Da 4:3 - Sơ̆p Hlabơar Nơ̆r 'Bok Kei-Dei

³ Ô! Dôm tơdrong mơsêh Sư tơdrong hlĭch chrơp Sư tih dêh tơpă, dêh char Sư jơ̆ dêh char oei oei ling-lang, tơdrong Sư pơgơ̆r oei oei rim jơhnơr.

Da 4:3 Iomraidhean Croise

Jop 25:2

Kră Yang chĕp tơdrong pơgơ̆r păng trŏ kơ hli yom: Kră Yang pơjing tơdrong rơngei hiôk-hian tơ kơpal plĕnh ti.

Horiso 104:24

Ơ Kră Yang, tơdrong jang Ih lơ tơpă. Hăm tơdrong gơh hơgei Ih pơjing tôm tơmam. Kơpal teh 'bĕnh-'bang kơ tơmam Ih.

Horiso 105:27

Lu sư pơm tơdrong hlĭch chrơp Kră Yang. Tŏk-bŏk lu đe noh. Pơm kơdranh hlĭch chrơp lăm dêh Cham.

Horiso 145:13

Dêh char Ih oei oei ling-lang tơdrong Ih pơgơ̆r dĭng truh tơ ning-mônh khŏm khŏm. Kră Yang pơsĭt dôm nơ̆r Sư pơkă. Ih 'mêm kơ đĭ dôm tơmam đêl Ih pơjing.

Horiso 66:7

Sư yua tơdrong mơsêh mơyang Sư pơgơ̆r ling-lang hloi; Măt Sư sek lăng lu dêh char: Ơ lu bơngai ayăt 'nĕ kơ pơang. Sêla

Horiso 72:18

Trŏ kơkuh bơnê kơ Kră Yang 'Bok Kei-Dei bơngai Isơrael, Lăp minh 'nu Sư đĕch pơm tơdrong hlĭch chrơp!

Horiso 77:19

Ih yak lăm đak dơsĭ. Trong Ih rok đak dơsĭ jrŭ, mă-lei đêl jơ̆ng Ih ưh kơ đei bu 'bôh.b

Horiso 86:10

Ih Kră Yang mơsêh, pơm tôm tơdrong hlĭch chrơp; Lăp minh 'nu Ih đĕch Kră Yang 'Bok Kei-Dei.

Horiso 92:5

Ơ Kră Yang, tơdrong jang Ih tih tơpă. Tơdrong tơchĕng Ih jrŭ dêh.

Êsai 25:1

Ơ Kră Yang Ih bơih Kră Yang 'Bok Kei-Dei inh! Inh ư-ang kơ Ih, inh bơnê pôk pơư kơ anăn Ih, Ih đei pơm boih tơdrong hlĭch, tơdrong Ih pơkă lê̆ đơ̆ng sơ̆, hăm tơdrong tơpăt sĭt.

Êsai 28:29

Tơdrong noh kư̆m lĕch đơ̆ng Kră Yang Tih Hloh, tơdrong tơchĕng Sư hlĭch chrơp dêh tơdrong gơh hơgei Sư 'lơ̆ng tih tơpă.

Êsai 9:7

Nơ̆r Kră Yang hơtă hil kơ Jakôp păng nơ̆r noh tuh ăn kơ Isơrael.

Je 10:10

Mă-lei Kră Yang jơ̆ 'Bok Kei-Dei sĭt; Sư jơ̆ Kră Yang 'Bok Kei-Dei arih; Pơtao ling-lang. Mưh Sư hil teh đak pơpơ̆; đĭ-đăng dêh char ưh kơ kĕ pŭ iŏk ôh dôm tơdrong Sư hil mĭl.”

Da 2:2

Thoi noh, na pơtao krao lu bơngai hơgei, lu pơjâu, lu bơngai Kalđê wă athei tơblang tơdrong pơtao đei apo 'bôh. Lu sư năm đĭ 'bơ̆t anăp 'Bok pơtao.

Da 2:44

Lăm chăl lu pơtao 'nâu Kră Yang 'Bok Kei-Dei kơpal plĕnh gô pơdŏng minh pôm dêh char ưh kơ đei layơ hiong răm, tơdrong dêh char noh pơgơ̆r ưh kơ đei minh adrĕch kon pơlei nai, kĕ tơgar iŏk, na sư iung pơrăm pơlôch đĭ lu dêh char mă đei adrol sơ̆ noh, na kơdih sư gô kơjăp ling-lang hloi.

