Da 9:3 - Sơ̆p Hlabơar Nơ̆r 'Bok Kei-Dei

³ Inh lăng tơ Kră Yang 'Bok Kei-Dei, noh Kră Yang 'Bok Kei-Dei, inh krao khan, hơpơi apinh păng ơ̆t kơ sŏng sa, hrŭk ao 'bi, pung tơnuh tơ kơ̆l na krao chă.

Da 9:3 Iomraidhean Croise

II Sam 12:16

Đawit krao khan apinh Kră Yang 'Bok Kei-Dei pơklaih nge noh, păng sư ơ̆t kơ sŏng sa; sư mơ̆t tơ lăm anih 'bĭch tơ teh prăt măng.

Esơra 10:6

Đơ̆ng noh Esơra iung weh đơ̆ng anih 'bơ̆t anăp lăm hnam Kră Yang 'Bok Kei-Dei, na mơ̆t lăm anih Jêhôhanan, kon drŏ-nglo Êliasip; sư mơ̆t 'bĭch kơmăng tơ noh ưh kơ đei sŏng sa păng nhă đak ôh, yua kơ sư ơh sơ'ngon, yua kơ tơdrong yoch đe kon pơlei mă đe đei rôp pơm bơnă mă đei wih brŏk.

Esơra 8:21

Tơ jê̆ đak krong Ahawa, inh athei đĭ-đăng ơ̆t kơ sŏng sa, wă kơ bơ̆n drap kơkuh 'bơ̆t anăp Kră Yang 'Bok Kei-Dei lu bơ̆n, krao apinh sư tơ'bôh ăn kơ bơ̆n kon sâu lu bơ̆n păng tơmam bơ̆n đei hiôk-hian kơplah bơ̆n yak rok trong.

Esơra 9:5

Truh tơ jơ pơyơ̆r tơmam soi kơsơ̆, inh iung đơ̆ng anih jơhngơ̆m mơlâu ơh sơ'ngon; ao lăm păng ao đaih inh hek hiah đĭ; inh hơtơ̆p kŭl-tăng, inh yơ̆r ti gah Kră Yang 'Bok Kei-Dei inh,

Ne 9:1

Năr 'bar-jĭt puăn lăm khei noh, kon pơlei Isơrael akŭm ơ̆t kơ sŏng sa asu 'bi păng pung 'mui teh tơ kơ̆l lu sư.

Esther 4:16

Akŭm đĭ-đăng lu adrĕch bơngai Juđa tơ pơlei Susa bĕ, đơ̆ng noh athei ơ̆t kơ sŏng sa lăm pêng năr yua kơ inh, 'nĕ sŏng sa, kư̆m 'nĕ kơ nhă đak. Inh hăm lu bơngai awih awăn tơgŭm inh kư̆m ơ̆t kơ sŏng sa mơ̆n. Thoi noh inh gô mơ̆t tơ anih pơtao, mă khan pơm glăi kơ tơdrong juăt bưh mơ̆n. Tơdah trŏ kơ lôch lei inh lôch.

Jop 42:6

Yua kơ thoi noh, inh mơlâu dêh kơ tơdrong inh pơma păng apinh tơbral lăm 'mui tơnuh.

Horiso 35:13

Gah inh 'bơ̆t năr sư jĭ, inh hrŭk 'bi. Ơ̆t kơ por pơmat akâu inh Nơ̆r inh krao khan ưh kơ đei tơl tơwih.c

Êsai 22:12

Lăm năr noh Kră Yang Tih Hloh krao lu iĕm athei nhơ̆m hmoi, ơh sơ'ngon, hơkôih sŏk, hrŭk ao 'bi.

Je 33:3

Krao apinh Inh bĕ, Inh gô tơl tơwih; Inh gô tơ'bôh ăn kơ ih tơdrong tih jrŭ păng tơnat kơ hlôh, dôm tơdrong mă ih ưh tam mă băt.”

