Da 4:34 - Sơ̆p Hlabơar Nơ̆r 'Bok Kei-Dei

³⁴ Dĭng truh tôch kơ năr đêl pơkă, inh âu, Nebukatnessar inh ngoi muh măt tơ plĕnh, tơdrong hơgei đei dơ̆ng tơ inh păng inh pơư pơang anăn Kră Yang 'Bok Kei-Dei Tih hloh. Inh gô pơư pơang anăn Kră Yang 'Bok Kei-Dei mă arih ling-lang, dêh char Sư oei đei đơ̆ng chăl âu truh tơ chăl nai.

Da 4:34 Iomraidhean Croise

II Sam 22:31

Ơ Kră Yang 'Bok Kei-Dei, trong Ih 'lơ̆ng tơpăt; Nơ̆r Kră Yang pơkă trŏ kơ lui ngeh tơpă. Kră Yang jơ̆ khêl pĕng lu bơngai ôn kơ'nơp lăm Sư.

I Ho 29:10

'Bơ̆t anăp đĭ-đăng tơpôl, Đawit bơnê kơ Kră Yang khan: Hơri bơnê kơ Ih ơ Kră Yang 'Bok Kei-Dei Isơrael 'bok lu nhôn, đơ̆ng dang ei truh tơ ning-mônh ưh kơ đei layơ tôch!

I Ho 29:13

Dang ei, ơ Kră Yang 'Bok Kei-Dei lu nhôn, lu nhôn bơnê kơ Ih păng hơri ư-ang anăn Ih.

Jop 1:21

Păng khan: “Mĕ inh tơpŭ kơ inh sơ̆ akâu hoh, păng inh brŏk tơ teh kư̆m gô akâu hoh mơ̆n; Kră Yang asong ăn, Kră Yang pơdrâu iŏk dơ̆ng; trŏ bơnê kơ anăn Kră Yang!”

Horiso 10:16

Kră Yang boih Pơtao ling-lang hlŏng hloi; Lu teh đak gô pơrăm đĭ đơ̆ng dêh char sư.

Horiso 102:24

Inh khan: “Ơ Kră Yang 'Bok Kei-Dei inh! 'Nĕ kơ iŏk lê̆ inh tŏk-bŏk oei hơmuh hơmŏng. Lu sơnăm Ih oei oei ling-lang.”

Horiso 107:15

Ăn kơ lu sư bơnê kơkuh kơ Kră Yang yua kơ tơdrong 'mêm Sư. Yua kơ tơdrong jang hlĭch chrơp Sư pơm boih kơ kon bơngai.

Horiso 107:22

Ăn kơ sư pơyơ̆r tơmam soi bơnê iŏk 'bai hơri chơt hiôk na roi pơdah tơdrong jang Sư.

Horiso 107:31

Ăn kơ lu sư bơnê ư-ang kơ Kră Yang yua kơ tơdrong 'mêm Sư, Yua kơ tơdrong jang hlĭch chrơp Sư pơm boih kơ kon bơngai!

Horiso 107:8

Ăn kơ lu sư bơnê bĕ kơ Kră Yang yua kơ tơdrong 'mêm Sư. Yua kơ tơdrong hlĭch chrơp Sư pơm boih kơ kon bơngai.

Horiso 111:7

Tơdrong jang đơ̆ng ti Sư sĭt tơpă păng tơpăt; Lu nơ̆r Sư bơtho pơkă trŏ gơnang tơpă.

Horiso 121:1

Inh ngơk măt lăng tơ kơpal kông tơdrong tơgŭm dŏng inh truh đơ̆ng yơ?

Horiso 123:1

Inh ngơk muh măt tơ Ih ơ Tơ'ngla mă oei tơ kơpal tang-dŏ pơtao tơ plĕnh.

Horiso 145:13

Dêh char Ih oei oei ling-lang tơdrong Ih pơgơ̆r dĭng truh tơ ning-mônh khŏm khŏm. Kră Yang pơsĭt dôm nơ̆r Sư pơkă. Ih 'mêm kơ đĭ dôm tơmam đêl Ih pơjing.

Horiso 146:10

Kră Yang gô pơgơ̆r ling-lang; Ơ Siôn, Kră Yang 'Bok Kei-Dei Ih pơgơ̆r hlŏng hloi đĭ jơhnơr. Halêluya!

