Da 2:11 - Sơ̆p Hlabơar Nơ̆r 'Bok Kei-Dei

¹¹ Yua kơ tơdrong pơtao wă apinh noh khăi dêh păng ưh kơ đei bu gơh băt gơh tơblang tơdrong apo noh kơ 'bok pơtao, hli kơ lu yang đĕch gơh, yang mă ưh kơ oei arih hăm sĕch akar âu.

Da 2:11 Iomraidhean Croise

Bl 41:39

Pharaôn pơma păng Jôsep khan: Yua kơ Kră Yang 'Bok Kei-Dei ăn boih kơ ih băt tơdrong âu, na pă đei bu hơgei hlôh wao thoi ih boih.

Bl 41:8

Pơgê dơning, jơhngơ̆m sư hiơ̆k bơngơ̆t, na athei krao lu bơngai hơgei, lu bơngai juăt kơ tơblang lăm dêh Êyiptơ năm tơ sư, na pơtao roi dôm tơdrong sư apo 'bôh noh lu sư mơ̆ng, mă-lei ưh kơ đei bu gơh tơblang ăn tơdrong apo noh kơ pơtao.

I Pot 8:27

Mă-lei Kră Yang, tơpă Ih wă oei tơ lăm teh âu? Mă đĭ-đăng lu plĕnh jơ̆p-jang kơpal plĕnh kư̆m tam mă mah kơ oei, pơma kơ kiơ Hnam akŭm âu đơ̆ng inh pơjing ăn kơ Ih.

II Ho 6:18

Hăm tơpă Kră Yang 'Bok Kei-Dei oei hơdai hăm kon bơngai tơ ala teh âu? Tơ plĕnh mă đĭ hơtăl plĕnh, kư̆m ưh kơmah kơ Ih, pơma kiơ hnam mă inh pơm boih 'nâu!

Horiso 132:14

“Âu boih anih Inh mă pơdơh ling-lang hlŏng hloi. Inh gô oei tơ âu, Yua kơ inh wă thoi noh.

Horiso 68:18

Kră Yang oei tơ kơpal kông. Anhăk ba lu bơnă; Kră Yang iŏk tơmam đơ̆ng kon bơngai pơyơ̆r, Păng kư̆m iŏk đơ̆ng lu bơngai ayăt mơ̆n. Kră Yang Kră Yang 'Bok Kei-Dei gô oei hơdai hăm sư.

Le 29:45

Inh gô oei hơdai hăm lu kon pơlei Isơrael, pơm Kră Yang 'Bok Kei-Dei lu sư.

Le 8:19

Lu bơngai pơjâu khan kơ Pharaôn, 'Nâu boih hơnglâu ti Kră Yang 'Bok Kei-Dei; mă-lei Pharaôn oei arăng kơ̆l ưh kơ chu, ưh kơ mơ̆ng Môis păng Arôn thoi nơ̆r Kră Yang khan boih.

Êsai 47:12

Pơm dơ̆ng bĕ, pơm dôm tơdrong tơwir pơm pơjâu mơsêh hơlĕnh, mă ih nŏng kơ adrin pơhrăm đơ̆ng oei 'lơ̆p nge! Rŏ lăng gô pơyua kơ ih; rŏ lăng đơ̆ng tơdrong 'noh na ih gô tơhli đe?

Êsai 57:15

Yua kơ Tơ'ngla Tih Hloh kơ đĭ-đăng, Tơ'ngla oei đei ling-lang. Anăn Sư Kră Yang 'Lơ̆ng Rơgoh, đei khan thoi âu: “Inh oei tơ anih kơpal hloh păng 'Lơ̆ng Rơgoh. Mă-lei kư̆m oei hơdai hăm bơngai đei jơhngơ̆m sơ'ngon tơbral tơdrong yoch, wă tơiung ming jơhngơ̆m lu bơngai băt tơjur akâu, wă pơlung jơhngơ̆m lu bơngai băt sơ'ngon kơdih yoch.

Êsai 8:18

Âu, inh hăm lu kon mă Kră Yang Sư ăn bơih kơ inh noh tơdra wă pơsĭt lăm Isơrael đơ̆ng Kră Yang Tih Hloh. Tơ'ngla oei kơpal kông Siôn.

