Da 6:2 - Sơ̆p Hlabơar Nơ̆r 'Bok Kei-Dei

² Tơ kơpal 'biơ̆ kơ lu đe noh đei pêng 'nu jing kơiĕng pơtao, lăm noh đei Đaniel. Lu yŏng pơgơ̆r tơring, athei roi tơbăt ăn kơ lu đe pêng 'nu noh băt rim kơ tơdrong kiơ kiơ, na wă kơ pơtao huay pă hiơ̆k kơ minh tơdrong kiơ.

Da 6:2 Iomraidhean Croise

Esơra 4:22

Kơchăng bĕ tơdrong âu, hli kơ đei tơdrong gleh hloh dơ̆ng kơ lu pơtao.

Esther 7:4

Yua kơ inh păng adrĕch adrung inh đe đĭ tĕch boih wă pơlôch pơrăm păng wă tơhiong lê̆. Tơdah đe tĕch nhôn wă pơm đĭch đĕch mă drŏ-nglo mă drŏ-kăn, lei rŏ inh kư̆m ngăn mơ̆n, yua kơ tơdrong pơmat-tat lu nhôn ưh kơ dang pơm rŭng răng pơhiơ̆k pơtao.

Tơdrông Pơđơk 26:6

Bu gơnang kơ bơngai kơwao năm roi tơbăt kơ đe. Thoi koh lê̆ jơ̆ng chơ̆ng lê̆ blu sư kơdih păng huch iŏk tơdrong răm.

Tơdrông Pơđơk 3:16

Lăm ti 'ma sư chĕp tơdrong arih sot; Lăm ti 'ngiĕo sư đei mơdrŏng tih păng ư-ang.

Da 5:16

Inh đei kơtơ̆ng đe khan ih gơh tơblang păng pơm ăn kơ dôm tơdrong hơwơ̆l hơwang hiong đĭ. Thoi âu tơdah ih gơh đŏk lu chư âu păng tơblang ăn kơ inh, lei ih gô hrŭk ao pơtao, 'băk kon kiơng maih păng gô pơm kuan yŏng mă pêng lăm dêh char âu.

Da 5:29

Kiơ̆ thoi nơ̆r pơtao Belsatsar, đe iŏk ao pơtao pơhrŭk hloi kơ Đaniel; tơ'băk ăn kơ sư kon kiơng maih păng tơbăt hloi pôk sư pơm tih mă pêng lăm lu 'bok pơgơ̆r dêh char sư.

Da 5:7

Pơtao krao ôr athei đe krao lu bơngai hơgei, lu bơngai gơh tơwir lu pơjâu bơngai Kalđê truh. Đơ̆ng noh, pơtao khan kơ bơngai hơgei, lu bơngai pơjâu bơngai Kalđê lăm Babilôn thoi âu: Bu gơh đŏk chư 'nâu? Păng gơh tơblang ăn kơ inh băt, lei sư noh inh gô pơhrŭk ăn kơ sư ao pơtao, gơh đei 'băk kon kiơng maih tơ hơko sư păng jing bơngai pơm tih mă pêng lăm lu kuan pơgơ̆r teh đak.

Da 6:1

Pơtao Đarius pôk ăn minh-hrĕng 'bar-jĭt 'nu pơm yŏng pơgơ̆r tơring, wă asong băl pơgơ̆r jơ̆p tơ lăm dêh char sư.

Mathiơ 18:23

Inh khan thoi noh yua kơ 'Bok Kei-Dei wă pơgơ̆r bơ̆n thoi âu: Pơtih gia đei minh 'nu 'bok pơtao tak lăng hla bơar lu bơngai jang kơ sư hre đom kơ sư.

Luka 16:2

Na bơngai mơdrŏng ei krao sư na khan: ‘Đe khan kơ ih đei tơdrong, na mă inh krao ih tơ âu. Inh wă kơ ih jô̆ đĭ dôm tơmam inh, inh ưh pă ăn kơ ih jang pơm đam kơiĕng inh boih.’

I Kor 4:2

Yŏng sư pơjao ăn kơ minh 'nu đam sư chă asong rim 'nu kơ đam sư, na đam mă sư pơjao noh athei kiơ̆ kơ nơ̆r yŏng sư pơkă.

I Sam 2:30

Lei na Kră Yang 'Bok Kei-Dei khan. Inh pơkă bơih hăm hnam ih păng hnam 'bok ih gô bơ̆jang kơ inh ling-lang hloi. Mă-lei dang ei Kră Yang khan: Ưh kơ lei ôh. Inh gô pơyom kơ bơngai bu mă pơyom kơ Inh, bơngai bu mă pơjăm Inh, Inh kư̆m gô pơjăm sư.