Horiso 50:14

Pơyơ̆r nơ̆r bơnê ih kơ Kră Yang 'Bok Kei-Dei, păng pơkeh nơ̆r pơkă ih hăm Kră Yang Tih Hloh.

Horiso 66:7

Sư yua tơdrong mơsêh mơyang Sư pơgơ̆r ling-lang hloi; Măt Sư sek lăng lu dêh char: Ơ lu bơngai ayăt 'nĕ kơ pơang. Sêla

Horiso 7:17

Inh gô bơnê kơ Kră Yang yua kơ tơdrong 'lơ̆ng tơpăt Sư Inh gô hơri bơnê kơ Anăn Kră Yang, jơ̆ Kră Yang tih hloh.

Horiso 9:2

Ơ Kră Yang Tih Hloh, inh gô chơt 'nă hal lăm Ih, păng hơri bơnê kơ Anăn Ih

Horiso 92:1

'Lơ̆ng dêh tơdrong kơkuh bơnê kơ Kră Yang, Păng hơri ư-ang kơ anăn Ih. Ơ Kră Yang Tih Hloh.

Êsai 13:11

Inh gô phak teh đak âu yua kơ tơdrong kơnê̆ lu sư, phak lu bơngai pơm kơnê̆ yua kơ tơdrong yoch lu sư, Inh gô pơtôch lê̆ lu bơngai pơang, tơjur lê̆ tơ ala tơdrong pơang kơdih akâu lu bơngai pơm chư̆ kơnê̆.

Êsai 2:11

Măt kon bơngai 'maih lăng pơrŏ gô mơlâu, tơdrong pơang kon bơngai gô tơhuŏng lê̆ tơ ala, lăm năr 'noh lăp minh 'nu Kră Yang đĕch bơ̆n ư-ang.

Êsai 24:15

Thoi noh ư-ang bĕ kơ Kră Yang ơ lu bơngai oei lăm teh đak gah hơlĕch, ư-ang bĕ kơ anăn Kră Yang 'Bok Kei-Dei đe Isơrael ơ lu bơngai oei lăm lu bŏl đak dơsĭ.

Je 10:10

Mă-lei Kră Yang jơ̆ 'Bok Kei-Dei sĭt; Sư jơ̆ Kră Yang 'Bok Kei-Dei arih; Pơtao ling-lang. Mưh Sư hil teh đak pơpơ̆; đĭ-đăng dêh char ưh kơ kĕ pŭ iŏk ôh dôm tơdrong Sư hil mĭl.”

Nhom 3:38

Hăm trŏ lĕch đơ̆ng 'bơ̆t Kră Yang tih hloh, mă đei pơmat-tat dah pŭn hiôk?

Da 12:7

Inh kơtơ̆ng nơ̆r pơma bơngai hrŭk ao 'bui kok oei dơ̆ng kơpal đak glung noh, sư yơ̆r 'bar pah ti, 'ma păng ti 'ngiĕo, dơhlâu tơ plĕnh, dơhlâu tơ Kră Yang 'Bok Kei-Dei arih ling-lang păng khan thoi âu: Gô đei lăm minh chăl, lu chăl păng minh puăt chăl păng kơplah lu kon pơlei 'Bok Kei-Dei ưh pă kĕ pơgơ̆r boih, na dôm lu tơdrong âu keh đang.

Da 2:44

Lăm chăl lu pơtao 'nâu Kră Yang 'Bok Kei-Dei kơpal plĕnh gô pơdŏng minh pôm dêh char ưh kơ đei layơ hiong răm, tơdrong dêh char noh pơgơ̆r ưh kơ đei minh adrĕch kon pơlei nai, kĕ tơgar iŏk, na sư iung pơrăm pơlôch đĭ lu dêh char mă đei adrol sơ̆ noh, na kơdih sư gô kơjăp ling-lang hloi.

Da 4:2

Tơdrong hiôk inh na inh wă roi tơbăt ăn kơ lu iĕm, dôm tơdra hlĭch păng tơdrong chrơp mă Kră Yang 'Bok Kei-Dei Tih hloh đei pơm ăn kơ inh.

Da 4:26

Bê̆ tơdrong đei khan boih 'măn lê̆ tơm hăm rơh 'long 'noh, wă khan dang yơ ih băt kơ Kră Yang 'Bok Kei-Dei Tih hloh pơgơ̆r teh đak kon bơngai kơplah noh tơdrong pơgơ̆r gô tơwih kơ ih.

