Da 9:2 - Sơ̆p Hlabơar Nơ̆r 'Bok Kei-Dei

² lăm sơnăm blŭng-a sư pơgơ̆r dêh char sư, inh, Đaniel, dơ̆ng lăm sơ̆p hla bơar băt kơ dôm sơnăm mă nơ̆r Kră Yang đei khan kơ Jêrêmi bơngai yŏng khan lê̆ adrol, wă kơ 'blep trŏ kơ pơlei Jêrusalem gô juơ lăm tơpơh-jĭt sơnăm.

Da 9:2 Iomraidhean Croise

II Ho 36:21

Tơdrong 'nâu truh wă pơsĭt kơ nơ̆r Kră Yang khan mă đơ̆ng Jêrêmi 'bok khan lê̆ adrol roi tơbăt. Dĭng truh tơ dêh char đei pơdơh lu sơnăm Sa'bat kiơ̆ kơ Kră Yang 'Bok Kei-Dei đei pơkă boih, đĭ-đăng lăm dêh char pơdơh sơnăm Sa'bat tơtŭng rơhiăng đĭ juơ, dĭng truh tơ tôm tơpơh-jĭt sơnăm.

Esơra 1:1

Sơnăm blŭng-a lăm chăl Sirus, pơtao pơgơ̆r dêh char Phersia, Kră Yang wă pơsĭt nơ̆r Sư đei yua 'bơ̆r Jêrêmi đei khan, na Sư pơm ăn kơ jơhngơ̆m Sirus, pơtao Phersia ră roi jơ̆p-jang kơ teh đak sư kơdih păng kư̆m đei chih hla bơar tơjur nơ̆r sư thoi âu:

Horiso 119:24

Dôm nơ̆r Ih tơpăt, jơ̆ nơ̆r mă inh lăp đon, Lu nơ̆r noh boih tơ'bôh tơbăt ăn kơ inh.

Êsai 64:10

Lu pơlei rơgoh Kră Yang đĭ jing char glă; Siôn đĭ jing char glă, Jêrusalem đĭ jing bri juơ.

Je 1:1

Nơ̆r Jêrêmi kon drŏ-nglo Hilkia. Sư minh lăm lu 'bok soi oei tơ pơlei Anathôt, lăm char Bênjamin.

Je 25:18

Pơlei tih Jêrusalem păng lu pơlei lăm char Juđa, ăn kơ lu pơtao lu yŏng pơgơ̆r, pơm ăn kơ lu sư răm jing rơ̆m rĕk, đe pơjăm đe blei hiap, đe lăng lu sư 'brơ̆ krưp thoi hrei 'nâu.

Je 26:18

Mika pơlei Môrêsêt, bơngai khan lê̆ adrol lăm chăl Hesekia, pơtao đe Juđa, kư̆m đei khan lê̆ adrol hăm lu bơngai Juđa: ‘Kră Yang Tih Hloh khan: Siôn đe gô choh rơuơ thoi chŭn, Jêrusalem gô pơchah răm jing juơ, păng kông đe man hnam akŭm jing bri kơdrơ̆ng.’

Je 26:6

na Inh gô pơm ăn kơ hnam akŭm âu thoi Inh đei pơm boih kơ pơlei Silô, na đĭ-đăng dêh char lăm teh gô hiap pơlei Inh âu.

Je 27:7

Đĭ-đăng bơngai lăm dêh char gô chu yom kơ sư, kơ kon, kơ sâu sư dĭng truh kơ năr lu dêh char păng lu pơtao tih mơng gô rôp sư pơm đĭch.’ ”

Je 29:10

Kră Yang khan: “Layơ tôm tơpơh-jĭt sơnăm ăn kơ Babilôn pơgơ̆r, Inh gô năm hơpong tơ lu iĕm, Inh gô pơm trŏ thoi nơ̆r pơkă 'lơ̆ng rŏ Inh, gô chông ba lu iĕm brŏk tơ teh đak âu.”

Je 7:34

Inh gô pơtôch ưh pă đei kơtơ̆ng nơ̆r hiĕk chơt hiôk năr pơkong klo kăn, tơ lăm pơlei tih Juđa păng tơ rok trong tih pơlei Jêrusalem yua kơ lăm dêh char răm đĭ jing juơ.”

