Da 5:2 - Sơ̆p Hlabơar Nơ̆r 'Bok Kei-Dei

² Belsatsar oei huch tơdrô, athei đe iŏk pơnhan maih, pơnhan hu mă đơ̆ng pơtao Nebukatnessar 'bă sư, mă đei iŏk kơchŏk đơ̆ng lăm hnam akŭm pơlei Jêrusalem noh, wă ăn kơ pơtao păng lu kuan tih, lu akăn tơm, akăn kơnhŏng pơtao kư̆m yua pơnhan noh huch.

Da 5:2 Iomraidhean Croise

II Sam 9:7

Đawit khan kơ sư: Mon 'nĕ kơ hli, inh wă tơgŭm ih yua kơ đơ̆ng Jônathan 'bă ih, inh gô pơdrâu kơ ih dôm mă bri seh teh choh đơ̆ng 'bok Sôl ih, păng ih gô oei sŏng sa hơdai inh minh pôm gơ'bang ling-lang hlŏng hloi.

II Pot 24:13

Thoi nơ̆r Kră Yang hlôi khan, pơtao Babilôn iŏk lê̆ đĭ dôm lu tơmam kăp đơ̆ng lăm hnam akŭm kơkuh kơ Kră Yang păng dôm lu tơmam gĭt đơ̆ng lăm hnam pơtao, teng iŏk lu tơmam yua lăm hnam akŭm kơkuh kơ Kră Yang mă Sôlômôn pơtao đe Isơrael hlôi pơm hăm maih.

II Pot 25:15

Yŏng linh kư̆m iŏk ba lu ge wă soh tơmam 'bâu phu, pơnhan mong đak rơmă 'bâu phu kơthao păng dôm lu tơmam pơm hăm hu maih,

II Ho 11:20

Đơ̆ng rŏng, sư kư̆m rôp oei dơ̆ng Maaka kon adruh Apsalôm, akăn sư tơpŭ ăn kơ sư lu kon drŏ-nglo noh Abija, Attai, Sisa păng Sêlômit.

II Ho 15:16

Pơtao Asa ưh pă ăn kơ yă sư Maaka jang dơ̆ng yua kơ sư pơm gơ̆ng kơkuh kơ rup yang Asêra. Pơtao Asa teh pơrăm lê̆ gơ̆ng rup yang noh teh pơchah hĕch hoch đĭ păng soh lê̆ tơ thŭng Kidrôn.

II Ho 36:10

Truh lăm bơyan puih, pơtao Nebukatnessar wơh đe năm rôp chông ba sư tơ dêh char Babilôn, kư̆m iŏk dôm tơmam 'lơ̆ng gĭt đơ̆ng lăm Hnam Kră Yang, na pôk Sêdêkia ma sư pơm pơtao pơgơ̆r dêh char Juđa păng pơlei Jêrusalem.

II Ho 36:18

Pơtao iŏk đĭ lu tơmam yua đơ̆ng lăm Hnam Kră Yang 'Bok Kei-Dei, tih dah iĕ lu tơmam gĭt lăm Hnam Kră Yang, lu tơmam gĭt pơtao păng tơmam gĭt lu yŏng pơgơ̆r, iŏk đĭ chĕp ba tơ dêh char Babilôn.

Esơra 5:14

Pơtao Sirus kư̆m đei iŏk pơdrâu dôm lu tơmam kơthao hu, maih đơ̆ng lăm hnam yang Babilôn mă pơtao Nebukatnessar đei iŏk đơ̆ng lăm hnam akŭm Kră Yang 'Bok Kei-Dei tơ pơlei Jêrusalem, na chĕp ba tơmam noh tơ hnam yang Babilôn; Sirus pơjao ăn kơ Sêsbasar, mă sư đei ăn pơm 'bok yŏng pơgơ̆r,

Je 27:7

Đĭ-đăng bơngai lăm dêh char gô chu yom kơ sư, kơ kon, kơ sâu sư dĭng truh kơ năr lu dêh char păng lu pơtao tih mơng gô rôp sư pơm đĭch.’ ”

Je 50:35

Kră Yang khan: “Đao gưm gô blah plơ̆ bơngai Kalđê, lu kon pơlei oei lăm Babilôn, lu yŏng pơgơ̆r păng lu bơngai hơgei lăm char sư.

