Da 4:16 - Sơ̆p Hlabơar Nơ̆r 'Bok Kei-Dei

¹⁶ Tơplih lê̆ bĕ jơhngơ̆m đon sư, gô ăn kơ sư jơhngơ̆m kon sem brem; păng dĭng truh tơpơh sơnăm.

Da 4:16 Iomraidhean Croise

II Sam 18:32

Pơtao jet bơngai Kus: “Apsalôm kon tơdăm inh, hăm oei 'lơ̆ng akâu ưh?” Bơngai Kus tơl: “Rŏ kơ lu bơngai ayăt pơtao yŏng tơ'ngla inh, păng đĭ-đăng lu bơngai ayơ ayăt wă pơrăm pơtao; rŏ kơ kư̆m thoi tơdăm noh!”

Êsai 6:10

Pơm bĕ kơ kon pơlei 'nâu jơhngơ̆m lu sư arăng, đon tơngơl, măt lu sư bơbôl, Hli kơ măt lu sư gơh 'bôh đon lu sư kơtơ̆ng jơhngơ̆m lu sư hlôh kơnh lu sư wơ̆t brŏk păng gơh klaih.”

Da 11:13

Pơtao yă-nơ̆m wih pơpôi khŭl linh lơ hloh dơ̆ng; păng đang kơ noh dang minh kơchon sơnăm, sư anhăk ba lu khŭl linh lơ hloh păng tơmam tơblah kư̆m lơ.

Da 12:7

Inh kơtơ̆ng nơ̆r pơma bơngai hrŭk ao 'bui kok oei dơ̆ng kơpal đak glung noh, sư yơ̆r 'bar pah ti, 'ma păng ti 'ngiĕo, dơhlâu tơ plĕnh, dơhlâu tơ Kră Yang 'Bok Kei-Dei arih ling-lang păng khan thoi âu: Gô đei lăm minh chăl, lu chăl păng minh puăt chăl păng kơplah lu kon pơlei 'Bok Kei-Dei ưh pă kĕ pơgơ̆r boih, na dôm lu tơdrong âu keh đang.

Da 4:23

Gah tơdrong mă ih đei 'bôh minh 'nu Yang 'lơ̆ng rơgoh jur đơ̆ng plĕnh bơwei păng khan: Kăl păng chơ̆ng pơrăm lê̆ bĕ! Mă-lei athei 'măn lê̆ rơh păng tơm sư tơ lăm teh, dơng noh chô̆ bĕ sư hăm glang bơsei păng glang kong, tơ lăm tơmăn glă mir chŭn, lê̆ sư hngôm hơiuh kơ đak ngom jur đơ̆ng plĕnh; păng ăn kơ sư oei hơdai lu sem bri tơ tơmăn dĭng truh tơ tơpơh sơnăm.

Da 4:25

Đe gô pơpuh lê̆ ih đơ̆ng lăm kon bơngai păng ih gô oei hơdai hăm kon sem brem tơ bri, ih gô sa 'nhĕt thoi rơmo păng akâu jăn ih tŭk gô gom hơiuh đĭ-đăng truh tơpơh sơnăm, dĭng mă truh tơ ih 'blŏk băt kơ Kră Yang 'Bok Kei-Dei Tih hloh pơgơ̆r lăm teh đak kon bơngai păng Sư ăn kơ bu mơ̆ng kơ Sư wă.

Da 7:25

Pơtao noh sư gô blah pơma kơnê̆ kơ Kră Yang 'Bok Kei-Dei Tih hloh, pơm kơ lu bơngai 'lơ̆ng rơgoh Kră Yang Tih Hloh rơdu rơmơ̆n păng sư pơkă wă tơplih khôi juăt, tơplih tơdrong pơgơ̆r, kơplah noh đe gô pơjao lu bơngai 'lơ̆ng rơgoh lăm ti sư minh sơnăm, 'bar sơnăm, minh puăt sơnăm.

Da 7:28

dĭng dâu nơ̆r roi tơdrong tơ'bôh âu đĭ, gah inh Đaniel, tơdrong inh tơchĕng hơwơ̆l hơwang dêh. Muh măt inh jing dreng hơ'blă, mă-lei inh răk lăm đon inh dôm tơdrong noh.

Hêbrơ 1:11

Mă plĕnh teh gô hiong răm, gah Ih oei oei ling-lang. Plĕnh teh đĭ so dŏ so don thoi lĕ kơ hơbĕn ao so.

Tơdrông Tơ'bôh 12:14

Mă-lei 'Bok Kei-Dei ăn kơ bơngai drŏ-kăn ei minh blah ao pơnăr klang tih, wă kơ sư gơh păr jăk tơ anih kueng chơngue, tơ anih mă 'Bok Kei-Dei gô hiĕm 'me sư kơplah pêng sơnăm minh puăt. Na yă-grai ei sư tôch đon ưh kơ gơh pơm kiơ kơ sư.