng kơ bơ̆n lăm tôm tơdrong.

I Kor 15:28

'Bok Kei-Dei ăn kơ Kon Sư pơgơ̆r tôm tơdrong đang boih, na Kon Sư pơjao ăn kơ 'Bă Sư pơđĭ tôm tơdrong păng ăn kơ 'Bă Sư pơgơ̆r akâu Sư hai.

Êphêsô 2:16

yua kơ Sư lôch tang bơ̆n tơ 'long pơglang ăn đĭ-đăng kơ bơ̆n mă bơngai Juđê, mă bơngai nai gơh hiôk hăm 'Bok Kei-Dei boih. Bơ̆n dang minh akâu đĕch ưh pă layơ wă tơklah băl dơ̆ng.

Êphêsô 3:10

Mă dang ei Sư ăn kơ lu bơngai lui kơ Kon Sư tơbăt ăn kơ lu yŏng pơgơ̆r lu linh jang, tơbăt ăn kơ lu yŏng pơgơ̆r oei tơ kơpal plĕnh wă kơ lu sư băt kơ tơdrong tơchĕng 'Bok Kei-Dei hơgei tơpă wă tơgŭm kon bơngai.

Êphêsô 3:19

Inh apinh Sư ăn kơ iĕm băt kơ Yêsu 'mêm kơ bơ̆n tih tơpă, mă ưh kơ băt tih dang yơ, jrŭ să sư dang yơ. Păng inh kư̆m apinh 'Bok Kei-Dei oei lăm jơhngơ̆m rim 'nu kơ lu iĕm.

Êphêsô 4:10

Sư jur tơ noh boih, Sư kư̆m tŏk tơ kơpal kơ plĕnh, wă khan Sư pơgơ̆r jơ̆p-jang kơ plĕnh teh jơ̆p-jang kơ anih.

Êphêsô 4:12

Sư chă asong đe thoi noh Sư wă kơ lu bơngai jang noh tơgŭm đĭ-đăng lu kon 'Bok Kei-Dei lui kơjăp gơh jang tơdrong 'Bok Kei-Dei. Thoi noh na đĭ-đăng lu kon 'Bok Kei-Dei jing pôm đon hăm Yêsu Krist rai đunh rai wơ̆.

Êphêsô 4:13

Đĭ-đăng kơ bơ̆n jing pôm đon yua kơ minh tơdrong lui băt kơdih kơdih tơdrong Yêsu Kon 'Bok Kei-Dei, na bơ̆n gô jing bơngai wơ̆ tôch tơ̆l thoi Yêsu.

Êphêsô 4:4

Đĭ-đăng kơ bơ̆n jing minh jơhngơ̆m minh đon yua kơ bơ̆n đei minh 'nu Yang Bơhngol 'Lơ̆ng oei lăm jơhngơ̆m lu bơ̆n. Na 'Bok Kei-Dei ăn kơ bơ̆n minh tơdrong chang gô kư̆m lei-lăi mơ̆n.

Kôlôsê 1:24

Inh mă đei tơdrong gleh truh dang ei yua kơ jang tơdrong noh boih lah; inh jang tơgŭm lu iĕm bơngai khŭl nai, mă ưh kơ trŏ kơ khŭl Juđê nhôn. Mă-lei inh hiôk ưh kơ sơ'ngon ôh. Yêsu Krist sơ̆ Sư kư̆m pơmat-tat yua kơ lu bơ̆n tam mă lui mă gô lui kơ Sư. Na inh dang ei kư̆m lei-lăi chu iŏk dôm tơdrong pơmat-tat yua kơ iĕm.

Kôlôsê 2:19

Lu bơngai noh ưh kơ pơm pôm đon hăm Yêsu Krist ôh. Yêsu Krist boih pơm tơm kơ bơ̆n; Sư thoi kơ̆l, lu bơ̆n mă lui kơ Sư tơpă, thoi kơ akâu Sư hăm jơ̆ng ti Sư. Yua kơ Sư na đĭ lăm trôm akâu bơ̆n băt kơ pơgơ̆p băl. Sư bơ̆jang lăm trôm akâu Sư noh wă khan lu bơ̆n bơngai lui, thoi lĕ kơ 'me tơmam sa, na bơ̆n rai đunh rai wơ̆, rai gơh tơchĕng trŏ thoi 'Bok Kei-Dei wă.

Kôlôsê 3:11

Đĭ-đăng kơ bơ̆n dang minh khŭl bơngai đĕch; mă bơngai Grĕk, mă bơngai Juđê, mă bơngai kăt tơdra akar, mă bơngai ưh, mă bơngai tơmoi, mă bơngai pơlei kơtă, mă bơngai đĭch đe, mă bơngai rơngei, Yêsu Krist pơgơ̆r đĭ-đăng, hăm oei hơdai đĭ rim khŭl bơngai 'noh.

Kôlôsê 3:15

Yêsu Krist ăn kơ bơ̆n hiôk hơiă dih băl, na bơ̆n athei adrin kiơ̆ thoi noh, yua kơ 'Bok Kei-Dei rơih iŏk bơ̆n wă kơ bơ̆n pôm đon. Păng ling-lang 'nĕ kơ hiơt pơma bơnê kơ 'Bok Kei-Dei.