Je 52:19

Nêbusar Adan yŏng linh kư̆m iŏk lu pơnhan mong pham wă tơtreh, chhĕr dan ngar, kơthao, gŏ, chhĕr dan tơmam 'bâu phu, gơhnŏk wă huch sa tơmam pơyơ̆r, đĭ-đăng tơmam noh đe pơm păng maih rơgoh păng hu rơgoh.

Da 1:2

Kră Yang 'Bok Kei-Dei jao Jêhôiakim, pơtao đe Juđa păng đei tơmam đơ̆ng hnam Kră Yang 'Bok Kei-Dei lăm ti Nebukatnessar. Sư anhăk ba tơmam noh brŏk tơ dêh Babilôn, tơmơ̆t lăm rông yang sư păng 'măn lê̆ tơ lăm hnam mong tơmam ăn kơ yang sư kơdih.

Da 5:11

Tơ lăm dêh char đei minh 'nu bơngai, đei Yang Bơhngol 'Lơ̆ng oei, lăm chăl 'bă ih đe đei 'bôh tơ lăm sư đei tơdrong hơdah, đei tơdrong hơgei, đei đon hlôh wao, tơdrong gơh hơgei nhen thoi Yang. Thoi noh pơtao Nebukatnessar, 'bă ih, kơdih akâu 'bă ih đei pôk boih sư noh pơm yŏng jing kơ̆l kơ đĭ-đăng lu bơngai hơgei păng lu bơngai pơjâu, lu bơngai hơgei gơh tơwir lăm adrĕch Kalđê.

Da 5:13

Thoi noh đe năm ba Đaniel 'bơ̆t anăp pơtao. Đơ̆ng noh, pơtao khan kơ Đaniel thoi âu: Ih hăm trŏ kơ Đaniel ưh, minh 'nu lăm lu bơngai Juđa mă 'bă inh chông ba đơ̆ng dêh Juđa mă pơm đĭch.

Da 5:18

Ơ pơtao, Kră Yang 'Bok Kei-Dei Tih hloh đei ăn boih tang-dŏ pơtao păng tơdrong pơgơ̆r tih, tơdrong pơyom, tơdrong ư-ang kơ pơtao Nebukatnessar 'bă ih.

Da 5:23

Mă-lei pôk kơdih akâu blah Kră Yang kơpal plĕnh păng iŏk pơđĭ lu kơchŏk pơnhan hu maih đơ̆ng hnam akŭm Kră Yang păng yua huch tơdrô hơdai hăm lu yŏng lăm hnam pơtao, lu akăn tơm, akăn kơnhŏng pơtao. Pơtao kư̆m kơkuh kơ rup yang pơm păng hu păng maih păng kong păng mam păng 'long păng tơmo; lu yang mă đei măt mă ưh kơ gơh 'bôh, đei đon mă ưh kơtơ̆ng ưh kơ băt kiơ păng pơtao ưh kơkuh kơ Kră Yang 'Bok Kei-Dei Sư boih Yang Tơ'ngla mă chĕp tơdrong arih păng tôm lu trong gơlong pơtao pơm.

Da 5:3

Đe năm iŏk hloi boih, lu kơchŏk pơnhan maih mă đei iŏk đơ̆ng hnam akŭm Kră Yang 'Bok Kei-Dei, đơ̆ng pơlei Jêrusalem; păng pơtao hăm lu kuan tih, lu akăn tơm, lu akăn kơnhŏng pơtao lu sư yua pơnhan noh huch tơdrô;

Da 5:30

Lăm măng noh hloi pơtao Belsatsar bơngai Kalđê đe pơlôch.

Da 5:4

Thoi noh lu sư huch tơdrô păng drap kơkuh bơnê kơ rup yang đe man păng maih păng hu păng kong păng 'long păng bơsei păng tơmo.

Jo 7:79

Tơmam soi sư pơyơ̆r minh hlak chhĕr trăp minh-hrĕng pêng-jĭt seikơl, minh hlak pơnhan trăp tơpơh-jĭt seikơl, kiơ̆ kơ seikơl lăm anih rơgoh, pơđĭ kơ 'bar hlak pơnhan mong 'bĕnh kơ tơpŭng bơlŭ hrâu hăm đak rơmă ôliwơ, yua pơm tơmam soi pơyơ̆r phe 'ba;