Da 4:13 - Sơ̆p Hlabơar Nơ̆r 'Bok Kei-Dei

¹³ Inh lăng lu tơdrong lăm kơ̆l 'ngok inh 'bôh, kơplah inh oei 'bĭch kơpal giơng păng âu, inh đei 'bôh minh 'nu yang 'lơ̆ng rơgoh wei-lăng tơnơm 'long noh sư jur đơ̆ng plĕnh.

Da 4:13 Iomraidhean Croise

Jop 12:24

Sư iŏk lê̆ tơdrong hơgei đơ̆ng lu yŏng kơdră lăm tơring. Pơm kơ lu sư nơnăm wơ̆l kư̆ kă chă trong ưh kơ đei thoi lăm char glă.

Horiso 103:20

Hơri bơnê kơ Kră Yang: Ơ lu linh jang Kră Yang, lu yang mă đei jơhngơ̆m pran kơtang pơm kiơ̆ nơ̆r tơtă Sư; mơ̆ng kiơ̆ nơ̆r Sư khan.

Horiso 89:7

Kră Yang 'Bok Kei-Dei trŏ kơ hli yom tơpă lăm khŭl Yang 'lơ̆ng rơgoh. Sư Kră Yang Tih Hloh. Trŏ kơ hli krưp hloh kơ lu Yang tăp dăr kơ Sư.

Da 4:10

'Nâu mă dôm tơdrong inh đei 'bôh tơ lăm kơ̆l inh kơplah inh oei 'bĭch kơpal giơng. Inh pơglăn lăng na 'nâu, tơ lăm teh âu đei tơm 'long tih hlĭch tơpă.

Da 4:17

Tơdrong hơgăt noh đơ̆ng lu yŏng mă wei-lăng pơkă păng nơ̆r lu bơngai 'lơ̆ng rơgoh đei roi tơbăt, wă kơ lu bơngai oei arih băt kơ Kră Yang 'Bok Kei-Dei Tih hloh pơgơ̆r lăm teh đak kon bơngai; Sư wă ăn kơ bu mơ̆ng kơ Sư wă păng gô tơiung lu bơngai răm-'băm tơ anih pơgơ̆r noh.

Da 4:23

Gah tơdrong mă ih đei 'bôh minh 'nu Yang 'lơ̆ng rơgoh jur đơ̆ng plĕnh bơwei păng khan: Kăl păng chơ̆ng pơrăm lê̆ bĕ! Mă-lei athei 'măn lê̆ rơh păng tơm sư tơ lăm teh, dơng noh chô̆ bĕ sư hăm glang bơsei păng glang kong, tơ lăm tơmăn glă mir chŭn, lê̆ sư hngôm hơiuh kơ đak ngom jur đơ̆ng plĕnh; păng ăn kơ sư oei hơdai lu sem bri tơ tơmăn dĭng truh tơ tơpơh sơnăm.

Da 4:5

Inh đei apo 'bôh pơm kơ inh hli tơtăm; dôm tơdrong inh tơchĕng 'bơ̆t inh oei kơpal giơng păng dôm kơ̆l 'ngok inh 'bôh pơm kơ inh hơwơ̆l hơwang.

Da 7:1

Sơnăm blŭng-a chăl pơtao Belsatsar pơgơ̆r, teh đak Babilôn, Đaniel apo 'bôh păng đei 'bôh lăm tơdrong tơchĕng kơplah sư oei 'bĭch kơpal giơng sư. Na sư chih hloi dôm tơdrong apo noh păng roi tơblang lu tơdrong noh.

Da 7:17

Puăn tŏ sem brem tih, wă khan puăn 'nu pơtao wă iung blah teh âu.

Da 7:23

Thoi ei na sư khan kơ inh: Sem brem mă puăn Sư gô pơjing dêh char mă puăn tơ kơpal teh, dêh char sư phara kơ Dêh char nai, yua kơ sư gô luăn pơđĭ teh đak, pơjuă păng pơrăm đĭ.

Da 8:13

Đơ̆ng noh inh kơtơ̆ng đei minh 'nu Yang rơgoh oei pơma păng minh 'nu Yang rơgoh nai dơ̆ng pơma dơnuh hăm Yang rơgoh mă oei pơma noh, thoi âu: Tơdrong tơ'bôh âu gah tơmam soi juăt kơ pơyơ̆r âu dang yơ gơh pơyơ̆r dơ̆ng păng gah tơdrong yoch mă đei tơdrong pơrăm, wă jao lu linh păng anih rơgoh wă pơjuă gơhlơ̆r hăm jơ̆ng, dĭng dang yơ đĭ?

Sa 14:5

Lu iĕm gô kơdâu ôn tơ lăm sơlŭng trôm kông, yua kơ sơlŭng noh să truh tơ Atsan, lu iĕm gô kơdâu ôn thoi đe kơdâu đơ̆ng teh tơdrŏ chăl Ôsia, pơtao đe Juđa. Dang ei Kră Yang 'Bok Kei-Dei inh gô truh, đĭ-đăng lu bơngai 'lơ̆ng rơgoh gô truh hơdai ih.

Mathiơ 25:31

“Năr ei kơnh Inh Kon Bơngai mơsêh tih-tin 'lơ̆ng rŏ jur tơ teh âu hơdai păng lu linh jang 'lơ̆ng, Inh gô oei kơpal tang-dŏ pơtao 'lơ̆ng rŏ.

Markôs 1:24

“Ơ Yêsu đơ̆ng Pơlei Nasaret, Ih wă pơm kiơ kơ khŭl nhôn? Ih năm tơ âu wă pơrăm khŭl nhôn hă? Inh băt kơ Ih, Ih 'Bok 'Lơ̆ng Tơpăt đơ̆ng 'Bok Kei-Dei.”

Luka 4:34

“Êi, Yêsu đơ̆ng Pơlei Nasaret, Ih wă pơm kiơ kơ khŭl nhôn? Inh băt mơ̆n Ih năm tơ âu wă pơrăm khŭl nhôn lah. Inh băt kơ Ih, Ih 'Bok 'Lơ̆ng Tơpăt đơ̆ng 'Bok Kei-Dei.”

Both 33:2

Sư khan: Kră Yang truh đơ̆ng kông Sinai. Pơchrang hơdah kơpal lu bơ̆n đơ̆ng Seirơ, păng rang mơnhal đơ̆ng Kông Paran; Sư truh hăm lơ rơbâu hơngan linh jang, Rang hơdah kơmlat lĕch đơ̆ng ti 'ma Sư.

Ju 1:14

Ênŏk sư kon sâu jơhnơr mă tơpơh, jô̆ đơ̆ng jơhnơr Ađam. Sư đei pơma khan lê̆ hơdrol gah lu bơngai noh sơ̆ thoi âu: “Kră Yang wă jur hăm dôm rơbâu rơngan 'nu lu linh jang 'lơ̆ng Sư,

Tơdrông Tơ'bôh 14:10

bơngai noh 'Bok Kei-Dei hil areh tơpă, dang ăn kơ sư et sik hrăp, sik noh 'Bok Kei-Dei tring tơ kơchŏk 'nhŭ tăng hơ̆-hang. Bơngai noh gô hăl hang oei tơ anih pơmat-tat tơ lăm dơnâu ŭnh tơbang 'bơ̆t anăp lu linh jang 'lơ̆ng păng Kon Triu.