Nhom 1:1

Ơu, pơlei tih âu sơ̆ đei lơ kon pơlei dêh, to dang ei ngôi hơdrô̆! Sơ̆ pơm tih kơ lu kon pơlei, 'nâu dang ei thoi yă adro! Sơ̆ lu drŏ-kăn jing yŏng tơ'ngla kơ lu tơring, dang ei jing đĭch đam!

Êsêkiên 29:11

Ưh pă đei tơpang jơ̆ng bu yak rok noh, kư̆m pă đei jơ̆ng sem bri yak năm trong noh, kư̆m ưh pă đei kon pơlei oei tơ noh dơ̆ng, lăm puăn-jĭt sơnăm.

Da 9:3

Inh lăng tơ Kră Yang 'Bok Kei-Dei, noh Kră Yang 'Bok Kei-Dei, inh krao khan, hơpơi apinh păng ơ̆t kơ sŏng sa, hrŭk ao 'bi, pung tơnuh tơ kơ̆l na krao chă.

Mi 3:12

Thoi noh yua kơ lu iĕm, Siôn đe gô choh rơuơ thoi chŭn. Jêrusalem gô pơchah pơchek jing rơ̆m rĕk kông hnam yang jing thoi bri brah!

Sa 1:12

Đơ̆ng noh linh jang Kră Yang khan: “Ơ Kră Yang Tih hloh! Ih gô ưh pă 'mêm kơ pơlei Jêrusalem păng lu pơlei lăm char Juđa dĭng truh dang yơ? Noh boih lu pơlei tih mă Ih đei hil kơ lu sư tơpơh-jĭt sơnăm kơ âu?”

Sa 7:5

“Khan bĕ kơ đĭ-đăng kon pơlei oei kơpal teh păng lu 'bok soi thoi âu: ‘Lu iĕm nhơ̆m hmoi, ơ̆t kơ por lăm khei pơđăm, khei tơpơh, đei tơpơh-jĭt sơnăm kơ 'nâu, hăm trŏ yua kơ inh, iĕm ơ̆t kơ sŏng sa noh?

Mathiơ 24:15

“Ning-mônh iĕm gô 'bôh lu bơngai kơnê̆ wă pơrăm kon bơngai gô truh, lu sư oei tơ anih đe kơ̆m kơ oei. Đaniel bơngai pơtruh nơ̆r 'Bok Kei-Dei sơ̆ sư kư̆m roi tơdrong noh mơ̆n. Na bu đŏk lăng hla bơar âu đon sư athei pơwao kơdih.

Markôs 13:14

“Ning-mônh iĕm gô 'bôh lu bơngai kơnê̆ wă pơrăm kon bơngai gô truh, lu sư oei tơ anih đe kơ̆m kơ oei. Na bu đŏk lăng hla bơar âu đon sư athei pơwao kơdih. Lu iĕm bơngai mă oei tơ dêh Juđê 'bôh thoi noh iĕm athei jăk tơ kông ataih đơ̆ng lu sư hloi.

Jang 8:34

Na bơngai wei jên yă pơtao ei jet Philip: “'Bok pơtruh nơ̆r 'Bok Kei-Dei ei sơ̆ roi tơdrong sư kơdih dah roi tơdrong đe?”

I Tim 4:13

Inh wă kơ ih pơm thoi âu khŏm khŏm tơ̆p mă inh truh tơ ih tơ âu: Lăm iĕm akŭm dih băl ih kư̆ kơ đŏk sơ̆p hla bơar 'Bok Kei-Dei, ih kư̆ kơ bơtho tơdrong 'Bok Kei-Dei đĕch.

Tơdrông Tơ'bôh 1:3

Bơngai bu đŏk ăn kơ đe tơdrong 'Bok Kei-Dei âu, bơngai noh sư hiôk boih. Bơngai mă mơ̆ng păng răk dôm nơ̆r pơma lăm hla bơar âu sư kư̆m hiôk mơ̆n, yua kơ ưh pă đunh boih 'Bok Kei-Dei wă tơ'bôh kơ kon bơngai dôm tơdrong Sư mă khan lê̆ adrol âu.