Da 5:11 - Sơ̆p Hlabơar Nơ̆r 'Bok Kei-Dei

¹¹ Tơ lăm dêh char đei minh 'nu bơngai, đei Yang Bơhngol 'Lơ̆ng oei, lăm chăl 'bă ih đe đei 'bôh tơ lăm sư đei tơdrong hơdah, đei tơdrong hơgei, đei đon hlôh wao, tơdrong gơh hơgei nhen thoi Yang. Thoi noh pơtao Nebukatnessar, 'bă ih, kơdih akâu 'bă ih đei pôk boih sư noh pơm yŏng jing kơ̆l kơ đĭ-đăng lu bơngai hơgei păng lu bơngai pơjâu, lu bơngai hơgei gơh tơwir lăm adrĕch Kalđê.

Da 5:11 Iomraidhean Croise

Bl 41:38

Pharaôn khan kơ lu kuan tih thoi âu: Lu bơ̆n chă bơngai bu dơ̆ng gơh băt thoi bơngai 'nâu, đei jơhngơ̆m đon gơh hơgei đơ̆ng Kră Yang 'Bok Kei-Dei?

II Sam 14:17

Đam drŏ-kăn pơtao tơchĕng khan dơ̆ng: ‘Apinh nơ̆r đơ̆ng pơtao yŏng tơ'ngla inh pơma pơkă ăn hiôk-hian, yua kơ pơtao yŏng tơ'ngla inh thoi lĕ minh 'nu linh jang 'lơ̆ng Kră Yang 'Bok Kei-Dei, băt kơ lăng tơdrong 'lơ̆ng păng tơdrong kơnê̆. Apinh Kră Yang 'Bok Kei-Dei ih oei hăm ih!’ ”

Êsêkiên 28:3

“Âu, ih hơgei hloh kơ Đaniel; ưh kơ đei tơdrong kiơ gơh ôn kơ ih!

Êsêkiên 28:4

Đơ̆ng tơdrong gơh hơgei hlôh wao, ih pơjing sa đei mŭk tơmam; ih kư̆m mong 'măn hu maih lăm hnam mong tơmam.

Da 1:4

Năm ba lu hơ'lơ̆p drŏ-nglo 'lơ̆ng huay kơ đei jĭ jăn, muh măt 'lơ̆ng hơbŏ, đei dôm tơdrong gơh hơgei, gơh tơchĕng hlôh wao, gơh băt dôm tơdrong, gơh jang tơ lăm anih hnam pơtao, bơtho kơ lu sư tơdrong gơh hơgei păng nơ̆r pơma bơngai Kalđê.

Da 2:11

Yua kơ tơdrong pơtao wă apinh noh khăi dêh păng ưh kơ đei bu gơh băt gơh tơblang tơdrong apo noh kơ 'bok pơtao, hli kơ lu yang đĕch gơh, yang mă ưh kơ oei arih hăm sĕch akar âu.

Da 2:22

Đơ̆ng Sư boih mă tơbăt dôm tơdrong jrŭ ataih mă hlơp: Sư băt tôm tơdrong. Tơ lăm măng mu păng tơdrong hơdah oei lăm Sư.

Da 4:18

Inh âu pơtao Nebukatnessar, đei apo 'bôh boih tơdrong noh. Thoi noh, Beltơsatsar, ih athei tơblang kơ inh, yua kơ đĭ-đăng bơngai hơgei lăm dêh char bơ̆n ưh kơ đei bơngai bu gơh tơblang ăn kơ inh; mă-lei ih gơh tơblang, yua kơ Yang 'lơ̆ng rơgoh oei tơ lăm ih.

Da 4:5

Inh đei apo 'bôh pơm kơ inh hli tơtăm; dôm tơdrong inh tơchĕng 'bơ̆t inh oei kơpal giơng păng dôm kơ̆l 'ngok inh 'bôh pơm kơ inh hơwơ̆l hơwang.

Da 4:6

Thoi noh inh chih roi tơbăt, athei ba đĭ-đăng lu bơngai hơgei lăm char Babilôn năm truh tơ inh, wă kơ lu sư tơblang tơdrong inh apo 'bôh.

Da 5:14

Inh đei kơtơ̆ng đe roi khan ih đei Yang Bơhngol 'Lơ̆ng lu Yang oei lăm ih păng đe đei 'bôh tơ lăm ih đei hơdah, gơh hơgei, hlôh wao păng gơh băt phara kơ đe.

Da 5:7

Pơtao krao ôr athei đe krao lu bơngai hơgei, lu bơngai gơh tơwir lu pơjâu bơngai Kalđê truh. Đơ̆ng noh, pơtao khan kơ bơngai hơgei, lu bơngai pơjâu bơngai Kalđê lăm Babilôn thoi âu: Bu gơh đŏk chư 'nâu? Păng gơh tơblang ăn kơ inh băt, lei sư noh inh gô pơhrŭk ăn kơ sư ao pơtao, gơh đei 'băk kon kiơng maih tơ hơko sư păng jing bơngai pơm tih mă pêng lăm lu kuan pơgơ̆r teh đak.

Jang 12:22

Na lu kon pơlei pơla ôr pơret drơ̆ng tơwih sư: “Nơ̆r âu yang pơma, ưh kơ sĭ bơngai pơma ôh.”

Jang 14:11

Lu kon pơlei pơla 'bôh Pôl pơm thoi noh na lu sư pơma 'bơ̆r re lăm nơ̆r Likanê sư thoi âu: “Âu nhen yang jur jing bơngai.”

Jang 16:16

Minh năr ei hơtai nhôn năm tơ anih akŭm krao khan nhôn tơ'bơ̆p minh 'nu bơngai adruh sư đĭch đe. Sư bơngai yang mơ̆t pơm kơ sư wơnh. Na yang kơnê̆ ăn kơ sư pơm pơjâu khan lê̆ hơdrol. Lu yŏng đĭch ei yua jên đơ̆ng đĭch sư chă pơma khan kơ đe na đe ăn kơ bơngai adruh yang mơ̆t ei, na lu yŏng sư jing mơdrŏng.

Tơdrông Tơ'bôh 3:9

Lu đe mơ'nah khan lu sư bơngai Juđê, mă tơpă lu sư ưh kơ trŏ bơngai Juđê ôh, lu sư hơlĕnh đĕch; tơdrong lu sư chă akŭm, lu sư akŭm tơdrong yang Satan. Thoi noh na Inh gô ăn kơ lu sư sơtơ̆p kŭl-tăng 'bơ̆t anăp iĕm, na Inh gô bơtho lu sư tơdrong Inh 'mêm kơ iĕm.