Da 12:10 - Sơ̆p Hlabơar Nơ̆r 'Bok Kei-Dei

¹⁰ Gô đei lơ bơngai pơm kơdih akâu sư rơgoh jing kok păng đei pơhrăm pơmat. Mă-lei lu bơngai kơnê̆ kư̆ hrăn pơm kơnê̆; lăm lu bơngai khĕnh hơwĕng kơnê̆ dêh ưh kơ đei bu hlôh; mă-lei lu bơngai gơh hơgei gô hlôh.

Da 12:10 Iomraidhean Croise

Horiso 107:43

Lu bơngai mă hlôh wao gơh hơgei 'blŏk kơ tơdrong 'nâu. Păng tơchĕng răk tơdrong 'mêm Kră Yang.

Horiso 51:7

Apinh Ih iŏk hla bơngăl sut rơgoh yoch inh, na inh gô 'lơ̆ng, Apinh ôp inh, na inh gô jing kok hloh kơ prĕl.

Tơdrông Pơđơk 1:5

Bơngai gơh hơgei gô mơ̆ng păng rai hŏk pơhrăm, Bơngai hlôh wao gô đei iŏk tơdrong bơtho tơ'bôh.

Êsai 1:18

Kră Yang khan: “Dang ei lu bơ̆n năm bĕ wă kơ pơma pơđâu băl. Mă đơ̆ng tơdrong yoch lu iĕm 'brê nhen thoi đak thêt gô jing kok thoi đak prĕl. Mă 'brê gơhieo gô jing kok thoi sŏk triu.

Êsêkiên 36:25

Inh gô ruh đak rơgoh hlăng tơ lu iĕm, lu iĕm gô; rơgoh lu iĕm gô rơgoh đĭ đơ̆ng dôm tơdrong kơnê̆ 'mê̆-'mach păng rơgoh đơ̆ng tơdrong kơkuh kơ rup yang lu iĕm.

Êsêkiên 47:11

Đak lăm lu Dơnâu hlŭt tơ noh ưh pă hlăng 'ngam, mă-lei 'măn kơ pơm 'boh.

Da 11:33

Lu bơngai hơgei hlôh wao gô bơtho lơ bơngai; mă-lei lu sư gô lôch kơ đao, lôch kơ ŭnh, lôch kơ đe phak lôch kơ đe plah tơgar lăm đunh sơnăm dêh.

Da 11:35

Kŭm đei lăm lu bơngai hơgei pơ̆k, wă kơ hŏk pơhrăm kơ lu sư, wă pơm ăn kơ lu sư rơgoh păng jing kok, truh tơ năr tôch, yua kơ tơdrong 'nâu gô đei năr pơkă.

Da 12:3

Lu bơngai hơgei gô thoi măt pơchră rang pơchrang hơdah đơ̆ng plĕnh; păng dôm lu bơngai mă đei chông anhăk brŏk gah tơdrong tơpăt gô hơdah thoi sơnglŏng ling-lang măng năr hlŏng hloi.

Hôsia 14:9

Bu jing bơngai hơgei, sư athei băt hlôh dôm tơdrong âu? Bu mă băt lăng hơlen, sư athei lăng bĕ lu tơdrong noh. Trong Kră Yang 'lơ̆ng tơpăt, lu bơngai tơpăt gô yak trong noh; mă-lei lu bơngai pơm yoch glăi gô yak kơtơih pơ̆k tơ noh.

Sa 13:9

Inh gô tah minh puăt lăm pêng noh tơ lăm ŭnh Inh, 'buh lu sư thoi đe 'buh hu, pơlong lăng lu sư thoi đe 'buh maih; lu sư gô ôr krao anăn Inh păng Inh gô tơl tơwih nơ̆r sư; Inh gô khan thoi âu: ‘Noh boih kon pơlei Inh âu.’ Lu sư gô khan: ‘Kră Yang noh Kră Yang 'Bok Kei-Dei inh.’ ”

Malachi 3:3

Sư gô hơ-oei thoi lu bơngai jôr hu pơm rơgoh đĭ, sư gô chhut lu kon drŏ-nglo Lêwi, pơm ăn kơ lu sư rơgoh thoi maih păng hu, lu sư gô pơyơ̆r tơmam soi kơ Kră Yang lăm tơdrong tơpăt.

