Da 4:14 - Sơ̆p Hlabơar Nơ̆r 'Bok Kei-Dei

¹⁴ Sư ôr krao thoi âu: Kăl 'long noh bĕ păng chơ̆ng lê̆ dơng sư, pơm kơ hla sư hơlŭng bĕ păng săi hŭt lê̆ plei sư; puh tơweh bĕ lu sem bri đơ̆ng tơm sư păng puh sem păr weh đơ̆ng dơng sư!

Da 4:14 Iomraidhean Croise

Jop 24:20

Mĕ mă pŭ gô hiơt lê̆ kơ lu sư; Lu hrai gô sa lu sư; Đe ưh pă 'blŏk kơ lu sư dơ̆ng; Păng tơdrong kơnê̆ tơgơ̆ bŭk thoi tơm 'long.

Je 27:5

Inh boih Tơ'ngla pơjing kơ teh, kon bơngai păng lu kon sem brem kơpal teh đơ̆ng tơdrong mơsêh mơyang păng đơ̆ng ti pran kơtang Inh. Inh ăn teh âu kơ bu mơ̆ng kơ Inh lăp.

Je 51:6

Kơdâu lĕch bĕ đơ̆ng dêh char Babilôn, rim 'nu athei kơdâu wă pơklaih tơdrong arih kơdih akâu. 'Nĕ kơ lôch răm ôh yua kơ tơdrong yoch lu sư. Yua kơ trŏ boih năr Kră Yang pơm tơwih, Sư gô pơm tơwih trŏ thoi đe noh pơm boih,

Je 51:9

Lu bơ̆n adrin ming pơklaih dêh char Babilôn, Mă-lei sư ưh kơ kĕ klaih. Lê̆ sư loh, lu bơ̆n bu bu brŏk bĕ tơ char kơdih, tơdrong phak sư tih dêh tŏk truh tơ plĕnh, Kơjung truh tơ hơmơ̆l kok.

Êsêkiên 31:10

Na Kră Yang khan thoi âu: Yua kơ sư tih kơjung, kơnhŏng kơjung truh tơ hơmơ̆l hăm lu dơng tơ'bla hla trưp trap, lei na jơhngơ̆m sư pơang kơ akâu sư tih kơjung,

Da 2:21

Đơ̆ng Sư boih mă tơplih khei 'năr, bơyan, pơjing pơdơ̆ng pơtao păng ăn tơdrong gơh hơgei hlôh wao kơ lu bơngai hơgei păng ăn tơdrong hlôh băt kơ lu bơngai hơdah.

Da 3:4

'Bơ̆t ei na đei minh 'nu bơngai bơ̆jang pơih pơma, pơma 'bơ̆r re roi tơbăt khan: Đĭ kon pơlei đĭ dêh char, đĭ nơ̆r pơma 'nâu nơ̆r pơkă athei iĕm.

Da 4:12

Hla sư 'lơ̆ng plei sư trem, đĭ-đăng kon sem gơh sa plei sư, lu sem bri ngôi tơ ala yơ̆p sư, lu sem păr kôp tơ dơng sư păng lu kon bơngai sĕch akar oei arih đơ̆ng sư.

Da 4:23

Gah tơdrong mă ih đei 'bôh minh 'nu Yang 'lơ̆ng rơgoh jur đơ̆ng plĕnh bơwei păng khan: Kăl păng chơ̆ng pơrăm lê̆ bĕ! Mă-lei athei 'măn lê̆ rơh păng tơm sư tơ lăm teh, dơng noh chô̆ bĕ sư hăm glang bơsei păng glang kong, tơ lăm tơmăn glă mir chŭn, lê̆ sư hngôm hơiuh kơ đak ngom jur đơ̆ng plĕnh; păng ăn kơ sư oei hơdai lu sem bri tơ tơmăn dĭng truh tơ tơpơh sơnăm.

Da 4:29

Hlôi kơ mơjĭt-'bar khei, kơplah pơtao yak nơnăm rok cham hnam pơtao Babilôn.

Da 5:20

Mă-lei yua kơ jơhngơ̆m sư pơang kơdih akâu, arăng kơ̆l na jing pơang, na sư hiong boih tang-dŏ pơtao păng đe ưh pă ư-ang kơ sư.

Da 5:21

Tơweh lê̆ sư đơ̆ng anih kon bơngai, jơhngơ̆m đon sư thoi sem brem păng sư kư̆m oei thoi aseh bri. Sư arih sa 'nhĕt thoi rơmo păng akâu sư đak ngom kôp, tŭk đơ̆ng plĕnh jur gom sư, dĭng truh tơ sư băt 'blŏk kơ Kră Yang 'Bok Kei-Dei Tih hloh, pơgơ̆r dêh char kon bơngai păng Sư pôk bu pơm yŏng mơ̆ng kơ Sư.

Mathiơ 3:10

Sung Sư, Sư 'măn hiă rim kơ tơnơm 'long boih. Dah 'long ayơ ưh kơ đei plei 'lơ̆ng lei 'Bok Kei-Dei gô kăl tŭk 'long noh klơ̆m tơ ŭnh.

Mathiơ 7:19

'Long ayơ mă ưh kơ pơjing plei 'lơ̆ng, 'long 'noh đe kăl 'buh tŭk lăm ŭnh.

Luka 3:9

'Bok Kei-Dei sek tơlang kon bơngai, Sư pơlong lăng thoi âu: Sung Sư, Sư 'măn hiă rim kơ tơnơm 'long boih. Dah 'long ayơ ưh kơ đei plei 'lơ̆ng lei 'Bok Kei-Dei gô kăl tŭk 'long noh klơ̆m tơ ŭnh.”

Tơdrông Tơ'bôh 10:3

Sư tơjroh re dêh dang 'bơ̆r kiĕk arum. Đang sư tơjroh boih đei hloi grơ̆m glaih tơdrăng re jơwa tơpơh 'măng.

Tơdrông Tơ'bôh 18:2

Sư pơma 'bơ̆r re kơ đe thoi âu: “Pơlei Babilôn, pơlei tih dêh, pơchah răm boih, ăn ngôi kơ yang sơmăt mă đe anăn yang kơnê̆ oei, păng đĭ lu sem brem sem păr pơm tơpu oei hơdai lăm noh 'mê̆-'mach dêh.