Êphêsô 1:13 - Sơ̆p Hlabơar Nơ̆r 'Bok Kei-Dei

¹³ Na sơ̆ lăp iĕm kơtơ̆ng đe bơtho tơdrong 'nao 'lơ̆ng Sư wă kơ iĕm klaih đơ̆ng tơdrong yoch, na iĕm lui hloi kơ tơdrong đe bơtho noh. 'Bơ̆t noh iĕm đei Yang Bơhngol 'Lơ̆ng 'Bok Kei-Dei jur oei păng iĕm kư̆m thoi 'Bok Kei-Dei pơkă khan wă ăn sơ̆, na iĕm mơn kơdih iĕm jing kon Sư păng pôm đon hăm Kon Sư Yêsu Krist.

Êphêsô 1:13 Iomraidhean Croise

Horiso 119:43

Apinh Ih 'nĕ kơ iŏk lê̆ dôm nơ̆r tơpăt đơ̆ng 'bơ̆r inh, Yua kơ inh gơnang hơmĕng kơ nơ̆r tơtă Ih.

Jôel 2:28

Năr ei kơnh Inh gô tuh ăn Yang Bơhngol 'Lơ̆ng Inh kơ đĭ-đăng kon bơngai. Lu kon drŏ-nglo kon drŏ-kăn gô pơma khan lê̆ adrol; dôm lu kră iĕm gô hơpo 'bôh, păng dôm lu kon hơ'lơ̆p iĕm gô 'bôh tơdrong tơ'bôh đơ̆ng Kră Yang.

Luka 11:13

Iĕm bơngai kơnê̆ ră, mă-lei iĕm kư̆m băt chă ăn kơ kon iĕm tơmam sa 'lơ̆ng, pơma kiơ kơ 'Bă bơ̆n tơ plĕnh ti, dah bơ̆n apinh Sư, Sư gô ăn kơ bơ̆n Yang Bơhngol 'Lơ̆ng tơpă.”

Luka 24:49

Inh gô ăn kơ iĕm Yang Bơhngol 'Lơ̆ng kư̆m thoi lĕ 'Bă Inh pơkă wă ăn kơ iĕm mơ̆n. Mă-lei iĕm athei oei tơ Pơlei Jêrusalem khŏm khŏm tơ̆p mă 'bôh Yang Bơhngol 'Lơ̆ng đơ̆ng plĕnh jur tơ iĕm 'mơ̆i, na iĕm jing pran hăm nuih tơpă chă bơtho đe.”

Yo 1:17

Môis ată kơ bơ̆n tơdrong juăt đơ̆ng nơ̆r 'Bok Kei-Dei, na Yêsu Krist pơklaih bơ̆n đơ̆ng tơdrong yoch păng tơbăt ăn kơ bơ̆n tơdrong 'Bok Kei-Dei tơpă.

Yo 14:26

'Bok Dŏng iĕm ei, anăn Sư Yang Bơhngol 'Lơ̆ng, Sư 'noh 'Bă Inh wă wơh Sư jur oei păng iĕm jang tang Inh. Sư gô bơtho iĕm tôm tơdrong păng Sư gô tơ'blŏk ăn kơ iĕm tôm tơdrong mă Inh bơtho iĕm boih.

Yo 15:26

“'Bok Dŏng Mơnat gô truh tơ iĕm, anăn Sư Yang Bơhngol 'Lơ̆ng. Sư tơbăt ăn kơ iĕm tơdrong 'Bok Kei-Dei. Sư gô jur đơ̆ng 'Bă Inh yua kơ Inh wơh Sư đơ̆ng anih 'Bă Inh; na Sư gô bơtho tơdrong Inh.

Yo 3:33

Bơngai bu lui kơ nơ̆r Sư bơtho, bơngai 'noh sư lui kơ 'Bok Kei-Dei pơma sĭt tơpă,

Yo 6:27

Iĕm 'nĕ chă tơmam sa mă jing ôm hach. Iĕm athei adrin chă tơmam sa sot, săt 'lơ̆ng ling-lang, ưh kơ đei layơ ôm hach, wă 'me iĕm arih ling-lang. Tơmam sa ei, Inh mă jur jing kon bơngai, Inh asong ăn kơ lu iĕm. 'Bă Inh 'Bok Kei-Dei pơjao ăn kơ Inh thoi noh păng Sư kư̆m tơbăt ăn kơ kon bơngai tơdrong noh ră mơ̆n.”

