Da 8:23 - Sơ̆p Hlabơar Nơ̆r 'Bok Kei-Dei

²³ Truh kơ năr tôch kơ dêh char lu sư, tơdah lu bơngai kơnê̆ pơm tôm boih, na đei minh 'nu iung pơm pơtao, noh jơ̆ bơngai đei muh măt khĕnh nuih păng băt đĭ dôm tơdrong hlơp.

Da 8:23 Iomraidhean Croise

Bl 15:16

dĭng truh tơ jơhnơr tăl puăn lu adrĕch adrung ih gô wih brŏk hơlơ̆k tơ âu, yua kơ 'bơ̆t noh boih tơdrong yoch kon pơlei Amôrit tôm wă phak boih.”

Tơdrông Pơđơk 1:6

Wă kơ hlôh tơdrong pơđơ̆k păng tơdrong pơtih, Lu nơ̆r bơngai gơh hơgei pơma, hăm nơ̆r lu sư pơpơn.

Êsêkiên 38:16

Ơ Gôk Ih gô blah kon pơlei Isơrael Inh thoi hơmơ̆l gom teh. Lăm năr hơtuch noh Inh gô ăn kơ ih blah char Inh, wă kơ adrĕch kon bơngai băt kơ Inh, kơplah Inh pơdah tơdrong 'lơ̆ng rơgoh Inh đơ̆ng tơdrong truh tơ ih 'bơ̆t anăp lu sư.

Êsêkiên 38:8

Đei loi kơ lơ năr đunh, đe gô krao ih; lăm lu sơnăm tuch-luch ih gô năm tơ minh pôm char mă đei hlôi klaih đơ̆ng đao, akŭm băl đơ̆ng lơ adrĕch adrung; gô truh tơ kông Isơrael, anih mă pơchah jing juơ sơ̆. Kon pơlei noh đei chông ba đơ̆ng lu kon pơlei nai păng đĭ-đăng oei arih hiôk-hian.

Da 10:14

Dang ei inh truh tơ âu wă tơbăt kơ ih hlôh kơ tơdrong wă truh kơ kon pơlei ih lăm năr tôch kơnh; yua kơ tơdrong tơ'bôh 'nâu gô truh oei đunh năr đơ̆ng rŏng kơnh.

Da 11:21

Đei dơ̆ng minh 'nu bơngai trŏ kơ đe areh yua kơ sư ưh kơ trŏ kơ đe wă pôk sư pơm pơtao, mă-lei sư gô năm kơplah đei tơdrong hiôk-hian, yua nơ̆r pơma hơlĕnh pơdăr na tơgar iŏk dêh char noh.

Da 11:24

Sư gô yua kơplah đe oei hiôk-hian rơnŭk rơnua noh tơgar iŏk teh 'lơ̆ng hloi lăm tơring ei păng gô pơm lu tơdrong mă 'bok yă păng lu kră sơ̆ tam biơh pơm; iŏk dôm lu tơmam mă đêl sư tơgar iŏk, asong mŭk tơmam noh kơ lu bơngai mă kiơ̆ sư, chă đon blah iŏk anih kơđông, mă-lei sư pơgơ̆r ưh kơ đunh.

Da 7:11

Dang ei inh lăng dơ̆ng yua kơ tơdrong pơrŏ pơang na mă lĕch nơ̆r pơma đơ̆ng hơke noh. Thoi noh inh lăng dĭng truh tơ sem brem noh đe pơlôch, akâu sư đe pơrăm đĭ păng klơ̆m ăn kơ ŭnh sa.

Da 7:20

Inh kư̆m wă kơ băt sĭt gah mơjĭt tŏ hơke tơ kơ̆l sư păng đei pêng tŏ hơke mă tơgloh noh dơ̆ng. Hơke 'nâu đei măt lơ păng đei 'bơ̆r gơh pơma lu nơ̆r pơrŏ pơang păng hơbŏ rup sư pran kơtang hloh kơ lu hơke nai.