Êsêkiên 36:37

Kră Yang khan thoi âu: “Inh kư̆m ăn kơ adrĕch adrung Isơrael chă apinh Inh tơdrong 'nâu, ăn kơ lu sư rai lơ kơdrâ̆m thoi khŭl triu,

Da 6:10

Kơplah Đaniel kơtơ̆ng tơdrong pơkăm noh pơtao kĭ anăn sư boih, na sư brŏk tơ hnam sư, lu 'măng-'mŏk iĕ gah Jêrusalem sư pơih đĭ. 'Bơ̆t noh, kư̆ rim năr pêng wơ̆t, sư hơtơ̆p kŭl-tăng krao khan, kơkuh bơnê kơ Kră Yang 'Bok Kei-Dei sư. Sư kư̆m pơm thoi sư juăt kơ pơm ki hmă.

Da 9:2

lăm sơnăm blŭng-a sư pơgơ̆r dêh char sư, inh, Đaniel, dơ̆ng lăm sơ̆p hla bơar băt kơ dôm sơnăm mă nơ̆r Kră Yang đei khan kơ Jêrêmi bơngai yŏng khan lê̆ adrol, wă kơ 'blep trŏ kơ pơlei Jêrusalem gô juơ lăm tơpơh-jĭt sơnăm.

Da 9:20

Inh oei pơma păng krao apinh, tơbral tơdrong yoch inh păng tơdrong yoch kon pơlei Isơrael inh păng inh pơyơ̆r nơ̆r krao apinh inh 'bơ̆t anăp Kră Yang 'Bok Kei-Dei inh, yua kơ kông rơgoh Kră Yang 'Bok Kei-Dei inh;

Da 9:4

Thoi noh, na inh krao khan kơ Kră Yang 'Bok Kei-Dei inh păng inh tơbral yoch inh hăm Sư. Thoi âu: Ơ! Kră Yang 'Bok Kei-Dei Tih hloh, trŏ kơ hli krưp! Ih mă oei răk dôm nơ̆r đêl pơkă păng tơdrong 'mêm mơnat kơ lu bơngai mă 'mêm kơ Ih păng lu bơngai oei răk khôi juăt Ih.

Jôel 1:13

Ơ lu 'bok soi, hrŭk bĕ ao 'bi na nhơ̆m hmoi. Ơ lu bơngai mă bơ̆jang 'bơ̆t chơnang soi, nhơ̆m hmoi bĕ. Ơ lu bơngai mă jang kơ Kră Yang 'Bok Kei-Dei, hrŭk hơbĕn ao 'bi hiah na tep om prăt măng, yua kơ tơmam soi phe 'ba, păng tơmam soi huch pă đei bơih lăm hnam Kră Yang 'Bok Kei-Dei lu iĕm!

Jôel 2:12

Mă-lei Kră Yang khan: “Dang ei iĕm athei wih brŏk tơ Inh, hăm đĭ jơhngơ̆m lu iĕm, hăm tơdrong ơ̆t por, hăm tơdrong ơh sơ'ngon nhơ̆m hmoi.

Jôna 3:5

Kon pơlei Niniwe lui kơ Kră Yang 'Bok Kei-Dei. Lu sư roi tơbăt athei hrŭk ao 'bi na ơ̆t kơ sŏng sa, iŏk đơ̆ng bơngai pơm tih yŏng mơng truh tơ lu kon pơlei hmă.

Mathiơ 17:21

Na gah tơdrong yang kơnê̆ thoi âu, dah bơ̆n ưh kơ krao khan kơ Kră Yang 'Bok Kei-Dei hơdrol păng ưh kơ ơ̆t kơ por, mă bơ̆n pơpuh lap đĕch, sư ưh kơ chu kơdâu ôh.

Luka 2:37

Na sư adro oei oăi minh drô̆ truh kơ sư tơhngam-jĭt puăn sơnăm boih. Na sư ưh pă đei lĕch ngôi đơ̆ng hnam akŭm 'Bok Kei-Dei tơm boih. Sư oei lăm noh, sư ơ̆t kơ por krao khan măng năr.

Jang 10:30

Na 'bok Kôrnei khan kơ Pêtrôs: “Puăn năr kơ âu boih, dang jơ âu mơ̆n, pêng jơ kơsơ̆, inh oei lăm hnam inh âu, krao khan kơ Kră Yang 'Bok Kei-Dei. Na inh 'bôh hloi minh 'nu bơngai hrŭk ao kok hơdah, sư dơ̆ng 'bơ̆t anăp inh.