Da 5:8 - Sơ̆p Hlabơar Nơ̆r 'Bok Kei-Dei

⁸ Kơplah ei đĭ-đăng lu bơngai hơgei mơ̆t; mă-lei lu sư đŏk chư noh ưh kơ gơh, kư̆m ưh kơ gơh wă tơblang ăn kơ pơtao mơ̆n.

Da 5:8 Iomraidhean Croise

Bl 41:8

Pơgê dơning, jơhngơ̆m sư hiơ̆k bơngơ̆t, na athei krao lu bơngai hơgei, lu bơngai juăt kơ tơblang lăm dêh Êyiptơ năm tơ sư, na pơtao roi dôm tơdrong sư apo 'bôh noh lu sư mơ̆ng, mă-lei ưh kơ đei bu gơh tơblang ăn tơdrong apo noh kơ pơtao.

Êsai 47:9

Kŭm lăm minh năr. Ih gô đei 'bar tơdrong âu truh kơ ih. Tơdrong hiong kon hơ'lơ̆p păng jing yă adro. Gô truh tôm tơdrong 'noh. Mă khan ih pơjâu pơm lơ tơdrong tơwir dah đei hĭ nơ̆r yang mơsêh pơma hơlĕnh!

Je 50:35

Kră Yang khan: “Đao gưm gô blah plơ̆ bơngai Kalđê, lu kon pơlei oei lăm Babilôn, lu yŏng pơgơ̆r păng lu bơngai hơgei lăm char sư.

Da 2:27

Đaniel dơ̆ng 'bơ̆t anăp pơtao drơ̆ng thoi âu: Tơdrong hlơp mă pơtao wă kơ băt, na mă dôm lu bơngai hơgei lu bơngai hlôh wao, lu pơjâu tă ưh kơ đei bu gơh tơblang ăn kơ ih băt ôh.

Da 4:18

Inh âu pơtao Nebukatnessar, đei apo 'bôh boih tơdrong noh. Thoi noh, Beltơsatsar, ih athei tơblang kơ inh, yua kơ đĭ-đăng bơngai hơgei lăm dêh char bơ̆n ưh kơ đei bơngai bu gơh tơblang ăn kơ inh; mă-lei ih gơh tơblang, yua kơ Yang 'lơ̆ng rơgoh oei tơ lăm ih.

Da 4:4

Inh Nebukatnessar, oei pơdơh hiôk lăm hnam inh păng rai ư-ang lăm hnam pơtao inh.

Da 4:7

Dang ei lu bơngai pơm tih lu bơngai Kalđê păng lu pơjâu truh đĭ, inh roi ăn đĭ-đăng tơdrong inh apo 'bôh kơ lu sư, mă-lei lu sư ưh kơ đei bu gơh tơblang ăn kơ inh.

Da 5:15

Dang ei lu bơngai gơh tơwir, lu pơjâu đe năm ba truh tơ âu 'bơ̆t anăp inh boih ră wă kơ lu sư đŏk chư noh păng wă kơ tơblang ăn kơ inh; mă-lei lu sư ưh kơ gơh tơblang.