Da 2:2 - Sơ̆p Hlabơar Nơ̆r 'Bok Kei-Dei

² Thoi noh, na pơtao krao lu bơngai hơgei, lu pơjâu, lu bơngai Kalđê wă athei tơblang tơdrong pơtao đei apo 'bôh. Lu sư năm đĭ 'bơ̆t anăp 'Bok pơtao.

Da 2:2 Iomraidhean Croise

Bl 41:8

Pơgê dơning, jơhngơ̆m sư hiơ̆k bơngơ̆t, na athei krao lu bơngai hơgei, lu bơngai juăt kơ tơblang lăm dêh Êyiptơ năm tơ sư, na pơtao roi dôm tơdrong sư apo 'bôh noh lu sư mơ̆ng, mă-lei ưh kơ đei bu gơh tơblang ăn tơdrong apo noh kơ pơtao.

Esther 1:13

Pơtao mưh sư đei tơdrong truh sư juăt kơ apinh lu bơngai hơgei lu bơngai băt tơdrong juăt păng băt kơ sek tơlang.

Le 7:11

Na Pharaôn krao hloi lu 'bok hơgei păng 'bok pơjâu; lu bơngai gơh pơm tơwir lăm char Êyiptơ kư̆m pơm lei-lăi thoi lu sư gơh tơwir.

Êsai 19:3

Lu đe Êyiptơ gô rơdu, inh gô pơrăm lê̆ tơdrong tơdă lu sư hơmet wă pơm, lu sư gô krao chă lu rup yang, lu pơjâu, lu pơjâu pơma dơnuh hăm bơhngol bơngai lôch, lu pơjâu tơwir.

Êsai 8:19

Tơdah đei bu khan kơ iĕm Năm apinh jet bĕ lu pơjâu pơma hăm lu bơngai lôch, lu pơma bơlăm thoi sem păng pơma ưh kơ rơđah ôh khan bĕ kơ lu sư: Ưh kơ trŏ ôh hă kon pơlei năm apinh jet Kră Yang 'Bok Kei-Dei lu sư kơdih? Wă tơgŭm ăn kơ bơngai arih, liơ năm apinh jet bơngai lôch?

Da 1:20

Na pơtao apinh lu sư tôm tơdrong gah tơdrong gơh hơgei, na 'bôh lu sư gơh hơgei hloh kơ bơngai păng bơngai tơwir lăm jơ̆p kơ dêh char sư mơjĭt wơ̆t 'mơ̆i.

Da 1:4

Năm ba lu hơ'lơ̆p drŏ-nglo 'lơ̆ng huay kơ đei jĭ jăn, muh măt 'lơ̆ng hơbŏ, đei dôm tơdrong gơh hơgei, gơh tơchĕng hlôh wao, gơh băt dôm tơdrong, gơh jang tơ lăm anih hnam pơtao, bơtho kơ lu sư tơdrong gơh hơgei păng nơ̆r pơma bơngai Kalđê.

Da 2:10

Lu bơngai Kalđê khan dơ̆ng kơ pơtao thoi âu: Ưh kơ đei minh 'nu bơngai bu ala teh âu gơh tơblang ăn tơdrong ih apo noh; yua kơ ưh kơ đei pơtao ayơ păng yŏng mơng pơgơ̆r ayơ mă pơtă tơdrong thoi noh kơ lu bơngai pơjâu lăng sơnglŏng dah lu bơngai Kalđê tơblang.

Da 2:27

Đaniel dơ̆ng 'bơ̆t anăp pơtao drơ̆ng thoi âu: Tơdrong hlơp mă pơtao wă kơ băt, na mă dôm lu bơngai hơgei lu bơngai hlôh wao, lu pơjâu tă ưh kơ đei bu gơh tơblang ăn kơ ih băt ôh.

Da 3:8

Kơplah noh dôm lu bơngai hơgeia năm jê̆ răp lăng wă kêng lu bơngai Juđa.

Da 4:3

Ô! Dôm tơdrong mơsêh Sư tơdrong hlĭch chrơp Sư tih dêh tơpă, dêh char Sư jơ̆ dêh char oei oei ling-lang, tơdrong Sư pơgơ̆r oei oei rim jơhnơr.

Da 4:6

Thoi noh inh chih roi tơbăt, athei ba đĭ-đăng lu bơngai hơgei lăm char Babilôn năm truh tơ inh, wă kơ lu sư tơblang tơdrong inh apo 'bôh.

Da 5:7

Pơtao krao ôr athei đe krao lu bơngai hơgei, lu bơngai gơh tơwir lu pơjâu bơngai Kalđê truh. Đơ̆ng noh, pơtao khan kơ bơngai hơgei, lu bơngai pơjâu bơngai Kalđê lăm Babilôn thoi âu: Bu gơh đŏk chư 'nâu? Păng gơh tơblang ăn kơ inh băt, lei sư noh inh gô pơhrŭk ăn kơ sư ao pơtao, gơh đei 'băk kon kiơng maih tơ hơko sư păng jing bơngai pơm tih mă pêng lăm lu kuan pơgơ̆r teh đak.

I Sam 6:2

Bơngai Philistin krao lu 'bok soi păng 'bok pơjâu, na jet khan: Bơ̆n wă pơm liơ kơ Hom Pơgơ̆p Kră Yang? Roi bĕ kơ lu nhôn băt pơm thoi yơ gơh pơdrâu Hom Pơgơ̆p noh tơ anih so.