Markôs 4:11

Yêsu khan kơ lu sư: “'Bok Kei-Dei ăn kơ lu iĕm băt gah tơdrong Sư wă pơgơ̆r kon bơngai thoi yơ. Mă-lei Inh bơtho lu bơngai nai tôm tơdrong păng nơ̆r pơjuang ngăl:

Luka 24:25

Na Yêsu khan kơ bre sư thoi âu: “Ơ lu bơngai kơhlôh, biĕm anat tơpă kơ lui dôm tơdrong lu bơngai mă pơtruh nơ̆r 'Bok Kei-Dei khan lê̆ hơdrol đơ̆ng sơ̆.

Yo 18:37

Pilat jet dơ̆ng: “'Noh hăm trŏ Ih 'Bok Pơtao dah ưh?” Yêsu khan: “Trŏ boih ih khan Inh 'Bok Pơtao. Kơlih kơ minh tơdrong âu Inh tơpŭ tơ ala teh âu, wă bơtho tơdrong tơpăt. Bu mă kiơ̆ tơdrong tơpăt, sư mơ̆ng nơ̆r Inh pơma.”

Yo 7:17

Bơngai bu 'maih pơm kiơ̆ thoi 'Bok Kei-Dei wă, bơngai 'noh sư gô băt tơdrong Inh bơtho âu lĕch đơ̆ng 'Bok Kei-Dei tơpă, dah lĕch đơ̆ng Inh kơdih.

Yo 8:47

Bơngai bu đơ̆ng 'Bok Kei-Dei, bơngai 'noh mơ̆ng nơ̆r 'Bok Kei-Dei. Iĕm ưh kơ mơ̆ng nơ̆r 'Bok Kei-Dei noh iĕm ưh kơ sĭ đơ̆ng 'Bok Kei-Dei ôh.”

I Kor 6:11

Lu iĕm mơ'nah pơm thoi noh tơpă mơ̆n sơ̆, mă-lei dang ei 'Bok Kei-Dei ôp rơgoh tơdrong yoch iĕm boih, iĕm jing kon Sư 'lơ̆ng tơpăt boih, Sư jô̆ iĕm bơngai 'lơ̆ng yua kơ Kră Yang Yêsu Krist păng Yang Bơhngol 'Lơ̆ng 'Bok Kei-Dei tơgŭm bơ̆n.

II Kor 7:1

Ơ lu 'nhŏng oh mă inh 'mêm kơeng, yua kơ 'Bok Kei-Dei wă ăn kơ bơ̆n jing kon Sư thoi noh boih, na bơ̆n athei tŭk lê̆ đĭ dôm tơdrong kơnê̆ 'mê̆-'mach đơ̆ng akâu bơ̆n juăt kơ pơm, hăm đơ̆ng jơhngơ̆m đon bơ̆n tơchĕng kơnê̆; bơ̆n athei adrin pơm mă tơpăt lăm tôm tơdrong, yua kơ bơ̆n băt hli kơ 'Bok Kei-Dei.

Tit 2:14

Kră Yang Yêsu Krist ăn akâu Sư kơdih chu lôch tang kon bơngai bơ̆n. Sư huai iŏk bơ̆n wă kơ bơ̆n huay pă pơm yoch dơ̆ng. Sư ăn kơ bơ̆n jing kon 'lơ̆ng Sư păng Sư ăn kơ jơhngơ̆m bơ̆n wă pơm 'lơ̆ng hăm đe ling-lang.

Hêbrơ 12:10

Mĕ 'bă, sư bơtho pơjĭ bơ̆n gô mơ̆ng kơ sư wă, kơplah bơ̆n oei 'lơ̆p. Na 'Bok Kei-Dei bơtho pơjĭ bơ̆n Sư wă tơgŭm bơ̆n tơpă, wă kơ bơ̆n pơm 'lơ̆ng thoi Sư.

