Da 8:8 - Sơ̆p Hlabơar Nơ̆r 'Bok Kei-Dei

⁸ Bơbe bram pơm kơ akâu sư rai tih; mă-lei lăp sư pran dêh boih, hơke sư mă tih noh tơgơ̆ păng tơ đêl anih hơke tơgơ̆ noh chăt dơ̆ng puăn tŏ hơke plơ̆ng, puăn tŏ hơke noh chăt pơdơ̆ng tơklă tơ puăn trong kial tơ plĕnh.

Da 8:8 Iomraidhean Croise

II Ho 26:16

Wă sư pran kơtang boih jơhngơ̆m sư pơang truh tơ sư pơm yoch, pơm glăi hăm Kră Yang 'Bok Kei-Dei sư kơdih; sư mơ̆t lăm hnam Kră Yang, soh tơmam 'bâu phu 'bơ̆t chơnang 'bok soi juăt kơ soh tơmam 'bâu phu.

Esther 9:4

Yua kơ Morđêkai pơm tih lăm hnam pơtao, đe ư-ang anăn sư jơ̆p-jang kơ dêh char; yua kơ Morđêkai pơgơ̆r rai đunh rai pran.

Je 49:36

Inh gô ăn đei puăn trong kial đơ̆ng puăn pah bah blah char Êlam; Inh gô săi lu sư tơklah tơklang kiơ̆ kơ puăn trong kial noh; dĭng ưh pă đei char ayơ mă ưh kơ đei bơngai Êlam năm oei.

Je 5:27

Hnam lu sư 'bĕnh kơ tơmam hơlĕnh, kư̆m thoi hơdrŭng 'bĕnh kơ sem. Thoi noh na lu sư jing mơdrŏng tih, kĕ pran.

Êsêkiên 16:7

Inh ăn kơ ih wơ̆ tih thoi 'long lăm mir, wơ̆ tih kơjung. Truh ih iung adruh wơ̆ 'lŏ, sŏk ih bluh kơjung, kơtơh ih rai tih mă-lei ih oei hang-hông koh hoh.

Êsêkiên 28:9

'Bơ̆t anăp lu bơngai pơlôch ih, ih hăm pơ̆n pơma; “Inh âu yang?” Tơpă ih bơngai đĕch, ưh kơ sĭ yang ôh, lăm ti lu bơngai pơlôch ih.

Da 11:4

Kơplah pơtao noh iung pran, na dêh char sư pơchah na klah song jing puăn, kiơ̆ kơ puăn pah trong kial đơ̆ng plĕnh, mă-lei ưh kơ đei pơsư̆ kơ kon sâu, kư̆m ưh pă kĕ pơgơ̆r thoi ki dơ̆ng; yua kơ dêh char sư đe gô buch pơjao ăn kơ bơngai nai plơ̆ng kơ lu bơngai noh.

Da 4:31

Nơ̆r pơma tam mă tôch, na đei hloi nơ̆r đơ̆ng plĕnh ti khan thoi âu: Ơ pơtao Nebukatnessar, đei tơbăt kơ ih boih: Anih pơtao pă đei tơ ih boih.

Da 5:20

Mă-lei yua kơ jơhngơ̆m sư pơang kơdih akâu, arăng kơ̆l na jing pơang, na sư hiong boih tang-dŏ pơtao păng đe ưh pă ư-ang kơ sư.

Da 7:2

Thoi noh, Đaniel khan: Kơmăng inh oei tep, inh apo 'bôh, lăm tơdrong tơ'bôh kơ inh thoi âu: Đei puăn tŏ trong kial tơthu bah kơpal đak Dơsĭ Tih.

Da 7:6

Đơ̆ng rŏng kơ noh, inh lăng, đei 'bôh dơ̆ng kon sem brem plơ̆ng hơbŏ thoi djrang, tơ kơpal rŏng sư đei puăn tŏ pơnăr thoi pơnăr sem. Sem brem noh đei puăn tŏ kơ̆l păng ăn kơ sư gơh pơgơ̆r.

Da 8:22

Gah hơke mă tơgơ̆ boih, đei dơ̆ng puăn tŏ ake tơplih 'bơ̆t doh, wă khan đơ̆ng minh pôm dêh char kla asong jing puăn tŏ dêh char, mă-lei ưh pran thoi pơtao adrol noh.

Da 8:5

Kơplah inh oei tơchĕng lăng tơdrong noh, 'nâu đei dơ̆ng minh pôm bơbe bram truh đơ̆ng gah bơmơ̆t, yak năm tơ jơ̆p-jang kơ teh đak mă-lei jơ̆ng sư yak ưh kơ 'bơm teh; bơbe noh sư đei hơke chăt tih sơlam 'bar pah măt sư.

Da 8:7

Inh 'bôh sư năm truh jê̆ tơ triu tơno noh, hil hơnganh na tơ̆m hloi triu noh, na hơke triu noh tơgơ̆ hloi 'bar pah; triu tơno noh ưh kơ kĕ kơ pơjăng, bơbe bram noh tơ̆m hơtơ̆k hloi triu tơno noh pơ̆k hloi tơ teh, bơbe bram noh hao pơjuă hloi păng ưh kơ bu kĕ pơ̆n kĕ dŏng pơklaih triu noh đơ̆ng tơdrong pran kơtang sư.

Mathiơ 24:31

Lu linh jang hlôm pơre keng, Inh wơh lu sư jur năm jơ̆p-jang kơ teh đak wă krao anhăk đĭ-đăng lu khŭl bơngai mă Inh rơih iŏk đơ̆ng gah hơlĕch truh gah bơmơ̆t, đơ̆ng gah yă-nơ̆m truh gah gơal akŭm đĭ tơ Inh.

Markôs 13:27

Na Inh wơh lu linh jang 'lơ̆ng Inh jur năm jơ̆p-jang kơ teh đak wă krao anhăk đĭ-đăng lu khŭl bơngai mă Inh rơih iŏk, đơ̆ng gah hơlĕch truh gah bơmơ̆t, đơ̆ng gah yă-nơ̆m truh gah gơal, akŭm đĭ tơ Inh.

Both 31:20

Đơ̆ng rŏng Inh chông ba lu sư mơ̆t lăm dêh char Inh hlôi pơkă boih hăm 'bok lu sư; dêh 'bĕnh kơ đak toh đak sut; lu sư gô sa phĭ păng bek, wơ̆t bơ̆jang kơkuh lu yang nai, lu sư gô pơdê lê̆ Inh păng pơm glăi kơ tơdrong pơgơ̆p Inh.

Tơdrông Tơ'bôh 7:1

Klaih kơ noh inh 'bôh puăn 'nu lu linh jang 'lơ̆ng, sư dơ̆ng tơ puăn pah mum teh đak. Lu sư wei puăn pah trong kial tơthu tơ teh đak, na sư wei kuă ăn kial tơthu pơrăm teh, pơrăm đak dơsĭ, pơrăm lu 'long.