Da 4:8 - Sơ̆p Hlabơar Nơ̆r 'Bok Kei-Dei

⁸ Đơ̆ng rŏng, đei Đaniel, đe anăn sư Beltơsatsar kiơ̆ kơ anăn yang inh, sư đei mơsêh đơ̆ng lu yang nai, thoi noh năm dơ̆ng 'bơ̆t anăp inh. Inh roi dôm tơdrong inh apo 'bôh noh thoi âu:

Da 4:8 Iomraidhean Croise

Bl 41:38

Pharaôn khan kơ lu kuan tih thoi âu: Lu bơ̆n chă bơngai bu dơ̆ng gơh băt thoi bơngai 'nâu, đei jơhngơ̆m đon gơh hơgei đơ̆ng Kră Yang 'Bok Kei-Dei?

Êsai 46:1

Yang Bel kŭp kơ̆l, yang Nêbô drap, rup yang noh lu sư chơ kơpal rŏng lu sem brem, sem dơrong. Lu rup yang mă lu iĕm juăt kơ tung trăp dêh, pơm kơ lu sem brem chơ sư trăp pă kĕ.

Êsai 63:11

Na kon pơlei 'blŏk hơdơ̆r dơ̆ng kơ đơ̆ng sơ̆, 'blŏk kơ Môis păng kon pơlei Kră Yang na jet: Tơ'ngla mă hơtŏk lu sư păng bơngai wei khŭl sem dơrong Kră Yang, hlôi đơ̆ng đak dơsĭ tơ yơ bơih? Tơ'ngla ăn Yang Bơhngol Sư oei hơdai hăm kon pơlei tơ yơ bơih?

Je 50:2

“Roi pơdah bĕ kơ đĭ-đăng dêh char, tơbăt bĕ, hơtŏk hla-kơ păng tơbăt bĕ, 'nĕ kơ ôn ôh tơdrong 'noh, tơbăt bĕ: ‘Đe gô iŏk Babilôn, đe pơm kơ yang Bel mơlâu, yang Mêrôđak 'bĕnh kơ hli tơrơ. Đĭ lu rup yang mơlâu, lu rup yang hli tơrơ.

Êsêkiên 17:23

Inh gô pơtăm 'long noh kơpal kông kơjung Isơrael; 'long noh bluh tơ'bla păng đei plei; jing 'long hơngo 'lơ̆ng đĭ-đăng. Lu sem gô pơm tơpu oei tơ noh, đĭ-đăng lu adrĕch đei pơnăr gô kôp tơ yơ̆p tơ'bla 'long noh.

Da 1:7

Bơngai yŏng pơgơ̆r linh krĕo krao ming anăn lu sư; Đaniel sư krao Beltơsatsar, Hanania sư krao Sadrak; Mêsael sư krao Mêsak; păng Asaria krao sư Abetnigo.

Da 2:11

Yua kơ tơdrong pơtao wă apinh noh khăi dêh păng ưh kơ đei bu gơh băt gơh tơblang tơdrong apo noh kơ 'bok pơtao, hli kơ lu yang đĕch gơh, yang mă ưh kơ oei arih hăm sĕch akar âu.

Da 2:26

Pơtao khan kơ Đaniel, mă đe juăt kơ krao sư Beltơsatsar thoi âu: Hăm trŏ ưh ih gơh tơblang ăn kơ inh apo 'bôh noh, wă tơblang thoi yơ?

Da 3:14

Pơtao Nebukatnessar pơma khan kơ lu sư thoi âu: Ơ Sadrak, Mêsak, Abetnigo hăm trŏ kơ lu iĕm kuă kơkuh kơ yang inh păng kư̆m kuă kơkuh kơ rup yang mă inh 'nao man păng maih noh hei hă?

Da 4:18

Inh âu pơtao Nebukatnessar, đei apo 'bôh boih tơdrong noh. Thoi noh, Beltơsatsar, ih athei tơblang kơ inh, yua kơ đĭ-đăng bơngai hơgei lăm dêh char bơ̆n ưh kơ đei bơngai bu gơh tơblang ăn kơ inh; mă-lei ih gơh tơblang, yua kơ Yang 'lơ̆ng rơgoh oei tơ lăm ih.

Da 4:9

Ơ Beltơsatsar, ih pơm yŏng đĭ kơ lu bơngai hơgei, inh băt đei yang 'lơ̆ng oei lăm ih păng ưh kơ đei tơdrong kiơ mă hlơp mă tơnat kơ ih, thoi ei boih na apinh ih tơblang ăn kơ inh tơdrong inh apo 'bôh păng tơblang kơ inh bĕ.

Da 5:14

Inh đei kơtơ̆ng đe roi khan ih đei Yang Bơhngol 'Lơ̆ng lu Yang oei lăm ih păng đe đei 'bôh tơ lăm ih đei hơdah, gơh hơgei, hlôh wao păng gơh băt phara kơ đe.