Da 9:12 - Sơ̆p Hlabơar Nơ̆r 'Bok Kei-Dei

¹² Ih pơsĭt kơ nơ̆r mă pơm tơwih kơ lu nhôn, kơ lu 'bok sek tơlang, đei sek tơlang boih kơ lu nhôn mă đei hlôi tơdrong răm truh kơ lu nhôn yua kơ jơ̆p teh đak tam mă đei tơdrong phak thoi noh, mă đei phak Jêrusalem.

Da 9:12 Iomraidhean Croise

I Pot 3:9

Thoi noh apinh Ih ăn kơ inh mă đĭch đam Ih âu tơdrong gơh hơgei, wă kơ gơh sek tơlang tơdrong kon pơlei pơla ih, wă kơ inh băt kơnăl tơdrong 'lơ̆ng, tơdrong kơnê̆; yua kơ bu gơh kĕ sek tơlang kơ lu kon pơlei pơla lơ dêh 'nâu?”

II Pot 22:16

Kră Yang khan: “Inh gô ăn tơdrong răm tih truh 'bơ̆t anih 'nâu păng truh kơ kon pơlei lăm noh hai, thoi nơ̆r đơ̆ng sơ̆p hla bơar mă pơtao đe Juđa hlôi đŏk noh.

Jop 12:17

Sư rôp anhăk phak lu bơngai pơthơr pơm tơdrong kơnê̆. Pơm ăn kơ lu 'bok sek tơlang jing kơtul kơwao.

Horiso 148:11

Lu pơtao lăm teh đak păng đĭ-đăng adrĕch hơdrŭng kon bơngai. Lu kon pơtao păng đĭ-đăng lu Kră pơgơ̆r lăm teh đak.

Horiso 2:10

Thoi noh, ơ lu pơtao, tơchĕng bĕ mă hơgei; Ơ kră Pơgơ̆r lăm teh đak, athei bơtho tơ'bôh bĕ.

Tơdrông Pơđơk 8:16

Đơ̆ng Inh, na đei lu yŏng gơh pơgơ̆r păng lu yŏng wei-lăng teh đak.

Êsai 43:28

Yua kơ noh na Inh gô pơm kơ lu 'bok soi tơm iĕm oei lăm anih 'lơ̆ng rơgoh gô mơlâu, Inh gô ăn kơ đe pơrăm Jakôp păng pơjăm lu bơngai Isơrael.

Êsai 44:26

Kră Yang pơsĭt nơ̆r lu đĭch đam sư pơma, păng pơsĭt trŏ hloi dôm nơ̆r lu bơngai pơtruh nơ̆r Sư; pơma gah pơlei Jêrusalem khan: “Gô đei bơngai oei lăm noh” păng pơma gah lu pơlei Juđa khan: “Gô pơjing ming,” Inh gô tơiung ming dơ̆ng lu anih đĭ juơ.

Je 30:7

Ô! Năr noh kơnê̆ krưp tih tơpă, mă ning-mônh kư̆m ưh kơ đei năr kơnê̆ dêh thoi noh. Noh boih năr truh răm kơ Jakôp! Mă-lei Inh gô dŏng lu sư klaih đơ̆ng noh.”

Je 32:23

Lu sư iŏk boih teh đak âu jang sa mă-lei ưh kơ chu kiơ̆ nơ̆r Ih, ưh kơ arih kiơ̆ tơdrong juăt Ih păng ưh kơ pơm dôm tơdrong kiơ mă Ih đei bơtho tơtă wă kơ pơm. Yua kơ thoi noh na Ih đei ăn tơdrong gleh âu truh tơ lu sư.

Je 39:16

“Ih năm khan bĕ kơ Êbet Mêlek, bơngai Êthiôpi: Kră Yang Tih Hloh 'Bok Kei-Dei Isơrael, khan: 'Nâu Inh gô pơrăm ưh kơ trŏ ăn pŭn hiôk ôh kơ pơlei âu kiơ̆ thoi nơ̆r Inh đei pơkă boih. Kơplah ei kơnh ih gô 'bôh tơm măt.’ ”

Je 44:23

Noh yua kơ đơ̆ng lu iĕm soh nhang kơ yang nai, pơm kơnê̆ blah Kră Yang, yua kơ đơ̆ng lu iĕm ưh kơ wă mơ̆ng kiơ̆ nơ̆r Kră Yang, ưh kơ kiơ̆ khôi juăt, tơdrong juăt păng ưh kơ wă chu kiơ̆ nơ̆r Sư bơtho khan, lei na đei tơdrong gleh truh kơ lu iĕm, thoi năr 'nâu.”

Nhom 1:12

Ơ lu bơngai chă yak drong găn, bơ̆n hăm pă tơ'bưh hah? Lăng bĕ hăm tơdrong kiơ ơh sơ'ngon; Hli kơ thoi inh đei ơh sơ'ngon. Mă? Kră Yang đei pơm pơmat inh boih; Lăm năr Sư hil.

Nhom 2:13

Liơ inh gơh pơting hăm iĕm, Wă kơ gơh pơlung iĕm; Ơ kon adruh pơlei Siôn? Yua kơ rơka lu iĕm jrŭ thoi đak dơsĭ. Bu wă gơh ming klaih?

