Da 10:5 - Sơ̆p Hlabơar Nơ̆r 'Bok Kei-Dei

⁵ Inh bơyar măt inh păng lăng 'bôh, minh 'nu hrŭk ao che 'bui kok, tơ̆n tơlei tơ̆n păng maih rơgoh Upha.

Da 10:5 Iomraidhean Croise

Êsai 11:5

Tơdrong 'lơ̆ng tơpăt noh thoi tơlei tơ̆n Sư, tơdrong tơnăp sĭt noh thoi tơlei tơ̆n tơ kơiĕng Sư.

Je 10:9

Đe chĕp ba hu tơtang hơtăng đơ̆ng pơlei Tarsis, păng maih đơ̆ng char Uphas. Noh tơdrong jang lu thơ̆ hơjơ̆m, hăm ti thơ̆ hling maih, sĭt sôr pơgong lăm ao che jơk hơhĭm, noh đơ̆ng ti lu bơngai thơ̆ hơgei tanh.

Êsêkiên 9:2

Inh 'bôh đei tơdrâu 'nu năm đơ̆ng gah 'măng kơpal tơ gah yă-nơ̆m. Rim 'nu ti chĕp 'long tơnôn. Lăm lu sư đei minh 'nu bơngai hrŭk ao che 'bui se kok, bĕng ba kơdŭng 'long chih đak mơ̆k. Lu sư mơ̆t păng dơ̆ng 'bơ̆t cheng chơnang soi kong.

Sa 1:8

Kơmăng inh 'bôh; thoi 'nâu đei minh 'nu bơngai hao aseh hŭng dơ̆ng 'bơ̆t tơm 'long pơgang tơ anih ala sŭng păng đơ̆ng rŏng kơ sư đei lu aseh hŭng, aseh hơi, aseh hak.

Êphêsô 6:14

Kơplah bơ̆n oei tơblah, bơ̆n athei dơ̆ng kơtă anih hloi, gơhret tơlei tơ̆n bơ̆n mă kơjăp; noh wă pơtih gia kơ bơ̆n đei đon tơpăt boih. Bơ̆n athei hrŭk ao mam wă pĕng akâu bơ̆n; noh wă khan bơ̆n athei pơm 'lơ̆ng kơ đe.

Jôsuê 5:13

Kơplah Jôsuê năm jê̆ pơlei Jêrikô, wă sư ngơk lăng, blư 'bôh hloi minh 'nu bơngai chĕp đao dơ̆ng tơklă 'bơ̆t anăp sư, Jôsuê năm tơ sư păng jet: Ih bơngai gah nhôn dah gah bơngai ayăt kơ nhôn?