Da 7:5 - Sơ̆p Hlabơar Nơ̆r 'Bok Kei-Dei

⁵ 'Nâu sem brem mă 'bar, hơbŏ thoi chơgơu; sư dơ̆ng cheng minh pah akâu. Đei pêng tŏ kơting jơmir lăm 'bơ̆r sơlam hơnĕnh; kơpơ̆ng hăm ala păng đe khan kơ sư thoi âu: Iung bĕ; luăn sa lu sĕch mă lơ.

Da 7:5 Iomraidhean Croise

II Pot 2:24

Êlisê hue lăng lu hơ'lơ̆p ei păng sư yua hăm anăn Kră Yang na hiap lu sư. Na pluơk pluak 'bar tŏ chơgơu akăn lĕch đơ̆ng 'nhĕt, châu hek hok lê̆ puăn-jĭt 'bar 'nu lăm lu hơ'lơ̆p ei.

Tơdrông Pơđơk 17:12

Kơtrơ̆m tơ'bơ̆p chơgơu yŏng đe tơgar iŏk kon sư. Hloh kơ tơ'bơ̆p bơngai kơwao kơplah sư hil hơwĕng.

Êsai 56:9

Ơ khŭl sem dơrong tơ anih tơmăn glă, Khŭl lu sem bri, đĭ-đăng năm sa bĕ.

Da 11:2

Dang ei inh gô ăn kơ ih băt kơ tơdrong sĭt. 'Nâu, oei pă pêng 'nu pơtao lăm dêh char Pherơsơ iung blah đei dơ̆ng pơtao mă puăn, đei lơ mŭk tơmam hloh kơ đĭ-đăng; păng kơplah mŭk tơmam pơm ăn kơ pơtao noh jing pran, na sư gô pơtrŭt lơ bơngai blah dêh char Grĕk.

Da 2:39

Mă-lei đơ̆ng rŏng kơ ih, gô đei minh pôm char nai, iung blah tơrăn 'biơ̆ kơ dêh char pơtao ih; đơ̆ng noh đei dơ̆ng dêh char mă pêng, wă khan kong gô pơgơ̆r jơ̆p kơ teh đak.

Da 5:28

Parsin wă khan: Dêh char pơtao ih gô klah asong, ăn kơ bơngai Mêdi păng bơngai Pherơsơ.

Da 7:4

Sem brem mă adrol noh hơbŏ thoi dăm-brang păng đei pơnăr sem kring; inh lăng pơnhen dĭng truh tơ pơnăr sư tơbuch, na đe dui hơtŏk sư đơ̆ng teh, sư iung dang dơ̆ng năm 'bar pah jơ̆ng thoi kon bơngai bơ̆n păng kư̆m ăn kơ sư đei jơhngơ̆m kon bơngai.

Da 7:6

Đơ̆ng rŏng kơ noh, inh lăng, đei 'bôh dơ̆ng kon sem brem plơ̆ng hơbŏ thoi djrang, tơ kơpal rŏng sư đei puăn tŏ pơnăr thoi pơnăr sem. Sem brem noh đei puăn tŏ kơ̆l păng ăn kơ sư gơh pơgơ̆r.

Hôsia 13:8

Inh gô châu lu sư thoi chơgơu yŏng bruh kơ đe rôp tơgar iŏk kon sư. Inh gô châu hek hơđah kơtơh lu sư, đơ̆ng noh inh gô kăp sa lu sư thoi dăm-brang yŏng. Lu sem bri gô hek sa lu sư.

Tơdrông Tơ'bôh 13:2

Sem ei lăng hơbŏ sư thoi kla djrang, jơ̆ng sư thoi jơ̆ng chơgơu. 'Bơ̆r sư thoi 'bơ̆r dăm-brang. Na yă-grai ei pơm ăn kơ sem noh jing pran kơtang păng ăn kơ sem noh oei tơ tang-dŏ sư, pơm 'bok pơgơ̆r jơ̆p-jang kơ teh đak.