Da 9:7 - Sơ̆p Hlabơar Nơ̆r 'Bok Kei-Dei

⁷ Ơ Kră Yang 'Bok Kei-Dei, Ih 'lơ̆ng tơpă, gah nhôn đei tơdrong mơlâu, thoi năr âu; tơdrong noh gom lê̆ lu bơngai Juđa, kon pơlei Jêrusalem, kơ đĭ-đăng lu bơngai Isơrael oei jê̆, oei ataih, tơ lăm jơ̆p kơ teh đak mă Ih pơm ăn kơ lu sư tơklah tơklang, yua kơ tơdrong lu sư yoch hăm Ih.

Da 9:7 Iomraidhean Croise

Esơra 9:13

Na đơ̆ng rŏng kơ tơdrong truh phak lu nhôn, noh yua kơ đơ̆ng tơdrong lu nhôn pơm yoch tih dêh, Ih 'bôh ơ Kră Yang 'Bok Kei-Dei lu nhôn! Tơpă Ih ưh kơ wă phak lu nhôn trŏ thoi tơdrong yoch lu nhôn đei pơm ôh păng ăn kơ lu nhôn oei klaih klăi thoi âu;

Esơra 9:15

Ơ Kră Yang Kră Yang 'Bok Kei-Dei đe Isơrael! Ih boih tơm tơdrong 'lơ̆ng tơpăt; yua kơ lu nhôn, mă oei arih gơh klaih, thoi đei 'bôh dang ei; 'nâu lu nhôn oei 'bơ̆t anăp Ih, pơm lơ tơdrong yoch; yua kơ noh, ưh kơ đei bu kĕ dơ̆ng ôh 'bơ̆t anăp Ih.”

Ne 9:33

Lăm dôm tơdrong truh kơ lu nhôn, Ih oei tơpăt hơnơ̆ng đĕch; yua kơ Ih pơm trŏ tơpă, gah lu nhôn pơm tơdrong kơnê̆.

Horiso 119:137

Ơ Kră Yang, Ih 'lơ̆ng tơpăt, Tơdrong Ih sek tơlang tơpăt.

Horiso 44:15

Tơdrong mơlâu 'bơ̆t anăp inh rim năr. Tơdrong mơlâu gom đĭ muh măt inh,

Horiso 51:14

Ơ Kră Yang 'Bok Kei-Dei, jơ̆ Kră Yang 'Bok Kei-Dei dŏng pơklaih inh, Apinh ih pơklaih inh đơ̆ng tơdrong tơlĕch pham, Noh na hơpiĕt inh gô hơri bơnê kơ Kră Yang 'lơ̆ng tơpăt.

Horiso 51:4

Inh pơm yoch boih hăm Ih. Lăp minh 'nu Ih đĕch, păng pơm kơnê̆ boih 'bơ̆t anăp Ih. Ih tơpăt, mưh Ih sek tơdrong păng trŏ 'lơ̆ng dah Ih sek tơlang.

Êsai 11:11

Lăm năr noh kơnh, Kră Yang gô yơ̆r ti Sư pă minh 'măng dơ̆ng wă huai iŏk kon pơlei Sư mă oei đei đơ̆ng lăm teh đak Asiri, Êyiptơ, Patrôs, Êthiôpi, Êlam, Sinar, Hamat păng đơ̆ng lu bŏl đak dơsĭ.

Êsai 45:16

Đĭ-đăng lu bơngai pơm man rup yang lu sư gô mơlâu păng rŭng răng, lu sư mơlâu dêh kơdâu weh đĭ.

Je 12:1

Ơ Kră Yang, Ih jơ̆ 'lơ̆ng tơpăt mưh inh roi tơdrong inh kơ Ih. Mă-lei inh oei wă pơma hăm Ih trŏ tơdrong tơpăt Ih: Liơ trong lu bơngai kơnê̆ oei hiôk-hian, liơ tơdrong jang lu bơngai hơlĕnh pơdăr oei mơdrŏng?

Je 23:6

Lăm chăl Sư pơgơ̆r khŭl bơngai Juđa gô đei dŏng pơklaih; păng bơngai Isơrael đei arih hiôk hơđơ̆ng. 'Nâu anăn đe gô krao Sư: ‘Kră Yang boih 'lơ̆ng tơpăt lu nhôn.’ ”

Je 24:9

Inh gô pơm ăn kơ đĭ-đăng dêh char lăm teh đak lăng 'brơ̆ krưp kơ lu sư. Lăng lu sư đei đe blei hiap, đe pơ'brơh, đe pơjăm pơjuă, tơ jơ̆p lăm dêh char mă Inh đei pơpuh lu sư tơ noh.

Je 3:25

Ăn kơ nhôn oei 'bĭch lăm tơdrong mơlâu lu nhôn păng pŭ iŏk tơdrong đe pơjăm lu nhôn! Lu nhôn păng 'bok yă lu nhôn đei pơm yoch boih hăm Kră Yang 'Bok Kei-Dei lu nhôn, đơ̆ng oei 'lơ̆p sơ̆ khơ̆ dang ei; lu nhôn ưh kơ chu kiơ̆ nơ̆r Kră Yang 'Bok Kei-Dei lu nhôn.”

