Da 2:18 - Sơ̆p Hlabơar Nơ̆r 'Bok Kei-Dei

¹⁸ Sư apinh buăl sư krao khan hơpơi kơ Kră Yang 'Bok Kei-Dei mơnat kơ lu sư tơ'bôh ăn tơdrong hlơp noh, wă kơ Đaniel hăm lu buăl sư huay kơ đe pơlôch, hơdai hăm lu bơngai hơgei đe Babilôn.

Da 2:18 Iomraidhean Croise

Bl 18:28

Dah pơđăm-jĭt 'nu ưh kơ tôm oei pă pơđăm 'nu, Ih kư̆m wă pơlôch đĭ pơlei hă?” Kră Yang tơl thoi âu: “Dah Inh đei 'bôh lăm noh đei puăn-jĭt pơđăm 'nu, Inh ưh kơ pơlôch pơlei noh ôh.”

Horiso 136:26

Athei bơnê bĕ kơ Kră Yang 'Bok Kei-Dei kơpal plĕnh. Tơdrong 'mêm Sư oei oei ling-lang.

Horiso 50:15

Lăm năr anat anot krao bĕ Inh. Inh gô pơklaih ih, na ih gô bơnê ư-ang kơ Inh.”

Horiso 91:15

Sư gô krao khan apinh Inh, Inh gô tơl tơwih kơ sư; Lăm năr pơmat-tat, Inh oei hơdai sư, dŏng pơklaih sư păng pôk pơư kơ sư.

Êsai 37:4

Rŏ lăng Kră Yang 'Bok Kei-Dei ih gô kơtơ̆ng dôm nơ̆r Rapsaka pơma, bơngai đơ̆ng pơtao Asiri wơh sư năm tơ âu wă pơma pơjăm Kră Yang 'Bok Kei-Dei arih ling-lang păng Kră Yang gô phak sư kiơ̆ thoi dôm nơ̆r mă Kră Yang 'Bok Kei-Dei kơtơ̆ng bơih, noh bơih ih krao khan bĕ kơ lu bơngai mă oei oei tơ âu!”

Je 33:3

Krao apinh Inh bĕ, Inh gô tơl tơwih; Inh gô tơ'bôh ăn kơ ih tơdrong tih jrŭ păng tơnat kơ hlôh, dôm tơdrong mă ih ưh tam mă băt.”

Êsêkiên 36:37

Kră Yang khan thoi âu: “Inh kư̆m ăn kơ adrĕch adrung Isơrael chă apinh Inh tơdrong 'nâu, ăn kơ lu sư rai lơ kơdrâ̆m thoi khŭl triu,

Da 2:23

Ơ Kră Yang 'Bok Kei-Dei inh! Inh bơnê păng ư-ang kơ Ih, yua kơ đơ̆ng Ih ăn kơ inh tơdrong hlôh wao gơh hơgei păng tơdrong mơsêh dang ei, Ih ăn boih kơ inh jing băt kơ tơdrong mă lu nhôn krao khan apinh, na roi tơbăt ăn kơ nhôn băt kơ tơdrong pơtao apo.

Da 3:17

'Nâu ơ pơtao! Kră Yang 'Bok Kei-Dei mă lu nhôn oei bơ̆jang, Sư gô dŏng pơklaih lu nhôn klaih đơ̆ng ŭnh kơdơ̆r noh. Păng sĭt gô pơklaih lu nhôn đơ̆ng ti ih.

Da 4:26

Bê̆ tơdrong đei khan boih 'măn lê̆ tơm hăm rơh 'long 'noh, wă khan dang yơ ih băt kơ Kră Yang 'Bok Kei-Dei Tih hloh pơgơ̆r teh đak kon bơngai kơplah noh tơdrong pơgơ̆r gô tơwih kơ ih.

Jôna 1:9

Sư tơl thoi âu: Inh bơngai Hêbrơ păng inh bơngai hli yom kơ Kră Yang 'Bok Kei-Dei kơpal plĕnh, Sư Tơ'ngla pơjing kơ plĕnh teh păng đak dơsĭ. Inh klĕnh đơ̆ng Sư.

Malachi 3:18

Dang ei lu iĕm gô wih brŏk păng Inh klah lu bơngai tơpăt hăm lu bơngai pơm yoch kơnê̆ pha; lu bơngai bơ̆jang kơ 'Bok Kei-Dei hăm lu bơngai ưh kơ bơ̆jang kơ Sư pha.”

Mathiơ 18:12

“Pơtih gia minh 'nu bơngai đei minh-hrĕng tŏ triu na hiong minh pôm tơ nai, sư lê̆ tơsĭn-jĭt tơsĭn noh chă sa tơ groi, na tơ'ngla sư năm chă minh pôm hiong noh tơ̆p 'bôh.

Mathiơ 18:19

Inh khan dơ̆ng thoi âu, dah 'bar 'nu bre bu oei tơ teh âu pôm đon dih băl krao khan wă apinh Sư tơdrong kiơ, 'Bă bơ̆n mă oei tơ plĕnh ti Sư gô asong tơdrong bre bu mă apinh noh tơpă.

Jang 12:4

Hêrôt tah Pêtrôs lăm hnam phak. Sư ăn kơ mơjĭt-tơdrâu 'nu linh gak Pêtrôs. Đang kơ giĕng boih Hêrôt wă pơlôch Pêtrôs 'bơ̆t anăp đe Juđê ră.

Rom 15:30

Ơ lu 'nhŏng oh, yua kơ bơ̆n lui kơ Kră Yang bơ̆n Yêsu Krist păng yua kơ Yang Bơhngol 'Lơ̆ng ăn kơ bơ̆n đei đon 'mêm mơnat dih băl tơduă bơ̆n bơngai lui, na inh apinh iĕm adrin krao khan kơ 'Bok Kei-Dei tơgŭm inh hŏ,

II Pet 2:9

Thoi noh bơ̆n băt nhên boih, 'Bok Kei-Dei băt, gơh pơklaih dôm lu bơngai kơkuh kơ Sư đơ̆ng tơdrong pơmat-tat; păng bơ̆n kư̆m băt Sư oei phak dôm lu bơngai pơm kơnê̆, truh tơ năr Sư wă sek tơlang ning-mônh.

I Sam 17:37

Đawit khan dơ̆ng: Kră Yang pơklaih boih inh đơ̆ng dăm-brang păng đơ̆ng chơgơu, Sư kư̆m gô pơklaih inh mơ̆n đơ̆ng ti bơngai Philistin to noh, Sôl drơ̆ng: Năm bĕ, hơpơi Kră Yang oei hơdai hăm ih!