I Pet 1:22

Bơ̆n chu lui kơ tơdrong 'Bok Kei-Dei boih, bơ̆n băt kơ lê̆ đĭ dôm tơdrong yoch, băt 'mêm mơnat kơ bôl buăl 'nhŏng oh bơngai lui. Bơ̆n athei iŏk tơdrong 'mêm mơnat dih băl ling-lang khŏm khŏm hăm đĭ jơhngơ̆m.

I Pet 1:7

Tơdrong gleh 'Bok Kei-Dei wă pơlong lăng tơdrong lui bơ̆n, wă kơ băt bơ̆n lui tơpă dah ưh. Bĭ maih đe kư̆m 'buh pơlong sư tơ ŭnh wă kơ băt sư maih tơpă dah ưh; na tơdrong bơ̆n lui kơ Yêsu Krist kăl hloh kơ maih tơpă, yua kơ maih sư gô hiong răm. Na bơ̆n kon bơngai trŏ kơ 'Bok Kei-Dei pơlong lăng tơdrong lui bơ̆n wă kơ bơ̆n lui kơjăp, na Sư gô bơnê kơ bơ̆n, hăm ăn kơ bơ̆n hiôk kơplah năr Yêsu Krist jur ning-mônh.

I Yo 5:20

Bơ̆n băt Kon pôm 'Bok Kei-Dei jur tơ bơ̆n boih. Sư roi tơbăt ăn kơ bơ̆n tôm tơdrong 'Bok Kei-Dei Kră Yang tơm tơpă. Bơ̆n pôm đon păng Kră Yang 'Bok Kei-Dei păng pôm đon păng Kon Sư Yêsu Krist mơ̆n. Yêsu Krist Sư kư̆m Kră Yang tơpă mơ̆n na Sư ăn kơ bơ̆n arih ling-lang.

Tơdrông Tơ'bôh 16:11

Lu sư pơma kơnê̆ kơ Kră Yang mă oei tơ plĕnh, yua kơ lu sư hăl hang kơ jĭ tơ'boch păng dôm tơdrong pơmat noh. Mă-lei lu sư ưh kơ chu tơbral tơdrong yoch lu sư pơm ôh.

Tơdrông Tơ'bôh 19:14

Đĭ-đăng kơ linh kơpal plĕnh ti hrŭk ao kok rơgoh, tă kơ hao aseh kok kiơ̆ Sư ngăl.

Tơdrông Tơ'bôh 19:8

'Bok Kei-Dei ăn kơ akăn Sư hrŭk ao che 'bui kok hơdah rang dêh.” Ao che 'bui kok hơdah rang noh wă pơtih gia kơ lu kon 'Bok Kei-Dei jing bơngai 'lơ̆ng tơpăt boih.

Tơdrông Tơ'bôh 22:11

Bơngai bu arăng kơ̆l oei 'maih pơm kơnê̆, lê̆ sư pơm kơnê̆ khŏm khŏm kư̆m bưh. Bơngai bu pơm 'lơ̆ng, sư athei kơchăng pơm 'lơ̆ng ling-lang.”

Tơdrông Tơ'bôh 3:18

Thoi noh na Inh wă kơ iĕm răt iŏk maih mă đêl Inh pơlong 'buh tơ ŭnh boih, wă kơ iĕm mơdrŏng păng răt iŏk hơbĕn ao kok đơ̆ng Inh, hrŭk bĕ, wă huay mơlâu kơ đe yua kơ iĕm akâu hoh; răt pơgang jĭ măt pik wă kơ klaih gơh 'bôh hơdah.

I Sam 24:13

Đe đei nơ̆r khan: Tơdrong kơnê̆ lĕch đơ̆ng bơngai kơnê̆. Mă-lei tơpang ti inh ưh kơ đei layơ wă hơtŭt 'bơm akâu jăn ih.