Da 4:3

Ô! Dôm tơdrong mơsêh Sư tơdrong hlĭch chrơp Sư tih dêh tơpă, dêh char Sư jơ̆ dêh char oei oei ling-lang, tơdrong Sư pơgơ̆r oei oei rim jơhnơr.

Da 4:32

Đe gô tơweh lê̆ ih đơ̆ng kon bơngai, ih gô oei hơdai lu sem brem; kư̆m sa 'nhĕt thoi rơmo, dĭng truh tơpơh sơnăm, dĭng mă ih 'blŏk băt thoi âu: Kră Yang 'Bok Kei-Dei Tih hloh pơgơ̆r teh đak kon bơngai păng Sư wă ăn kơ bu mơ̆ng kơ Sư wă.

Da 4:36

Kơplah noh tơdrong hơgei đei dơ̆ng tơ lăm inh, inh đei ư-ang lăm dêh char pơtao inh, tơdrong krưp rŏ hơdah hơdong tơ inh dơ̆ng; dôm lu yŏng pơgơ̆r lu pơm tih gô năm kơkuh kơ inh. Đe gô pôk inh pơm pơtao dêh char păng tơdrong inh pơgơ̆r rai pran kơjăp.

Da 5:18

Ơ pơtao, Kră Yang 'Bok Kei-Dei Tih hloh đei ăn boih tang-dŏ pơtao păng tơdrong pơgơ̆r tih, tơdrong pơyom, tơdrong ư-ang kơ pơtao Nebukatnessar 'bă ih.

Da 5:21

Tơweh lê̆ sư đơ̆ng anih kon bơngai, jơhngơ̆m đon sư thoi sem brem păng sư kư̆m oei thoi aseh bri. Sư arih sa 'nhĕt thoi rơmo păng akâu sư đak ngom kôp, tŭk đơ̆ng plĕnh jur gom sư, dĭng truh tơ sư băt 'blŏk kơ Kră Yang 'Bok Kei-Dei Tih hloh, pơgơ̆r dêh char kon bơngai păng Sư pôk bu pơm yŏng mơ̆ng kơ Sư.

Da 6:26

Inh chih tơbăt, ăn jơ̆p kơ lăm dêh char 'bôh, đĭ-đăng athei hli yom tơtơ̆ 'bơ̆t anăp Kră Yang 'Bok Kei-Dei arih ling-lang hlŏng hloi, Kră Yang 'Bok Kei-Dei Đaniel teh đak Sư ưh kơ đei layơ hiong răm păng tơdrong mơsêh mơyang Sư oei oei ling-lang truh năr tôch.

Da 7:14

Sư đei tơdrong mơsêh, gơh kĕ, ư-ang păng đĭ dêh char, đĭ adrĕch kon bơngai, đĭ nơ̆r pơma awih awăn kơ Sư. Tơdrong pran kơtang, mơsêh mơyang tơdrong oei oei pơgơ̆r ling-lang ưh kơ tôch păng dêh char Sư đe pă đei pơrăm boih.

Da 7:27

Đơ̆ng noh tơdrong gơh kĕ pơgơ̆r dêh char pơtao, kơkuh pơyom jao ăn teh đak oei ala plĕnh, gô jao ăn kơ 'Bok 'lơ̆ng rơgoh Tih hloh. Dêh char pơtao Sư jing dêh char pơtao ling-lang, lu bơngai pơgơ̆r, bơ̆jang kơ Sư păng chu yom kiơ̆ nơ̆r Sư,

Da 9:14

Yua kơ tơdrong noh, Kră Yang lăng păng tơjur ăn tơdrong gleh noh tơ lu nhôn; yua kơ Kră Yang 'Bok Kei-Dei lu nhôn tơpăt lăm tơdrong Sư pơm, mă-lei lu nhôn ưh kơ mơ̆ng kiơ̆ nơ̆r Sư.

Jôna 1:14

Lu sư krao khan kơ Kră Yang thoi âu: Ơ Kră Yang, lu nhôn apinh Ih 'nĕ ăn kơ lu nhôn lôch yua kơ bơngai âu, 'nĕ jô̆ kơ lu nhôn pơlôch bơngai âu. Ơ Kră Yang, yua kơ Ih boih Tơ'ngla pơm tơdrong kiơ kiơ̆ kơ Ih wă.

