Da 5:13 - Sơ̆p Hlabơar Nơ̆r 'Bok Kei-Dei

¹³ Thoi noh đe năm ba Đaniel 'bơ̆t anăp pơtao. Đơ̆ng noh, pơtao khan kơ Đaniel thoi âu: Ih hăm trŏ kơ Đaniel ưh, minh 'nu lăm lu bơngai Juđa mă 'bă inh chông ba đơ̆ng dêh Juđa mă pơm đĭch.

Da 5:13 Iomraidhean Croise

Esơra 10:16

Lu bơngai đe rôp pơm bơnă gơh wih brŏk dơ̆ng pơm kiơ̆ ngei nơ̆r âu, đe rơih iŏk Esơra, 'bok soi păng lu yŏng kơdră lăm adrĕch adrung, kiơ̆ kơ adrĕch adrung lu sư kơdih, đĭ-đăng krao kiơ̆ anăn rim lu sư kơdih. Năr mă mônh khei mơjĭt; lu sư wă lăng sek hơlen tơdrong âu.

Esơra 10:7

Na đe ră roi kơ jơ̆p-jang kơ dêh Juđa păng pơlei Jêrusalem, krao đĭ-đăng lu kon pơlei đêl đe rôp pơm bơnă gơh wih brŏk, athei lu sư năm pơpôi akŭm tơ pơlei Jêrusalem.

Esơra 4:1

kơplah lu bơngai ayăt kơ kon pơlei Juđa păng Bênjamin băt kơ lu bơngai mă đêl rôp pơm hơnă wih brŏk gơh pơm hnam akŭm kơkuh kơ Kră Yang Kră Yang 'Bok Kei-Dei Isơrael,

Esơra 6:16

Kon pơlei Isơrael, lu 'bok soi bơngai Lêwi noh lu bơngai mă đe rôp pơm bơnă wih brŏk, đĭ-đăng lu sư chơt hiôk pơm giĕng et sa pơih hnam akŭm Kră Yang 'Bok Kei-Dei keh.

Da 1:1

Sơnăm mă pêng lăm chăl Jêhôiakim, pơtao đe Juđa, na Nebukatnessar, pơtao Babilôn, năm truh tơ pơlei tih Jêrusalem wang wă blah iŏk.

Da 1:2

Kră Yang 'Bok Kei-Dei jao Jêhôiakim, pơtao đe Juđa păng đei tơmam đơ̆ng hnam Kră Yang 'Bok Kei-Dei lăm ti Nebukatnessar. Sư anhăk ba tơmam noh brŏk tơ dêh Babilôn, tơmơ̆t lăm rông yang sư păng 'măn lê̆ tơ lăm hnam mong tơmam ăn kơ yang sư kơdih.

Da 1:21

Thoi ei, Đaniel oei hloi tơ noh dĭng truh tơ sơnăm blŭng-a lăm chăl pơtao Sirus.

Da 1:6

Lăm lu buăl noh đei Đaniel, Hanania, Mêsael păng Asaria adrĕch adrung bơngai Juđa.

Da 2:25

Đơ̆ng noh Ariok hăt hot hloi năm ba Đaniel tơ pơtao păng khan kơ pơtao thoi âu: Inh đei chă 'bôh minh 'nu lăm lu kon sâu Juđa mă bơ̆n rôp pơm bơnă, bơngai noh gô tơblang tơbăt ăn kơ ih pơtao.

Da 2:48

Pơtao pôk ăn Đaniel pơm tih păng pơjao ăn kơ sư tơmam mă gĭt dêh. Pơtao ăn kơ sư pơgơ̆r đĭ lăm char Babilôn.

Da 5:11

Tơ lăm dêh char đei minh 'nu bơngai, đei Yang Bơhngol 'Lơ̆ng oei, lăm chăl 'bă ih đe đei 'bôh tơ lăm sư đei tơdrong hơdah, đei tơdrong hơgei, đei đon hlôh wao, tơdrong gơh hơgei nhen thoi Yang. Thoi noh pơtao Nebukatnessar, 'bă ih, kơdih akâu 'bă ih đei pôk boih sư noh pơm yŏng jing kơ̆l kơ đĭ-đăng lu bơngai hơgei păng lu bơngai pơjâu, lu bơngai hơgei gơh tơwir lăm adrĕch Kalđê.

Da 5:14

Inh đei kơtơ̆ng đe roi khan ih đei Yang Bơhngol 'Lơ̆ng lu Yang oei lăm ih păng đe đei 'bôh tơ lăm ih đei hơdah, gơh hơgei, hlôh wao păng gơh băt phara kơ đe.

Da 5:18

Ơ pơtao, Kră Yang 'Bok Kei-Dei Tih hloh đei ăn boih tang-dŏ pơtao păng tơdrong pơgơ̆r tih, tơdrong pơyom, tơdrong ư-ang kơ pơtao Nebukatnessar 'bă ih.

Da 5:2

Belsatsar oei huch tơdrô, athei đe iŏk pơnhan maih, pơnhan hu mă đơ̆ng pơtao Nebukatnessar 'bă sư, mă đei iŏk kơchŏk đơ̆ng lăm hnam akŭm pơlei Jêrusalem noh, wă ăn kơ pơtao păng lu kuan tih, lu akăn tơm, akăn kơnhŏng pơtao kư̆m yua pơnhan noh huch.

Da 6:13

Lu sư tơl păng khan kơ pơtao thoi âu: Đaniel minh 'nu lăm lu kon sâu Juđa mă pơm đĭch, sư ưh kơ wă mơ̆ng, ưh kơ wă pơyom kơ pơtao hơya tŏ sĕt, ơ pơtao, mă truh tơdrong pơtao pơkơ̆m păng kĭ anăn boih ră, mă-lei sư kư̆ oei krao khan rim năr pêng wơ̆t.

Da 8:1

Sơnăm mă pêng lăm chăl pơtao Belsatsar, đei tơdrong tơ'bôh kơ inh, Đaniel, đơ̆ng rŏng kơ inh đei tơdrong tơ'bôh ki.

Da 8:27

Đơ̆ng noh, inh, Đaniel lap dêh na jĭ jăn lăm akâu jing bơlŏ lăm dôm năr hloi; đơ̆ng noh inh iung bơ̆jang kơ pơtao. Inh 'bôh thoi noh hlĭch tơpă gah tơdrong mă đei tơ'bôh kơ inh noh, mă-lei ưh kơ đei bu băt tơdrong noh wă khan kiơ.

Yo 7:1

Đơ̆ng rŏng kơ noh Yêsu oei năm chă bơtho tơ dêh Galilê. Sư ưh pă năm bơtho tơ dêh Juđê boih kơlih kơ lu bơngai Juđê wă pơlôch Sư.

Yo 7:3

na lu oh Yêsu khan kơ Sư: “Ih jăk đơ̆ng âu năm tơ dêh Juđê wă kơ lu bơngai lui kơ Ih tơ ei 'bôh tơdrong mơsêh mơyang Ih pơm.