Da 12:7 - Sơ̆p Hlabơar Nơ̆r 'Bok Kei-Dei

⁷ Inh kơtơ̆ng nơ̆r pơma bơngai hrŭk ao 'bui kok oei dơ̆ng kơpal đak glung noh, sư yơ̆r 'bar pah ti, 'ma păng ti 'ngiĕo, dơhlâu tơ plĕnh, dơhlâu tơ Kră Yang 'Bok Kei-Dei arih ling-lang păng khan thoi âu: Gô đei lăm minh chăl, lu chăl păng minh puăt chăl păng kơplah lu kon pơlei 'Bok Kei-Dei ưh pă kĕ pơgơ̆r boih, na dôm lu tơdrong âu keh đang.

Da 12:7 Iomraidhean Croise

Jop 27:2

Kră Yang 'Bok Kei-Dei arih pơm kơdranh kơ inh, Sư ưh kơ wă sek ăn kơ inh tơpăt Kră Yang Tih Hloh, pơm kơ chăl arih inh chhŭr nuih.

Êsai 62:12

Đe gô krao lu sư Kon Pơlei Rơgoh. Kon pơlei mă Kră Yang huai iŏk; gah ih đe gô krao kơ ih pơlei tih đe chơchă, pơlei mă ưh pă hŭt lê̆ juơ dơ̆ng.

Je 4:2

Tơdah iĕm pơkă sĭt hăm tơdrong tơpăt hơnơ̆ng, tơdrong trŏ thoi Kră Yang arih sĭt lei teh đak gô đei pŭn hiôk đơ̆ng Sư, Păng lu sư gô ư-ang kơ Kră Yang,”

Êsêkiên 20:5

Athei khan kơ lu sư: ‘Kră Yang khan thoi âu: Kơplah Inh rơih iŏk Isơrael. Inh pơkă hăm lu adrĕch adrung Jakôp, ăn kơ lu sư băt kơ Inh lăm char Êyiptơ, Inh đei yơ̆r ti Inh pơkă pơkăm hăm lu sư, thoi âu: “Inh boih Kră Yang 'Bok Kei-Dei lu iĕm;

Da 10:5

Inh bơyar măt inh păng lăng 'bôh, minh 'nu hrŭk ao che 'bui kok, tơ̆n tơlei tơ̆n păng maih rơgoh Upha.

Da 11:13

Pơtao yă-nơ̆m wih pơpôi khŭl linh lơ hloh dơ̆ng; păng đang kơ noh dang minh kơchon sơnăm, sư anhăk ba lu khŭl linh lơ hloh păng tơmam tơblah kư̆m lơ.

Da 12:6

Minh 'nu bơngai apinh bơngai hrŭk ao che brai se oei dơ̆ng kơpal đak glung, thoi âu: Truh năr tôch lu tơdrong hlĭch 'nâu hăm pă đunh?

Da 12:8

Inh, Đaniel, kơtơ̆ng dôm lu tơdrong noh, mă-lei inh ưh kơ hlôh. Păng inh khan thoi âu: Ơ! Kră Yang 'Bok Kei-Dei inh, tuch-luch kơ lu tơdrong 'nâu gô jing thoi yơ?

Da 4:31

Nơ̆r pơma tam mă tôch, na đei hloi nơ̆r đơ̆ng plĕnh ti khan thoi âu: Ơ pơtao Nebukatnessar, đei tơbăt kơ ih boih: Anih pơtao pă đei tơ ih boih.

Da 4:34

Dĭng truh tôch kơ năr đêl pơkă, inh âu, Nebukatnessar inh ngoi muh măt tơ plĕnh, tơdrong hơgei đei dơ̆ng tơ inh păng inh pơư pơang anăn Kră Yang 'Bok Kei-Dei Tih hloh. Inh gô pơư pơang anăn Kră Yang 'Bok Kei-Dei mă arih ling-lang, dêh char Sư oei đei đơ̆ng chăl âu truh tơ chăl nai.

Da 7:21

Kơplah noh inh oei lăng hơke tơblah hăm lu 'Bok 'lơ̆ng rơgoh jei sư,

Da 7:25

Pơtao noh sư gô blah pơma kơnê̆ kơ Kră Yang 'Bok Kei-Dei Tih hloh, pơm kơ lu bơngai 'lơ̆ng rơgoh Kră Yang Tih Hloh rơdu rơmơ̆n păng sư pơkă wă tơplih khôi juăt, tơplih tơdrong pơgơ̆r, kơplah noh đe gô pơjao lu bơngai 'lơ̆ng rơgoh lăm ti sư minh sơnăm, 'bar sơnăm, minh puăt sơnăm.

Da 8:14

Inh kơtơ̆ng bơngai noh tơl inh thoi âu: Dĭng truh tơ 'bar-rơbâu pêng-hrĕng kơsơ̆ păng pơgê; đơ̆ng rŏng kơ noh anih rơgoh gô rơgoh đĭ.