Da 4:17

Tơdrong hơgăt noh đơ̆ng lu yŏng mă wei-lăng pơkă păng nơ̆r lu bơngai 'lơ̆ng rơgoh đei roi tơbăt, wă kơ lu bơngai oei arih băt kơ Kră Yang 'Bok Kei-Dei Tih hloh pơgơ̆r lăm teh đak kon bơngai; Sư wă ăn kơ bu mơ̆ng kơ Sư wă păng gô tơiung lu bơngai răm-'băm tơ anih pơgơ̆r noh.

Da 7:14

Sư đei tơdrong mơsêh, gơh kĕ, ư-ang păng đĭ dêh char, đĭ adrĕch kon bơngai, đĭ nơ̆r pơma awih awăn kơ Sư. Tơdrong pran kơtang, mơsêh mơyang tơdrong oei oei pơgơ̆r ling-lang ưh kơ tôch păng dêh char Sư đe pă đei pơrăm boih.

Da 7:27

Đơ̆ng noh tơdrong gơh kĕ pơgơ̆r dêh char pơtao, kơkuh pơyom jao ăn teh đak oei ala plĕnh, gô jao ăn kơ 'Bok 'lơ̆ng rơgoh Tih hloh. Dêh char pơtao Sư jing dêh char pơtao ling-lang, lu bơngai pơgơ̆r, bơ̆jang kơ Sư păng chu yom kiơ̆ nơ̆r Sư,

Rom 11:33

'Bok Kei-Dei pơm thoi noh bơ̆n băt kơ Sư 'mêm kơ bơ̆n tơpă păng bơ̆n kư̆m băt kơ Sư hơgei dêh. Na bơ̆n kon bơngai ưh kơ băt ôh tơdrong tơchĕng Sư thoi yơ.

Both 4:34

Hăm tam đei yang kiơ rơih iŏk minh adrĕch kon pơlei 'nâu đơ̆ng adrĕch kon pơlei nai kơ sư kơdih, hăm tơdrong pơlong lăng, hăm tơdrong hlĭch chrơp, hăm tơdrong mơsêh mơyang pran kơtang đơ̆ng ti sư, hăm tơdrong tơblah, hăm tơdrong hli krưp thoi đĭ-đăng tơdrong Kră Yang 'Bok Kei-Dei lu iĕm đei pơm boih kơ lu iĕm hăm dêh char Êyiptơ 'bơ̆t tơm măt lu iĕm?

I Tim 1:17

Bĕ bơ̆n ư-ang kơ 'Bok Kei-Dei, Sư Pơtao bơ̆n mă arih ling-lang. Đei minh 'nu Sư đĕch. Sư Kră Yang ưh kơ đei layơ lôch. Bơ̆n ưh kơ gơh 'bôh Sư ôh. Bĕ bơ̆n ư-ang kơ Sư ling-lang ưh kơ đei layơ tôch. A-men.

Hêbrơ 1:8

Mă-lei gah Kon Sư kơdih khan thoi âu: “Ih Kră Yang tơoei kơpal tang-dŏ pơgơ̆r ling-lang ưh kơ layơ tôch; Ih pơgơ̆r 'lơ̆ng tơpăt.

Hêbrơ 2:4

'Bok Kei-Dei ăn kơ lu bơngai noh gơh pơm lơ tơdrong mơsêh wă tơbăt kơ bơ̆n tơdrong noh sĭt tơpă. Păng Sư ăn kơ lu bơngai lui, Yang Bơhngol 'Lơ̆ng hơgei gơh pơm lơ tơdrong nai dơ̆ng, mă Sư ăn pơm kiơ̆ thoi Sư lăp đon.

I Pet 4:11

Dah Sư ăn kơ bơ̆n hơgei bơtho đe tơdrong Sư, bơ̆n athei adrin bơtho tơbăt kơ đe tơdrong Sư tơpă. Dah Sư ăn kơ bơ̆n hơgei gah tơdrong tơgŭm đe, bơ̆n athei gơnang kơ Sư tơpă, na bơ̆n gơh jang tơdrong tơgŭm đe. Thoi noh na đe băt kơ tơdrong jang bơ̆n, na ư-ang 'Bok Kei-Dei păng đe gô băt kơ bơ̆n đơ̆ng Yêsu Krist tơgŭm, yua kơ Sư mơsêh mơyang pơgơ̆r tôm tơdrong ưh kơ layơ tôch. A-men.

Tơdrông Tơ'bôh 11:15

Truh tơ linh jang 'lơ̆ng mă tơpơh hlôm keng, đei nơ̆r pơma re tơ plĕnh khan: “Dang ei tôm kơ adrĕch adrung kon bơngai ala teh Kră Yang bơ̆n pơgơ̆r ngăl boih. Sư kư̆m ăn kơ 'Bok Krist pơgơ̆r đĭ kơ adrĕch adrung kon bơngai mơ̆n, Sư pơgơ̆r ling-lang ưh kơ layơ tôch.”