Je 32:32

Tơdrong yoch kơnê̆ mă kon sâu Isơrael păng kon sâu Juđa pơm boih wă kơ tơblĕk Inh, đei lu sư, lu pơtao, lu yŏng pơgơ̆r, lu 'bok soi, lu bơngai khan lê̆ adrol lu sư, hơdai hăm lu bơngai Juđa păng kon pơlei Jêrusalem.

Je 33:16

Lăm lu năr noh; adrĕch Juđa gô đei dŏng pơklaih; Jêrusalem gô oei hiôk-hian păng gô krao anăn Kră Yang boih tơpăt hơnơ̆ng lu nhôn.’ ”

Je 4:17

Lu sư wang pơlei Jêrusalem kơjăp đơ̆ng puăn pah thoi đe wei mir chŭn; Yua kơ pơlei âu iung blah Inh,” Kră Yang khan.

Je 7:19

Kră Yang khan: “Hăm trŏ lu sư tơblĕk Inh? Hăm trŏ lu sư pơjĭ lu sư kơdih, pŭ iŏk tơdrong mơlâu kơdih?”

Êsêkiên 16:63

Na ih gô 'blŏk păng mơlâu kơplah Inh đei mơnat ăn tôm tơdrong mă ih đei pơm, ih pă gơh ha 'bơ̆r pơma dơ̆ng yua kơ mơlâu, Kră Yang tih hloh khan thoi noh.”

Êsêkiên 36:31

Mă-lei lu iĕm gô 'blŏk kơ tơdrong kơnê̆ iĕm păng tơdrong iĕm pơm ưh kơ 'lơ̆ng. Tơpă lu iĕm gô lăng areh krưp kơdih akâu yua kơ tơdrong yoch păng tơdrong kơnê̆ krưp lu iĕm pơm.

Êsêkiên 5:10

Na lăm ih mĕ 'bă gô 'buh sa kon lu sư păng lu kon sư gô 'buh sa mĕ 'bă lu sư. Inh gô sek tơlang ih păng lu bơngai mă oei oei, Inh gô ăn kơ lu sư tơklah tơklang tơ jơ̆p-jang kơ teh.

Êsêkiên 6:12

Lu bơngai oei ataih gô lôch kơ jĭ hơbuh. Lu bơngai oei jê̆ gô pơ̆k răm kơ đao, lu bơngai oei arih, gô lôch kơ pơngot rơwĕt Thoi noh Inh gô ăn truh tơdrong Inh hil mĭl kơ lu sư.

Da 9:14

Yua kơ tơdrong noh, Kră Yang lăng păng tơjur ăn tơdrong gleh noh tơ lu nhôn; yua kơ Kră Yang 'Bok Kei-Dei lu nhôn tơpăt lăm tơdrong Sư pơm, mă-lei lu nhôn ưh kơ mơ̆ng kiơ̆ nơ̆r Sư.

Da 9:18

Ơ Kră Yang 'Bok Kei-Dei inh, apinh Ih pơgling đon păng mơ̆ng. Apinh Ih lar măt lăng bĕ dôm anih juơ juŏ lu nhôn păng pơlei mă krao anăn Ih! Ưh kơ sĭ gơnang kơ tơdrong tơpăt nhôn kơdih na krao apinh Ih, mă-lei gơnang kơ đơ̆ng tơdrong Ih 'mêm mơnat kơ đĭ-đăng.

Da 9:8

Ơ Kră Yang 'Bok Kei-Dei, gah lu nhôn, gah lu pơtao, lu kuan tih, lu 'bok yă nhôn, đei tơdrong mơlâu, lu nhôn đei pơm yoch hăm Ih.

Am 9:9

Yua kơ thoi noh, inh gô tơtă athei păng gô săi adrĕch Isơrael tơ rim adrĕch drung thoi đe um 'ba hăm kơđum, mă-lei ưh kơ đei minh găr iĕ ayơ huŏng tơ teh.

Rom 6:21

Tơdrong iĕm pơm yoch sơ̆ ưh kơ đei tơgŭm iĕm minh tơdrong kiơ ôh. Dang ei iĕm băt mơlâu kơ tơdrong yoch iĕm sơ̆ boih; tơdrong bơ̆n pơm yoch bơ̆n gô lôch hiong đĕch.

Both 32:4

Kră Yang thoi Tơmo Tih 'lơ̆ng tôm; lu tơdrong Sư jang keh dang 'lơ̆ng tôm, trong Kră Yang tơpăt hơnơ̆ng. Sư boih Kră Yang 'Bok Kei-Dei sĭt, 'lơ̆ng tơpăt ưh kơ đei hơlĕnh. Sư tơpăt ling-lang 'lơ̆ng hơnơ̆ng.

Both 4:27

Kră Yang gô pơm kơ iĕm tơklah tơklang jơ̆p kơ teh đak đe, oei pă tŏ sĕt đĕch mă tơ anih Kră Yang puh lu iĕm.