Mi 4:7

Đơ̆ng noh Inh gô ăn lu bơngai jo jăn jing kon pơlei mă oei oei păng lu bơngai mă đe pă lăng gô jing minh dêh char pran kơtang, Kră Yang gô pơgơ̆r lu sư tơ kông Siôn đơ̆ng dang ei truh tơ ning-mônh.

Luka 1:33

Sư gô pơgơ̆r adrĕch adrung kon sâu Jakôp ling-lang ưh kơ đei layơ tôch.”

Luka 18:13

“Mă-lei bơngai mă chă iŏk jên thuê̆ noh oei ataih đơ̆ng bơngai Pharisi ei. Sư ưh kơ pơ̆n ngơk muh măt sư tơ plĕnh, mă-lei sư tŭr kơdih kơtơh păng khan: ‘Ơ 'Bok Kei-Dei, apinh Ih mơnat kơ inh 'biơ̆ yua kơ inh bơngai yoch.’ ”

Yo 5:26

'Noh kư̆m thoi 'Bă Sư gơh pơm tôm tơdrong arih, na 'Bă Sư ăn kơ Kon Sư gơh pơm tôm tơdrong arih thoi Sư mơ̆n.

Both 32:4

Kră Yang thoi Tơmo Tih 'lơ̆ng tôm; lu tơdrong Sư jang keh dang 'lơ̆ng tôm, trong Kră Yang tơpăt hơnơ̆ng. Sư boih Kră Yang 'Bok Kei-Dei sĭt, 'lơ̆ng tơpăt ưh kơ đei hơlĕnh. Sư tơpăt ling-lang 'lơ̆ng hơnơ̆ng.

I Tim 1:17

Bĕ bơ̆n ư-ang kơ 'Bok Kei-Dei, Sư Pơtao bơ̆n mă arih ling-lang. Đei minh 'nu Sư đĕch. Sư Kră Yang ưh kơ đei layơ lôch. Bơ̆n ưh kơ gơh 'bôh Sư ôh. Bĕ bơ̆n ư-ang kơ Sư ling-lang ưh kơ đei layơ tôch. A-men.

I Tim 6:16

Sư ưh kơ layơ lôch. Sư oei tơ anih rang mơnhal, ưh kơ đei bu gơh năm jê̆ Sư. Đơ̆ng sơ̆ khơ̆ ning-mônh kon bơngai ala teh ưh kơ đei bu 'bôh Sư. Na bĕ bơ̆n pơư pơang 'Bok Kei-Dei mă pơgơ̆r ling-lang. A-men.

Tơdrông Tơ'bôh 10:6

na sư pơma pơsĭt kơ đe 'bơ̆t anăp 'Bok Kei-Dei Kră Yang arih ling-lang ưh kơ đei layơ tôch, sư pơjing plĕnh tôm tơdrong kơpal plĕnh, pơjing teh tôm tơdrong kơpal teh, pơjing đak dơsĭ tôm tơdrong lăm đak dơsĭ. Na tơdrong sư pơma pơsĭt kơ đe noh khan: “'Bok Kei-Dei ưh pă wă gô dơ̆ng boih.

Tơdrông Tơ'bôh 11:15

Truh tơ linh jang 'lơ̆ng mă tơpơh hlôm keng, đei nơ̆r pơma re tơ plĕnh khan: “Dang ei tôm kơ adrĕch adrung kon bơngai ala teh Kră Yang bơ̆n pơgơ̆r ngăl boih. Sư kư̆m ăn kơ 'Bok Krist pơgơ̆r đĭ kơ adrĕch adrung kon bơngai mơ̆n, Sư pơgơ̆r ling-lang ưh kơ layơ tôch.”

Tơdrông Tơ'bôh 4:10

na đĭ-đăng 'bar-jĭt puăn 'nu lu đe kră ei 'nap kơkuh kơ 'Bok Pơtao mă oei tơ tang-dŏ, 'Bok mă arih ling-lang ưh kơ layơ tôch ei. Môk maih lu sư 'măn 'bơ̆t anăp tang-dŏ 'Bok Pơtao, na lu sư hơri thoi âu:

Tơdrông Tơ'bôh 4:9

Rim wơ̆t lu sem brem ei hơri ư-ang 'Bok Pơtao mă oei tơ tang-dŏ, 'Bok mă arih ling-lang ưh kơ layơ tôch,