Da 5:16 - Sơ̆p Hlabơar Nơ̆r 'Bok Kei-Dei

¹⁶ Inh đei kơtơ̆ng đe khan ih gơh tơblang păng pơm ăn kơ dôm tơdrong hơwơ̆l hơwang hiong đĭ. Thoi âu tơdah ih gơh đŏk lu chư âu păng tơblang ăn kơ inh, lei ih gô hrŭk ao pơtao, 'băk kon kiơng maih păng gô pơm kuan yŏng mă pêng lăm dêh char âu.

Da 5:16 Iomraidhean Croise

Bl 40:8

Bre sư tơl: Nhi đei tep apo, mă ưh kơ băt wă khan kiơ. Roi bĕ tơdrong măr iĕm apo noh kơ inh mơ̆ng.

Bl 41:15

Pharaôn khan kơ Jôsep thoi âu: Inh đei tep apo 'bôh mă-lei ưh kơ đei bu gơh tơblang; thoi noh, inh đei kơtơ̆ng đơ̆ng đe khan, đe đei apo 'bôh na roi kơ ih, ih đei tơblang ăn trŏ 'blep.

Bl 41:42

Pơtao plôh hloi tơkhiĕn đơ̆ng ti sư tơ'bot ăn kơ Jôsep, athei đe pơhrŭk ăn kơ sư ao che rơmuăn păng tơ'băk ăn kon kiơng maih 'bơ̆t hơko sư;

Da 2:48

Pơtao pôk ăn Đaniel pơm tih păng pơjao ăn kơ sư tơmam mă gĭt dêh. Pơtao ăn kơ sư pơgơ̆r đĭ lăm char Babilôn.

Da 2:6

Mă-lei tơdah iĕm gơh tơblang tơdrong apo noh kơ inh, lei iĕm gô đei tơmam apah tih păng gô pôk pơang iĕm lăm anih ư-ang inh, lu iĕm athei tơblang ăn kơ inh tơdrong apo noh păng wă khan liơ.

Da 5:29

Kiơ̆ thoi nơ̆r pơtao Belsatsar, đe iŏk ao pơtao pơhrŭk hloi kơ Đaniel; tơ'băk ăn kơ sư kon kiơng maih păng tơbăt hloi pôk sư pơm tih mă pêng lăm lu 'bok pơgơ̆r dêh char sư.

Da 5:7

Pơtao krao ôr athei đe krao lu bơngai hơgei, lu bơngai gơh tơwir lu pơjâu bơngai Kalđê truh. Đơ̆ng noh, pơtao khan kơ bơngai hơgei, lu bơngai pơjâu bơngai Kalđê lăm Babilôn thoi âu: Bu gơh đŏk chư 'nâu? Păng gơh tơblang ăn kơ inh băt, lei sư noh inh gô pơhrŭk ăn kơ sư ao pơtao, gơh đei 'băk kon kiơng maih tơ hơko sư păng jing bơngai pơm tih mă pêng lăm lu kuan pơgơ̆r teh đak.

Da 6:2

Tơ kơpal 'biơ̆ kơ lu đe noh đei pêng 'nu jing kơiĕng pơtao, lăm noh đei Đaniel. Lu yŏng pơgơ̆r tơring, athei roi tơbăt ăn kơ lu đe pêng 'nu noh băt rim kơ tơdrong kiơ kiơ, na wă kơ pơtao huay pă hiơ̆k kơ minh tơdrong kiơ.

Jang 8:18

Simôn 'bôh bre sư pel kơ̆l lu sư, Yang Bơhngol 'Lơ̆ng jur oei păng lu sư hloi na Simôn khan wă ăn jên kơ bre sư.