Da 4:4

Inh Nebukatnessar, oei pơdơh hiôk lăm hnam inh păng rai ư-ang lăm hnam pơtao inh.

Da 5:11

Tơ lăm dêh char đei minh 'nu bơngai, đei Yang Bơhngol 'Lơ̆ng oei, lăm chăl 'bă ih đe đei 'bôh tơ lăm sư đei tơdrong hơdah, đei tơdrong hơgei, đei đon hlôh wao, tơdrong gơh hơgei nhen thoi Yang. Thoi noh pơtao Nebukatnessar, 'bă ih, kơdih akâu 'bă ih đei pôk boih sư noh pơm yŏng jing kơ̆l kơ đĭ-đăng lu bơngai hơgei păng lu bơngai pơjâu, lu bơngai hơgei gơh tơwir lăm adrĕch Kalđê.

Jôel 3:21

Inh gô iung kơting pham lu sư mă Inh ưh tam mă iung kơting; yua kơ Kră Yang oei lăm kông Siôn.

Jo 35:34

Thoi noh, lu iĕm 'nĕ pơm mơgrĭ kơnê̆ 'mê̆ brư̆ kơ teh đak mă lu iĕm wă oei noh, Inh oei; Inh boih Kră Yang oei hơdai lu adrĕch bơngai Isơrael.

Mathiơ 19:26

Yêsu lăng lu sư păng khan: “Kon bơngai ưh kơ gơh mơ̆t kơdih tơ dêh char 'Bok Kei-Dei ôh, dah 'Bok Kei-Dei ưh kơ pơklaih yoch sư. 'Bok Kei-Dei pơklaih yoch sư na sư gơh mơ̆t, yua kơ 'Bok Kei-Dei gơh pơm tôm tơdrong.”

Yo 1:14

Yêsu Krist dang nơ̆r 'Bok Kei-Dei, Sư jur jing kon bơngai. Sư oei hơdai păng kon bơngai bơ̆n. Bơngai bơ̆n 'bôh Sư gơh pơm tơdrong mơsêh mơyang; Sư 'noh boih Kon pôm 'Bok Kei-Dei tơpă; Sư 'mêm mơnat kơ bơ̆n, pơklaih bơ̆n đơ̆ng tơdrong yoch păng tơbăt ăn kơ bơ̆n tơdrong 'Bok Kei-Dei tơpă.

Yo 14:17

Lu bơngai oei ala teh âu mă ưh kơ lui, lu sư ưh kơ gơh sơng iŏk Sư ôh, kơlih kơ lu sư ưh kơ gơh 'bôh Sư păng ưh kơ băt kơ Sư. Mă-lei iĕm, iĕm băt kơ Sư, kơlih kơ Sư oei păng iĕm, Sư kư̆m gô oei lăm jơhngơ̆m iĕm mơ̆n.

Yo 14:23

Yêsu khan kơ sư: “Bơngai bu 'mêm kơ Inh, bơngai 'noh sư gô lui yom kơ tơdrong Inh bơtho. 'Bă Inh 'mêm kơ sư, na nhi 'Bă Inh jur oei hăm sư.

II Kor 6:16

Hnam 'Bok Kei-Dei hăm rup yang nai ưh kơ gơh tơmơ̆t băl ôh. Lu bơ̆n kư̆m dang hnam oei 'Bok Kei-Dei mă arih ling-lang, yua kơ Sư khan boih thoi âu: “Inh wă oei hơdai iĕm, nơnăm hơdai iĕm; Inh pơm Kră Yang iĕm, iĕm jing kon pơlei pơla Inh.”

Tơdrông Tơ'bôh 21:3

Păng inh kư̆m kơtơ̆ng 'bơ̆r đe pơma re đơ̆ng tang-dŏ 'Bok Kei-Dei khan thoi âu: “'Nâu boih đe khan 'Bok Kei-Dei oei hơdai hăm kon bơngai. Sư oei tŏk-bŏk hăm kon bơngai, na kon bơngai jing kon Sư păng Sư jing Kră Yang kon bơngai.