Êphêsô 1:21 - Sơ̆p Hlabơar Nơ̆r 'Bok Kei-Dei

²¹ na ăn kơ Sư pơgơ̆r tôm lu 'bok pơgơ̆r, lu linh jang, lu yang nai, tôm kơ lu Sư pơgơ̆r mă pơgơ̆r dang ei, mă pơgơ̆r ning-mônh dah layơ tă Yêsu pơgơ̆r ngăl.

Êphêsô 1:21 Iomraidhean Croise

Da 7:27

Đơ̆ng noh tơdrong gơh kĕ pơgơ̆r dêh char pơtao, kơkuh pơyom jao ăn teh đak oei ala plĕnh, gô jao ăn kơ 'Bok 'lơ̆ng rơgoh Tih hloh. Dêh char pơtao Sư jing dêh char pơtao ling-lang, lu bơngai pơgơ̆r, bơ̆jang kơ Sư păng chu yom kiơ̆ nơ̆r Sư,

Mathiơ 12:32

Bu pơjăm Inh Kon Bơngai, 'Bok Kei-Dei kư̆m huay kơ jô̆ yo kơ sư ôh, Sư oei tơgŭm pơklaih đĕch. Mă-lei dah bu pơjăm Yang Bơhngol 'Lơ̆ng Sư, 'Bok Kei-Dei ưh pă wă pơklaih boih bơngai noh, mă đơ̆ng dang ei truh tơ ning-mônh.

Jang 4:12

Pă đei bu nai dơ̆ng gơh pơklaih bơ̆n đơ̆ng tơdrong yoch. 'Bok Kei-Dei ăn Kon pôm Sư Yêsu Krist đĕch wă pơklaih bơ̆n.”

Êphêsô 2:2

Iĕm pơm kiơ̆ thoi lu bơngai tơ ala teh, hăm pơm kiơ̆ kơ yang Satan wă; yang Satan boih yŏng pơgơ̆r lu yang kơnê̆, sư boih pơgơ̆r lu bơngai mă ưh kơ chu 'Bok Kei-Dei.

Êphêsô 3:10

Mă dang ei Sư ăn kơ lu bơngai lui kơ Kon Sư tơbăt ăn kơ lu yŏng pơgơ̆r lu linh jang, tơbăt ăn kơ lu yŏng pơgơ̆r oei tơ kơpal plĕnh wă kơ lu sư băt kơ tơdrong tơchĕng 'Bok Kei-Dei hơgei tơpă wă tơgŭm kon bơngai.

Êphêsô 6:12

Tơdrong noh ưh kơ sĭ tơblah tơduă bơ̆n kon bơngai ôh, bơ̆n tơblah hăm lu yŏng yang kơnê̆, sư kư̆m pran mơ̆n, sư kư̆m oei tơ kơpal plĕnh ti mă tơ anih nai; sư pơgơ̆r lu bơngai oei tơ ala teh âu, lu bơngai mă oei lăm măng mu.

Kôlôsê 2:10

Na iĕm pôm đon hăm Yêsu Krist, Kră Yang 'Bok Kei-Dei kư̆m ăn kơ iĕm jing lei-lăi thoi Yêsu mơ̆n. Yêsu Krist Sư pơm Kră, Sư pơgơ̆r tôm kơ yŏng pơgơ̆r lu yang, tôm kơ yŏng pơgơ̆r lu linh jang.

Kôlôsê 2:15

Kơplah Yêsu Krist oei tơ 'long pơglang noh sơ̆ Sư blah rôp lu yŏng pơgơ̆r yang kơnê̆, iŏk đĭ lu khêl đao lu sư păng dui anhăk lu sư na tơ'bôh kơ đe tơdrong tơblah jei Sư boih.

Hêbrơ 1:4

'Bă Sư ăn kơ Sư tih hloh kơ lu linh jang, thoi noh mă 'Bă Sư krao kơ Sư Kon. Sư tih hloh kơ lu linh jang tơpă.

Hêbrơ 2:5

Mă-lei gah tơdrong pơgơ̆r plĕnh păng teh ning-mônh, Sư ưh kơ ăn kơ lu linh jang pơgơ̆r ôh.

Hêbrơ 4:14

Bơ̆n đei minh 'nu 'bok soi tih wei-lăng bơ̆n, Sư tŏk ưh kơ băt hơdôm tăl plĕnh, anăn Sư Yêsu Kon 'Bok Kei-Dei; noh na bơ̆n athei lui kơ Sư khŏm khŏm.

I Pet 3:22

Yêsu Krist iung arih tŏk tơ plĕnh oei gah 'ma kơ 'Bok Kei-Dei. Sư pơgơ̆r đĭ lu linh jang, lu yŏng pơgơ̆r lu linh jang, đĭ lu yang nai.