Jang 1:4

Hơtai ei lu sư oei akŭm dih băl, Yêsu khă lu sư: “Iĕm 'nĕ tam jăk đơ̆ng Pơlei Jêrusalem, iĕm athei chang gô Yang Bơhngol 'Lơ̆ng mă đêl 'Bă Inh pơkă gô ăn kơ iĕm kư̆m thoi Inh roi kơ iĕm ki.

Jang 13:26

“Ơ lu 'nhŏng oh adrĕch adrung kon sâu Abraham păng lu bơngai tơmoi năm kơkuh kơ 'Bok Kei-Dei, Kră Yang 'Bok Kei-Dei ăn kơ bơ̆n dang ei tơdrong dŏng pơklaih.

Jang 2:33

'Bok Kei-Dei atŏk Yêsu anih gah 'ma kơ Sư. 'Bok Kei-Dei ăn kơ Yêsu Yang Bơhngol 'Lơ̆ng kiơ̆ kơ Sư pơkă. Na Yêsu ăn kơ nhôn Yang Bơhngol 'Lơ̆ng mơ̆n. Yua kơ thoi noh iĕm 'bôh tơdrong mơsêh mơyang hei.

Rom 1:16

Tơdrong 'nao 'lơ̆ng Yêsu Krist kăl tơpă na inh bơtho đe ưh kơ mơlâu. Tơdrong noh tơbăt ăn kơ bơ̆n 'Bok Kei-Dei mơsêh mơyang tơpă pơklaih bơ̆n đơ̆ng tơdrong yoch na ăn kơ bơ̆n oei hiôk hăm Sư. Thoi noh dôm lu bơngai lui kơ tơdrong noh 'Bok Kei-Dei pơklaih ngăl. Lu bơngai Juđê lui hơdrol, đơ̆ng noh lu bơngai nai lui.

Rom 4:11

'Bok Kei-Dei athei Abraham kăt tơdra akar sơ̆, wă kơ tơbăt tơdra tơdrong 'Bok Kei-Dei jô̆ sư bơngai 'lơ̆ng tơpăt yua kơ sư lui păng gơnang kơ 'Bok Kei-Dei tơpă. 'Bok Kei-Dei athei Abraham pơm thoi noh wă kơ Abraham pơm 'bă kơ 'bar khŭl bơngai. Khŭl mă mônh lu bơngai ưh kơ kăt tơdra akar, mă-lei 'Bok Kei-Dei kư̆m jô̆ sư bơngai 'lơ̆ng tơpăt yua kơ lu sư lui păng gơnang kơ 'Bok Kei-Dei tơpă.

Rom 6:17

Sơ̆ iĕm đĭch gah tơdrong yoch ră, mă-lei bơnê kơ 'Bok Kei-Dei pơklaih iĕm rơngei boih yua kơ iĕm lui kơ tơdrong đe bơtho hăm đĭ jơhngơ̆m klơm klak.

II Kor 1:22

Sư ăn Yang Bơhngol 'Lơ̆ng oei hơdai hăm nhôn, dang Sư chơ̆m đŏng yâu Sư tơ akâu nhôn, thoi noh na dôm tơdrong Sư pơkă, nhôn băt kơ gô đei tơpă.

II Kor 6:7

nhôn wă pơma tơpăt ling-lang, gơnang kơ 'Bok Kei-Dei tơgŭm lăm tôm tơdrong. Tơdrong nhôn pơm tơpăt thoi lĕ kơ đe chĕp khêl gah 'ma gah 'ngiĕo wă tơblah, mă nhôn wă blah tŭk dôm tơdrong kơnê̆.

Galati 3:14

Yêsu huai iŏk bơ̆n boih, na mă 'Bok Kei-Dei tơgŭm kơ đĭ-đăng kơ bơ̆n, mă bơngai Juđê, mă bơngai ưh kơ sĭ khŭl Juđê, noh kư̆m thoi Sư pơkă kơ Abraham bơ̆n sơ̆ khan wă tơgŭm bơ̆n, wă khan ăn kơ bơ̆n Yang Bơhngol 'Lơ̆ng dah bu lui păng gơnang kơ Sư.

Êphêsô 4:21

Tơpă đe bơtho iĕm tơdrong Yêsu; dah iĕm lui kơ Yêsu, đe tơbăt kơ iĕm tơdrong Sư.

Êphêsô 4:30

Iĕm 'nĕ kơ pơm kơ Yang Bơhngol 'Lơ̆ng sơ'ngon kơ iĕm, yua kơ Sư oei lăm iĕm, dang Sư chơ̆m đŏng yâu tơ klĕng bơ̆n tơbăt kơ bơ̆n bơngai klaih gơh oei hăm Sư ning-mônh.

