Da 10:3 - Sơ̆p Hlabơar Nơ̆r 'Bok Kei-Dei

³ Inh ưh kơ sa tơmam 'lơ̆ng păng sik hơmu 'nhĕm kư̆m ưh kơ đei tah lăm 'bơ̆r inh păng inh kư̆m ưh kơ pik đak pơgang 'bâu phu dĭng đĭ pêng 'măng giĕng.

Da 10:3 Iomraidhean Croise

II Sam 19:24

Mephibôset sâu drŏ-nglo Sôl, kư̆m năm jur sơng pơtao, sư ưh kơ đei ôp jơ̆ng, yuă sŏk kang dah pih hơbĕn ao sư iŏk đơ̆ng năr pơtao yak năm truh tơ năr pơtao wih brŏk hiôk-hian.

Jop 33:20

Pơm ưh kơ 'maih sŏng sa, kư̆m areh mă tơmam sa 'băt 'lơ̆ng.

Da 10:12

Đơ̆ng noh bơngai ei khan thoi âu; ơ Đaniel 'nĕ kơ hli; yua kơ đơ̆ng nơ̆r blŭng-a mă ih đei đon hlôh drap kơkuh 'bơ̆t anăp Kră Yang 'Bok Kei-Dei ih păng lu nơ̆r ih pơma kơ Kră Yang 'Bok Kei-Dei kơtơ̆ng boih, yua kơ lu nơ̆r ih noh na inh truh tơ âu.

Da 11:8

Sư iŏk pơđĭ lu rup yang anhăk ba tơ dêh char Êyiptơ, hăm iŏk pơđĭ lu rup man păng đĭ lu maih păng đĭ lu pơnhan chhĕr pơm păng hu păng maih hai; dang 'bar pêng sơnăm sư ưh kơ blah pơtao yă-nơ̆m.

Da 6:18

Đơ̆ng rŏng kơ noh, pơtao wih brŏk tơ hnam pơtao sư, ưh kơ sŏng sa, kư̆m ưh kơ đei iŏk lu brŏ reh 'bơ̆t anăp sư păng pơtao ưh kơ gơh tep.

Am 5:11

Yua kơ lu iĕm pơjuă lu bơngai dơnuh răm păng pơgŏ lu sư rai ăn 'ba mi, mă khan lu iĕm đei pơm boih lu hnam man păng tơmo iĕm kư̆m ưh kơ gơh oei ôh. Lu iĕm đei pơtăm boih pơgar hơmu đei plei 'ngam mă-lei kư̆m ưh kơ đei huch đak sik sư ôh.

Na 2:9

Tơgar iŏk hu, tơgar iŏk maih bĕ; yua kơ tơmam gĭt lu sư lơlap, tơmam kăp lu sư lơ dêh.

Mathiơ 6:17

Năr iĕm ơ̆t kơ por iĕm athei 'nhao muh măt kor sŏk mă 'lơ̆ng hơnơ̆ng,

Luka 7:46

Ih kư̆m ưh kơ pik đak yâu tơ kơ̆l Inh wă pơhiôk Inh ôh, mă-lei sư âu tuh đak pơgang 'bâu phu tơ jơ̆ng Inh.

I Kor 9:27

Inh adrin pơm jơhngơ̆m chơ̆n kuă ăn akâu inh pơm yoch, hli kơ inh bơtho đe, đe lui mơ̆n, mă akâu inh kơdih hiong tơdrong apah.