Nhom 2:17

Kră Yang pơm boih dôm đêl sư pơkă, Pơm keh boih mă sư kơdih đei khan lê̆; thoi sư đei pơkă lê̆ đunh boih. Sư tơhuŏng lê̆ iĕm ưh pă đei mơnat boih, Đei ăn boih kơ lu ayăt chơt hiôk, yua kơ iĕm, pơm ăn hơke lu ayăt tưk kơjung.

Nhom 4:6

Tơdrong yoch kon drŏ-kăn pơlei inh tih hloh kơ tơdrong yoch Sôđôm. Pơlei tih mă pơchah 'bônh lăm minh phŭt, ưh kơ đei bu yơ̆r ti tơgŭm sư.

Êsêkiên 13:6

Lu sư 'bôh tơdrong tơ'bôh hơlĕnh păng pơm pơjâu tơwir ưh kơ trŏ; lu sư khan Kră Yang khan thoi âu, mă-lei Kră Yang ưh kơ đei wơh lu sư; na lu sư hơpơi wă kơ nơ̆r lu sư khan noh gô đei sĭt.

Êsêkiên 5:9

Yua kơ tơdrong kơnê̆ krưp ih, na Inh gô pơm kơ ih minh tơdrong mă Inh ưh tam mă pơm đơ̆ng sơ̆ păng ning-mônh Inh ưh pă pơm dơ̆ng.

Da 12:1

Lăm chăl noh, Mikael, Linh jang tih, noh boih yŏng wă iung wei kơ kon pơlei ih. Kơplah noh gô đei tơdrong gleh truh, iŏk đơ̆ng đei pơjing dêh char truh tơ dang ei tam mă đei tơdrong truh tih thoi noh. Dang ei lăm lu kon pơlei ih, dôm lu bơngai mă đei chih măt lăm sơ̆p hla bơar noh gô klaih păng arih ling-lang.

Jôel 2:2

Wă khan năr măng klăm măng mu gueo, năr hơmơ̆l găm păng tŭk hơ'bơ̆l gom kông. Đei minh adrĕch adrung tih păng pran kơtang truh thoi hơdah pơgê hrôih pơchrang jơ̆p kơpal kông. Đơ̆ng sơ̆ tam biơh đei, mă truh tơ ning-mônh kư̆m ưh kơ đei lu adrĕch bơngai thoi lu sư noh.

Am 3:2

Lăp minh adrĕch adrung lu iĕm đĕch lăm teh đak âu Inh băt lei na inh gô bơtho pơjĭ yua kơ tơdrong kơnê̆ iĕm pơm.

Sa 1:6

Na dôm nơ̆r Inh pơma păng khôi juăt Inh đei tơtă kơ lu đĭch đam inh bơngai khan lê̆ adrol ưh tam mă truh tơ lu 'bok yă iĕm hă? Na lu yă 'bok iĕm wih tơbral khan thoi âu: ‘Bơ̆n pơm ưh kơ lăp kơ Kră Yang Tih Hloh na Sư phak bơ̆n boih kư̆m kiơ̆ thoi Sư đei pơkă.’ ”

Sa 1:8

Kơmăng inh 'bôh; thoi 'nâu đei minh 'nu bơngai hao aseh hŭng dơ̆ng 'bơ̆t tơm 'long pơgang tơ anih ala sŭng păng đơ̆ng rŏng kơ sư đei lu aseh hŭng, aseh hơi, aseh hak.

Sa 7:12

Lu sư pơm kơ jơhngơ̆m lu sư arăng thoi tơmo jơmŏng kuă kơ mơ̆ng khôi juăt mă Kră Yang Tih Hloh đei ăn boih Yang Bơhngol Sư yua lu 'bok khan lê̆ adrol kră sơ̆ mă Sư đei wơh; yua kơ thoi noh na đei tơdrong hil tih dêh đơ̆ng Kră Yang Tih Hloh.

Mathiơ 24:21

yua kơ năr noh kơnh đei tơdrong anat anot tih hloh kơ đơ̆ng năr 'Bok Kei-Dei pơjing plĕnh teh sơ̆ khơ̆ dang ei. Mă-lei đơ̆ng rŏng kơ noh kư̆m huay kơ mah dang noh mơ̆n.

Mathiơ 5:18

Inh khan kơ iĕm tơpă, tơdrong juăt Môis oei oei ling-lang mă truh năr tôch ning-mônh ưh kơ đei hiong minh apăk dah minh nơ̆r ôh.

Markôs 13:19

yua kơ kơplah ei kơnh gô đei tơdrong tơblah tih hloh kơ đơ̆ng năr 'Bok Kei-Dei pơjing plĕnh teh sơ̆ khơ̆ dang ei. Mă-lei đơ̆ng rŏng kơ noh kư̆m huay kơ mah dang noh mơ̆n.

Luka 21:22

Năr noh kơnh trŏ kơ năr 'Bok Kei-Dei wă phak lu bơngai Juđê thoi sơ̆p hla bơar 'Bok Kei-Dei khan mă đơ̆ng sơ̆, gô trŏ kơ năr noh tơpă.

Rom 15:8

Yêsu Krist iŏk tơdrong pơmat-tat wă tơgŭm lu bơngai Juđê, wă kơ lu bơngai Juđê băt tơdrong 'Bok Kei-Dei pơma tơpăt pơkă kơ lu yă 'bok sư sơ̆ khan wă tơgŭm lu bơngai Juđê.