I Tes 2:13

Nhôn bơnê kơ 'Bok Kei-Dei yua kơ iĕm mơ̆ng nhôn bơtho tơdrong Sư na iĕm kơnăl kơ tơdrong 'Bok Kei-Dei tơpă, iĕm lui hloi. Iĕm ưh kơ đei tơchĕng khan nhôn bơtho tơdrong kon bơngai đĕch ôh. Nơ̆r 'Bok Kei-Dei boih ăn kơ bơngai bơ̆n lui kơ Sư, hăm ăn jơhngơ̆m bơ̆n pran kơtang jang kơ Sư.

II Tim 2:15

Ơ Timôthê, ih athei adrin jang tơdrong 'Bok Kei-Dei wă kơ Sư lăp đon kơ tơdrong jang ih tơpă. Ih jang thoi noh ih huay kơ mơlâu kơ tơdrong jang ih ôh, yua kơ ih bơtho trŏ tơdrong 'Bok Kei-Dei.

II Tim 2:19

Dôm tơdrong 'Bok Kei-Dei trŏ kơjăp tơpă. Sư pơkă thoi âu: “Inh Kră Yang 'Bok Kei-Dei băt kơnăl kơ đĭ-đăng bơngai lui kơ Inh păng đĭ-đăng bơngai lui kơ Inh sư athei tŭk lê̆ tơdrong yoch.”

II Tim 3:15

Đơ̆ng ih oei iĕ sơ̆ ih pơhrăm sơ̆p hla bơar tơdrong 'Bok Kei-Dei. Sơ̆p hla bơar Sư boih ăn kơ bơ̆n băt tơdrong Sư pơklaih bơ̆n đơ̆ng tơdrong yoch yua kơ bơ̆n lui kơ Kră Yang Yêsu Krist.

Tit 2:11

'Bok Kei-Dei khan tơbăt ăn kơ bơ̆n băt kơ Sư 'mêm mơnat kơ bơ̆n tơpă wă pơklaih đĭ-đăng bơngai đơ̆ng tơdrong yoch.

Hêbrơ 2:3

Mă tơdrong Yêsu Kon 'Bok Kei-Dei kăl hloh kơ noh dơ̆ng. Thoi noh, tơ̆ng bu ưh kơ gơnang kơ Yêsu pơklaih sư, bơngai noh gô đei tơdrong phak tơpă. Tơdrong Kră Yang Yêsu Krist pơklaih bơ̆n, Sư kơdih tơbăt ăn kơ đe sơ̆ na đe tơbăt ăn kơ bơ̆n.

Ya 1:18

'Bok Kei-Dei ăn kơ bơ̆n jing bơngai 'nao Sư wă kơdih đĕch, na Sư ăn kơ bơ̆n kơtơ̆ng tơdrong Sư, lu bơ̆n jing thoi 'ba hrôih kơ lu bơngai nai yua kơ bơ̆n lui hơdrol.

Ya 1:21

Thoi noh na bơ̆n athei lê̆ đĭ dôm tơdrong kơnê̆ 'mê̆-'mach păng chu yom kơ 'Bok Kei-Dei. Bơ̆n athei lui kơ nơ̆r Sư na bơ̆n gơh klaih đơ̆ng tơdrong yoch.

I Pet 2:10

Sơ̆ iĕm ưh kơ trŏ kơ kon Sư ôh, mă-lei dang ei đĭ-đăng kơ bơ̆n jing kon Sư ngăl boih. Sơ̆ 'Bok Kei-Dei kư̆m ưh tam mă tơ'bôh kơ iĕm tơdrong Sư mơnat, mă-lei dang ei iĕm 'bôh nhên boih.

Tơdrông Tơ'bôh 7:2

Đơ̆ng noh inh 'bôh dơ̆ng minh 'nu linh jang 'lơ̆ng nai sư tŏk đơ̆ng gah hơlĕch chĕp đŏng yâu wă chơ̆m tơ klĕng lu bơngai lui kơ 'Bok Kei-Dei, 'Bok mă arih ling-lang. Na linh jang noh pơma 'bơ̆r re kơ lu linh jang 'lơ̆ng nai mă dơ̆ng tơ puăn pah mum teh đak mă 'Bok Kei-Dei ăn pơrăm teh, đak dơsĭ, lu 'long noh, khan: