Da 5:6 - Sơ̆p Hlabơar Nơ̆r 'Bok Kei-Dei

⁶ Na muh măt pơtao păng đon tơchĕng sư tơplih pơm kơ sư hơwơ̆l hơwang; lu kơting rŏng sư pă tơklep păng 'bar pah kŭl-tăng sư pơpơ̆ hơtŭt băl.

Da 5:6 Iomraidhean Croise

Horiso 22:14

Inh thoi đak đe tuh, đĭ kơting inh pă đei tơklep băl. Plei nuih inh thoi jrĕnh, lek đĭ tơ lăm kơtơh inh.

Horiso 69:23

Ăn kơiĕng lu sư pơpơ̆ hơnơ̆ng ăn kơ măt lu sư tol, ưh pă 'bôh dơ̆ng.

Êsai 35:3

Pơm ăn bĕ lu ti rơdu mă jăng, pơm ăn kơ lu kŭl-tăng rơdu mă kơjăp!

Êsai 5:27

Lăm lu sư ưh kơ đei minh 'nu bơngai bu gleh lap, kơtơih pơ̆k, ưh kơ đei bơngai bu tep kơkôi păng tep blêk; ưh kơ đei bơngai bu tơlei tơ̆n sư tơyaih dah tơlei chơkhŏ sư kơtĕch.

Je 50:43

Pơtao Babilôn kơtơ̆ng ang gah lu sư, na ti sư rơdu rơreh rơrônh; Pơtao hli tơrơ, jơhngơ̆m sư jĭ tuĕnh thoi drŏ-kăn jĭ tơpŭ.

Êsêkiên 21:7

Tơdah lu sư jet ih: Yua kơ kiơ ih ôr krao? Ih tơl tơwih khan: Noh yua kơ đei kơtơ̆ng tơdrong 'nao truh, pơm kơ rim jơhngơ̆m gô pơchah hach, lu ti gô rơdu, jơhngơ̆m đon tơchĕng gô hơngơ̆t; gô rơdu. Tơdrong noh gô truh, nơ̆r noh gô đei tơpă, Kră Yang khan thoi noh!

Êsêkiên 7:17

Rim tơpang ti gô rơdu ưh pă jăng, dôm lu kŭl-tăng rơdu rơmuăn thoi đak.

Da 2:1

Lăm sơnăm mă 'bar lăm chăl pơtao Nebukatnessar, pơtao đei apo 'bôh, na lăm jơhngơ̆m ưh kơsŭk dĭng mah pă đei tep.

Da 3:19

Đơ̆ng noh pơtao Nebukatnessar rai blĕk muh măt sư đum rak hil kơ Sadrak, Mêsak, Abetnigo păng krao đe rŭk ŭnh mă dêh tŏ hloh dang tơpơh wơ̆t kơ adrol hei.

Da 4:19

Dang ei, Đaniel, mă krao Beltơsatsar, jing kơmlo wă đunh păng dôm tơdrong tơchĕng pơm ăn kơ sư hơwơ̆l. Pơtao khan dơ̆ng: Ơ! Beltơsatsar 'nĕ ăn tơdrong apo âu păng tơdrong tơblang pơm kơ ih hơwơ̆l, Beltơsatsar khan thoi âu: Ơ yŏng tơ'ngla, thŭ tơdrong apo noh tuh ăn kơ lu bơngai areh kơ ih păng tơdrong tơblang tuh kơ bơngai ayăt kơ ih.

Da 4:5

Inh đei apo 'bôh pơm kơ inh hli tơtăm; dôm tơdrong inh tơchĕng 'bơ̆t inh oei kơpal giơng păng dôm kơ̆l 'ngok inh 'bôh pơm kơ inh hơwơ̆l hơwang.

Da 5:5

Lăm jơ noh hloi đei hơnglâu ti, chih tơ tơnăr hnam pơtao, tơklă 'bơ̆t anih dan jơ̆ng ŭnh kơđeng păng pơtao 'bôh hloi tơpang ti noh oei chih.

Da 7:28

dĭng dâu nơ̆r roi tơdrong tơ'bôh âu đĭ, gah inh Đaniel, tơdrong inh tơchĕng hơwơ̆l hơwang dêh. Muh măt inh jing dreng hơ'blă, mă-lei inh răk lăm đon inh dôm tơdrong noh.

Na 2:10

Lu sư đe pơrăm lê̆ boih, pă đei kiơ păng pơrăm iŏk tơgar đĭ; jơhngơ̆m lu sư ơh sơ'ngon; kŭl-tăng lu sư pơpơ̆ hơtŭt băl kơiĕng lu sư jĭ ngăl, đĭ-đăng muh măt lu sư dreng hơ'blă.

Hêbrơ 12:12

Thoi noh na iĕm 'nĕ kơ pơhơi, athei iung mă tơpăt.