Da 8:24

Tơdrong pơgơ̆r sư rai tih, mă-lei ưh kơ trŏ kơ đơ̆ng jơhngơ̆m pran sư kơdih. Sư pơm dôm tơdrong pơrăm pơrai hlĭch tơpă; păng đei jing jei thoi sư wă; pơlôch pơrăm dôm lu bơngai pơgơ̆r păng kon pơlei 'lơ̆ng rơgoh.

Luka 21:14

Iĕm 'nĕ kơ mah tơchĕng hơdrol kơ tơdrong iĕm wă pơma dŏng akâu iĕm kơdih 'bơ̆t anăp lu sư,

Luka 21:24

Đe gô koh pơlôch lu sư păng đao. Đe gô rôp lu sư, anhăk lu sư jơ̆p kơ teh đak pơm bơnă đe. Lu bơngai dêh đe gô pơjuă pơđep Pơlei Jêrusalem truh tơ 'Bok Kei-Dei ăn kơ sư rơngei đơ̆ng lu bơngai dêh đe ning-mônh.

Both 26:19

Sư kư̆m khan ăn kơ iĕm tơdrong ư-ang păng tơdrong pơyom hloh kơ đĭ-đăng adrĕch adrung mă Sư đei pơjing păng iĕm jing minh adrĕch 'lơ̆ng rơgoh ăn kơ Kră Yang 'Bok Kei-Dei iĕm, kư̆m thoi Sư đei khan boih.

Both 32:36

Trŏ boih Kră Yang gô sek tơlang kơ kon pơlei Sư. 'Mêm mơnat kơ đĭch đam Sư. Kơplah Kră Yang 'bôh jơhngơ̆m lu sư gleh lap đĭ boih, ưh pă đei bu oei đĭch dah yŏng tơ'ngla lu sư.

Both 32:40

Inh yơ̆r ti tơhlâu tơ plĕnh păng khan: Tơpă Inh oei arih ling-lang.

Both 7:6

Yua kơ iĕm jing minh adrĕch 'lơ̆ng rơgoh ăn kơ Kră Yang 'Bok Kei-Dei iĕm; Sư rơih iŏk iĕm đơ̆ng lu adrĕch kơpal teh đak âu. Wă kơ iĕm jing kon pơlei pơla Sư.

I Pet 2:9

Mă-lei gah bơ̆n, Sư rơih iŏk bơ̆n wă kơ bơ̆n jing adrĕch adrung Sư, bơ̆n kư̆m thoi lu bơngai soi kơ 'Bok Kei-Dei Pơtao bơ̆n, bơ̆n dang pơlei pơla Sư, teh đak Sư boih. Sư ăn kơ bơ̆n jing kon Sư wă kơ bơ̆n ră roi kơ đe dôm tơdrong 'lơ̆ng Sư pơm. Sư boih krao iŏk bơ̆n đơ̆ng anih măng mu oei tơ anih hơdah Sư dang ei.

Tơdrông Tơ'bôh 12:14

Mă-lei 'Bok Kei-Dei ăn kơ bơngai drŏ-kăn ei minh blah ao pơnăr klang tih, wă kơ sư gơh păr jăk tơ anih kueng chơngue, tơ anih mă 'Bok Kei-Dei gô hiĕm 'me sư kơplah pêng sơnăm minh puăt. Na yă-grai ei sư tôch đon ưh kơ gơh pơm kiơ kơ sư.

Tơdrông Tơ'bôh 12:6

Na bơngai drŏ-kăn ei kơdâu ôn hloi akâu sư tơ anih kueng chơngue, tơ anih mă 'Bok Kei-Dei hơmet lê̆ kơ sư boih. 'Bok Kei-Dei hiĕm 'me sư tơ noh kơplah minh-rơbâu 'bar-hrĕng tơdrâu-jĭt năr.

Tơdrông Tơ'bôh 13:5

Na yă-grai ei ăn kơ sem 'noh pơma pơang akâu kơdih păng pơma blông kơ 'Bok Kei-Dei. Sư gơh pơgơ̆r kơplah puăn-jĭt 'bar khei đĕch.

Tơdrông Tơ'bôh 4:10

na đĭ-đăng 'bar-jĭt puăn 'nu lu đe kră ei 'nap kơkuh kơ 'Bok Pơtao mă oei tơ tang-dŏ, 'Bok mă arih ling-lang ưh kơ layơ tôch ei. Môk maih lu sư 'măn 'bơ̆t anăp tang-dŏ 'Bok Pơtao, na lu sư hơri thoi âu:

Tơdrông Tơ'bôh 4:9

Rim wơ̆t lu sem brem ei hơri ư-ang 'Bok Pơtao mă oei tơ tang-dŏ, 'Bok mă arih ling-lang ưh kơ layơ tôch,