Da 7:25

Pơtao noh sư gô blah pơma kơnê̆ kơ Kră Yang 'Bok Kei-Dei Tih hloh, pơm kơ lu bơngai 'lơ̆ng rơgoh Kră Yang Tih Hloh rơdu rơmơ̆n păng sư pơkă wă tơplih khôi juăt, tơplih tơdrong pơgơ̆r, kơplah noh đe gô pơjao lu bơngai 'lơ̆ng rơgoh lăm ti sư minh sơnăm, 'bar sơnăm, minh puăt sơnăm.

Da 7:8

Kơplah inh lăng lu hơke noh păng 'nâu đei minh pôm hơke plơ̆ng dơ̆ng chăt tŏk-bŏk lu hơke mă đêl chăt adrol hei păng đei pêng tŏ lu hơke chăt adrol tơgloh hloi 'bơ̆t anăp sư. Hơke noh đei măt thoi măt kon bơngai păng đei 'bơ̆r pơma dôm lu nơ̆r kơnê̆, pơrŏ pơang.

Da 8:22

Gah hơke mă tơgơ̆ boih, đei dơ̆ng puăn tŏ ake tơplih 'bơ̆t doh, wă khan đơ̆ng minh pôm dêh char kla asong jing puăn tŏ dêh char, mă-lei ưh pran thoi pơtao adrol noh.

Da 8:24

Tơdrong pơgơ̆r sư rai tih, mă-lei ưh kơ trŏ kơ đơ̆ng jơhngơ̆m pran sư kơdih. Sư pơm dôm tơdrong pơrăm pơrai hlĭch tơpă; păng đei jing jei thoi sư wă; pơlôch pơrăm dôm lu bơngai pơgơ̆r păng kon pơlei 'lơ̆ng rơgoh.

Da 8:25

Sư đei tơdrong gơh pơm hơlĕnh pơdăr sư đei jơnei tih. Lăm jơhngơ̆m sư kơdih pơm kơ sư jing tih păng kơplah lu kon pơlei oei hiôk-hian, sư gô pơlôch lơ bơngai; sư iung blah lu pơtao kơ lu pơtao, mă-lei đe gô pơrăm lê̆ sư ưh kơ trŏ đơ̆ng ti kon bơngai pơrăm.

Jo 24:24

Mă-lei gô đei lơ duk đơ̆ng dêh Kitim truh rôp pơmat lu bơngai Asur păng lu bơngai Eber; Păng lu sư đe kư̆m gô pơrăm đĭ mơ̆n.

Mathiơ 23:32

Iĕm wă pơm thoi lu sư noh pơm bĕ.

Both 28:50

Muh măt lu sư krưp tơpă, ưh kơ lăng lu bơngai kră, kư̆m ưh kơ băt mơnat kơ bơngai 'lơ̆p;

I Tes 2:16

Lu bơngai Juđê găn nhôn bơtho tơdrong 'Bok Kei-Dei kơ bơngai ưh kơ khŭl lu sư. Mă-lei nhôn oei bơtho mơ̆n. Lu sư ưh kơ wă bơngai khŭl nai thoi iĕm klaih đơ̆ng tơdrong yoch. Lu sư pơm thoi noh lu sư yoch tơpă hloi. Lu sư ling-lang pơm yoch thoi noh. Ning-mônh 'Bok Kei-Dei gô phak lu sư tơpă.

I Tim 4:1

Yang Bơhngol 'Lơ̆ng khan tơpăt wă kơ bơ̆n băt nhên: Ning-mônh gô đei lu bơngai achăng lê̆ tơdrong lui sư, lu sư wă lui yom kơ lu yang mă pơma hơlĕnh kơ kon bơngai, lu sư gô lui kơ yang kơnê̆ bơtho.

Tơdrông Tơ'bôh 19:20

Na gah sem brem mă kơnê̆ ei păng sem brem mă 'bar mă gơh pơm tơdrong hlĭch chrơp, wă kơ kon pơlei pơla lui kơ tơdrong sư pơm noh na chơ̆m đŏng yâu sem brem kơnê̆ tơ klĕng lu bơngai mă kơkuh kơ rup sư noh, gah bre sư 'Bok mă hao aseh păng lu linh Sư blah rôp tơhuŏng hloi bre sư oei arih tơ dơnâu ŭnh.