Da 7:6 - Sơ̆p Hlabơar Nơ̆r 'Bok Kei-Dei

⁶ Đơ̆ng rŏng kơ noh, inh lăng, đei 'bôh dơ̆ng kon sem brem plơ̆ng hơbŏ thoi djrang, tơ kơpal rŏng sư đei puăn tŏ pơnăr thoi pơnăr sem. Sem brem noh đei puăn tŏ kơ̆l păng ăn kơ sư gơh pơgơ̆r.

Da 7:6 Iomraidhean Croise

Êsêkiên 17:3

Ih athei khan: ‘Kră Yang Tih Hloh khan: Đei klang tih, pơnăr să, sŏk pơnăr kơjung, sŏk hơ'bơ̆l đei sŏk dreng jơk, sem păr truh tơ char Liban. Sư kơchâu iŏk kơnhŏng 'long hơngo.

Da 10:20

Sư khan kơ inh thoi âu: Ih hăm băt yua kơ kiơ inh năm tơ ih? Pă 'biơ̆ inh brŏk wă tơblah hăm pơtao Pherơsơ păng kơplah inh năm, to pơtao Grĕk gô truh.

Da 2:39

Mă-lei đơ̆ng rŏng kơ ih, gô đei minh pôm char nai, iung blah tơrăn 'biơ̆ kơ dêh char pơtao ih; đơ̆ng noh đei dơ̆ng dêh char mă pêng, wă khan kong gô pơgơ̆r jơ̆p kơ teh đak.

Da 7:4

Sem brem mă adrol noh hơbŏ thoi dăm-brang păng đei pơnăr sem kring; inh lăng pơnhen dĭng truh tơ pơnăr sư tơbuch, na đe dui hơtŏk sư đơ̆ng teh, sư iung dang dơ̆ng năm 'bar pah jơ̆ng thoi kon bơngai bơ̆n păng kư̆m ăn kơ sư đei jơhngơ̆m kon bơngai.

Da 7:5

'Nâu sem brem mă 'bar, hơbŏ thoi chơgơu; sư dơ̆ng cheng minh pah akâu. Đei pêng tŏ kơting jơmir lăm 'bơ̆r sơlam hơnĕnh; kơpơ̆ng hăm ala păng đe khan kơ sư thoi âu: Iung bĕ; luăn sa lu sĕch mă lơ.

Hôsia 13:7

Thoi noh, Inh gô pơm kơ lu sư thoi dăm-brang, Inh gô thoi djrang răp lu sư rok trong.

Tơdrông Tơ'bôh 13:2

Sem ei lăng hơbŏ sư thoi kla djrang, jơ̆ng sư thoi jơ̆ng chơgơu. 'Bơ̆r sư thoi 'bơ̆r dăm-brang. Na yă-grai ei pơm ăn kơ sem noh jing pran kơtang păng ăn kơ sem noh oei tơ tang-dŏ sư, pơm 'bok pơgơ̆r jơ̆p-jang kơ teh đak.